លើកទឹកចិត្តខ្លួនឯងឲ្យធូរស្បើយពេលគិតច្រើន ដោយវិធី៣យ៉ាងសាមញ្ញ
- 2021-01-15 09:00:00
- ចំនួនមតិ 0 | ចំនួនចែករំលែក 0
លើកទឹកចិត្តខ្លួនឯងឲ្យធូរស្បើយពេលគិតច្រើន ដោយវិធី៣យ៉ាងសាមញ្ញ
នរណាក៏ចង់មានថ្ងៃល្អ និងអារម្មណ៍រីករាយដែរ។ យ៉ាងណាក៏ដោយ ពេលខ្លះមនុស្សយើងក៏ជួបនូវរឿងមិនសប្បាយចិត្តមួយចំនួន ដែលធ្វើឲ្យខ្លួនឯងពិបាកដោះស្រាយ។ ដូច្នេះ អ្នកគួរសាកល្បងដោះស្រាយដោយវិធីទាំងនេះ។
១. រីករាយនូវអ្វីដែលអ្នកមាន
នៅពេលមានអារម្មណ៍សោកសៅ សូមអង្គុយសមាធិ២នាទី ហើយងាកមកគិតលើរឿងដែលធ្វើឲ្យអ្នកមានមោទកភាពក្នុងជីវិត។ អ្នកនៅតែមានផ្ទះជ្រកកោន មានឡានជិះធ្វើដំណើរទៅមក មានការងារធ្វើ ជាមួយប្រាក់ខែសមរម្យ ...។
ទោះជាក្នុងអាកាសធាតុត្រជាក់ក៏ដោយ អ្នកនៅតែមានផ្ទះស្នាក់នៅ មានភួយក្រាស់មកដណ្តប់ … ដែលនេះហើយជាអ្វីដែលមនុស្សជាច្រើនប្រាថ្នា។ មិនត្រឹមប៉ុណ្ណឹងទេ បើនិយាយពីសុខភាពរបស់អ្នកវិញ ក៏ស្ថិតស្ថេរល្អ ដែលនេះគឺជាសុបិនរបស់មនុស្សជាច្រើន។ ហេតុនេះ អ្នកមិនគួរមានគំនិតអវិជ្ជមានចំពោះខ្លួនឯងទេ។
២. នៅជិតដិតនឹងធម្មជាតិ
មានធម្មជាតិនៅជិតប្រាណ នឹងធ្វើឲ្យអារម្មណ៍ធូរស្រាល ហើយក៏ជាវិធីសាមញ្ញាងាយៗបំផុតដើម្បីរក្សាឲ្យខ្លួនឯងមានថាមពល។ ដូច្នេះ អ្នកគួររៀបចំធ្វើសួនច្បារ ឬដាំផ្កាក្នុងផើងតូចៗក្នុងបន្ទប់កាន់តែល្អ ព្រោះនៅពេលអ្នកអស់កម្លាំងក្រោយធ្វើការងារហត់ គ្រាន់តែបើកបង្អួចក៏អាចស្រូបយកខ្យល់អាកាសបាន ឬអាចដើរលេងក្នុងសួនច្បារបានថែមទៀត។
៣. កោតសរសើរដល់អ្នកដទៃ
ចំណាយពេលមួយនាទី ហើយក្រឡេកមើលភាពខ្លាំងរបស់អ្នកដទៃ អាចជាមិត្តរួមការងារ មិត្តជិតស្និទ្ធ ឬមិត្តភក្កិដែលអ្នកស្គាល់តាមអនឡាញជាដើម។ ការមើលឃើញពីគុណសម្បត្តិរបស់អ្នកដទៃ ហើយចេះកោតសរសើរគេ អាចធ្វើឲ្យគេមានអារម្មណ៍សប្បាយចិត្ត ដូចផ្ការីកពេលព្រឹកព្រលឹម។