គន្លឹះ៤យ៉ាងជួយឲ្យភ្នែកស្រទន់មានមន្តស្នេហ៍

2021-01-23 06:24:00
ចំនួនមតិ 0 | ចំនួនចែករំលែក 0

ភ្នែកជាចំណុចសំខាន់លើផ្ទៃមុខ ពេលសម្លឹងទៅអាចចាក់ដោតដល់ទៅក្នុងបេះដូង។ ប្រសិនបើភ្នែករបស់អ្នក ស្រទន់ស្រស់ស្អាត នរណាដែលថាឃើញហើយមិនលង់ស្នេហ៍នោះ? ហេតុនេះហើយ ថ្ងៃនេះ "កញ្ញា" នឹងបង្ហើបពីគន្លឹះ៤យ៉ាង ដល់អ្នកទាំងអស់គ្នា ដើម្បីបង្កើនភាពទាក់ទាញដល់ភ្នែកជាងមុនទ្វេដង ជាពិសេសពេលចូលរួមកម្មវិធីតែម្តង។

១. ពាក់ Contact Lenses

ជ្រើសរើសContact Lenses ពណ៌ត្នោតខ្ចី ដែលមានទំហំមិនធំជាងគ្រាប់ភ្នែកខ្លាំងពេក ព្រោះពណ៌នេះស្រស់ស្អាត មើលទៅមិនកាច ថែមទាំងស័ក្តិសមជាមួយនឹងការផាត់មុខគ្រប់ប្រភេទ។ ចំណែកឯចិញ្ចើមក៏ត្រូវគូរពណ៌ដែលស្រដៀងគ្នានឹង Contact Lenses ដែរ។

២. ពត់ឬពាក់រោមភ្នែក

នេះជាវិធីដ៏ល្អងាយៗ ដើម្បីឲ្យភ្នែកមូលក្រឡង់ស្អាត គ្រាន់តែយកប្រដាប់ពត់រោមភ្នែក មកពត់ឲ្យងរ ហើយលាបម៉ាស្ការ៉ាបន្ថែមជាការស្រេច។ បើអាចពាក់រោមភ្នែកមួយជាន់ទៀត គឺកាន់តែល្អ។

៣. បន្ថែមហាយឡាយពីលើត្របកភ្នែក

ផាត់ហាយឡាយនៅលើត្របកភ្នែក ប៉ុន្តែកុំដាក់ច្រើនពេក ព្រោះវាអាចធ្វើឲ្យឃើញភ្នែកតូចជាងមុន។ ប្រើដើម្បីរំលេចពន្លឺចែងចាំងល្មមគ្រប់គ្រាន់ហើយ។

៤. បិទត្របកភ្នែកពីរជាន់

ត្របកភ្នែកពីរជាន់ អាចជួយបង្កើតភាពទាក់ទាញដល់ភ្នែកខ្លាំងបំផុត។ វាធ្វើឲ្យភ្នែកមើលទៅស្រឡះល្អ ដូច្នេះអ្នកអាចប្រើ កាវបិទត្របកភ្នែក ឬស្កុតទន់ ដើម្បីឲ្យមានត្របកភ្នែកពីរជាន់ស្រស់ស្អាត៕