អាយុសាមជាងហើយ តែ Kim Bum នៅក្មេងស្អាតមិនចាញ់សិស្សវិទ្យាល័យ
- 2021-01-21 02:40:00
- ចំនួនមតិ 0 | ចំនួនចែករំលែក 0
អាយុសាមជាងហើយ តែ Kim Bum នៅក្មេងស្អាតមិនចាញ់សិស្សវិទ្យាល័យ
កម្រងរូបភាពក្រៅឆាករបស់តារាសម្ដែងប្រុសជួរមុខកូរ៉េ Kim Bum បានបង្ហាញឲ្យឃើញថា លោកនៅតែមានរូបសម្បត្តិក្មេងដូចកាលពី ១២ឆ្នាំមុន។
គេនៅចាំបានថា កាលពីឆ្នាំ ២០១៨ តារាសម្ដែងប្រុសល្បីឈ្មោះកូរ៉េ Kim Bum ចាប់ផ្ដើមចូលសិល្បៈពេញដៃពេញជើងវិញ ក្រោយពេលបាត់មុខអស់មួយរយៈ។ យ៉ាងណាក្ដី នៅពេលនោះ រូបសម្បត្តិរបស់តួរឿង F4 កូរ៉េត្រូវបានគេវាយតម្លៃថា បាក់ស្រុកខ្លាំង ដោយលោកមើលទៅចាស់ជាងអាយុ។ ក្រោយមក លោកក៏ចាប់ផ្ដើមថែរក្សារូបរាងវិញ រហូតដល់ស្អាតដូចសព្វថ្ងៃ។
យ៉ាងណាក្ដី កម្រងរូបភាពថ្មីបំផុត របស់ប្រុសស្អាត៣២ឆ្នាំ បានធ្វើឲ្យអ្នកគាំទ្រស្ទើរតែមិនជឿនឹងភ្នែក ព្រោះលោកមើលទៅក្មេងជាងអាយុខ្លាំងពេក រហូតដល់មានមតិលើកឡើងថា លោកក្មេងដូចសិស្សវិទ្យាល័យ។ ជាក់ស្ដែង នៅក្នុងរឿងថ្មីចំណងជើងថា Law School តារាកើតឆ្នាំ ១៩៨៩ ដើរតួជានិស្សិតឆ្នាំទី ១ ដូចនេះហើយ ទាំងម៉ូដសក់ និងស្ទីលស្លៀកពាក់បានធ្វើឲ្យលោកមើលទៅក្មេង ដូចកាលពី១២ឆ្នាំមុន ដែលជាពេលលោកទើបចូលសិល្បៈដំបូង។
ក្រោយពេលចូលសិល្បៈវិញ Kim Bum ទទួលបានគម្រោងធំៗថ្មីជាច្រើន ដោយគ្រាន់តែទើបបញ្ចប់រឿងភាគ Tale of the Nine Tailed ភ្លាម លោកក៏ទទួលថតរឿងភាគថ្មីនេះភ្លែត៕