មិនទាន់មានគម្រោងថ្មីថត Lee Minho បណ្ដោយខ្លួនញ៉ាំអីតាមចិត្ត រហូតដល់ធាត់ដុះបឿក
- 2021-01-18 02:45:00
- ចំនួនមតិ 0 | ចំនួនចែករំលែក 0
មិនទាន់មានគម្រោងថ្មីថត Lee Minho បណ្ដោយខ្លួនញ៉ាំអីតាមចិត្ត រហូតដល់ធាត់ដុះបឿក
នៅក្នុងបទសម្ភាសន៍ថ្មីបំផុត កំពូលតារាសម្ដែងប្រុសកូរ៉េ Lee Minho បានបង្ហាញឲ្យឃើញថា លោកកំពុងឡើងគីឡូគួរឲ្យកត់សម្គាល់។
មុននេះបន្តិច តារាសម្ដែងលំដាប់ A កូរ៉េ Lee Minho បានបង្ហាញខ្លួនរួមគ្នា ជាមួយតារាសម្ដែង និងចម្រៀងប្រុសល្បីឈ្មោះ Lee Seung Gi ដើម្បីជជែកពីការសហការគ្នារបស់អ្នកទាំង២។ តាមនោះដែរ នៅពេលខាងមុខ ប្រុសស្អាតទាំង២នឹងបញ្ចេញវីដេអូចម្រៀងរួមគ្នាមួយ។
ខណៈអតីតមិត្តប្រុសរបស់ តារាចម្រៀងស្រី Yoona នៅតែរក្សាបានភាពស្រស់សង្ហា មិនប្រែប្រួលនោះ តួរឿង The King ត្រូវបានទស្សនិកជនសង្កេតឃើញថា ឡើងគីឡូគួរឲ្យកត់សម្គាល់ ដោយនៅចំណុចករបស់លោក គឺដុះបឿមើលឃើញតែម្ដង។ នេះមិនមែនជាលើកទី១ឡើយ ដែលគេសង្កេតសភាពបែបនេះរបស់ប្រុសស្អាត ៣៣ឆ្នាំ ដោយកាលពីចុងឆ្នាំ នៅពេលឡើងទទួលពានរង្វាន់ លោកក៏មានភាពឡើងគីឡូរួចទៅហើយ។
អ្នកគាំទ្ររបស់ តួរឿង F4 គិតថា អាចមកពីអំឡុងពេលនេះ លោកមិនមានគម្រោងអ្វីថ្មី ទើបបណ្ដោយខ្លួនញ៉ាំអីតាមចិត្តមួយឆាវ ទើបធ្វើឲ្យមានការឡើងគីឡូបែបនេះ។ នៅពេលមានខ្សែភាពយន្តថ្មី លោកនឹងស្រកគីឡូវិញហើយ។ តែមតិមួយចំនួនក៏បានលើកឡើងដែរថា Lee Minho ចាប់ផ្ដើមចូលវ័យដែលពិបាកគ្រប់គ្រងទម្ងន់របស់ខ្លួន៕