ចំណាយពេលអាន ២ នាទី ដើម្បីទទួលបានកាដូសម្រាប់ខ្លួនឯង ដោយមិនចាំបាច់អស់លុយ
- 2021-01-16 06:00:00
- ចំនួនមតិ 0 | ចំនួនចែករំលែក 0
ចំណាយពេលអាន ២ នាទី ដើម្បីទទួលបានកាដូសម្រាប់ខ្លួនឯង ដោយមិនចាំបាច់អស់លុយ
មិនច្រើនពេកទេ ចំណាយពេលអានត្រឹម ២-៣ នាទីប៉ុណ្ណោះ អ្នកនឹងអាចទទួលបានកាដូសម្រាប់ខ្លួនឯងជារៀងរហូត។ អត្ថបទមួយនេះ ពោរពេញទៅដោយគំនិតវិជ្ជមាន ដែលអាចជួយលើកទឹកចិត្ត និងតម្រង់ផ្លូវជីវិត ឲ្យមានភាពរីករាយស្រស់ស្រាយជាប់ជានិច្ច។
កុំឲ្យពីមួយឆ្នាំទៅមួយឆ្នាំកន្លងផុតដោយឥតន័យ ត្រូវធ្វើឲ្យជីវិតប្រសើរឡើង ព្រោះពេលវេលាចេះតែដើរទៅមុខ ហើយអាយុក៏មិនអាចដើរថយក្រោយបានដែរ។
រស់នៅក្នុងបច្ចុប្បន្នកាល ដោយមិនប្រមូលទុក្ខមកឱបក្រសោបតែម្នាក់ឯង។
បើអ្នកខឹងច្រើន មានគំនិតអវិជ្ជមាន អ្នកជាមនុស្សតែម្នាក់គត់ ដែលឈឺចាប់មុនគេមិនមែនអ្នកដទៃ។ បើអ្នកមានគំនិតវិជ្ជមាន អារម្មណ៍ល្អ រឿងល្អៗនឹងចូលមកដោយឯងៗ។
មួយថ្ងៃៗចូលចិត្តតែអង្គុយទើសគេពេក គ្មានបានអ្វីមកវិញ ក្រៅពីយកភាពក្តៅក្រហាយដាក់ខ្លួនឡើយ។
បើមិនជួបភាពបរាជ័យ ក្តីឈឺចាប់ខ្លះ អ្នកក៏មិនអាចស្គាល់ច្បាស់ពីខ្លួនឯងដែរ។
ស្រលាញ់អ្នកដទៃខ្លាំងប៉ុណ្ណាក៏ដោយ កុំភ្លេចស្រលាញ់យកចិត្តទុកដាក់ចំពោះខ្លួនឯងឲ្យច្រើនជាង ព្រោះមានអ្នកប៉ុណ្ណោះដែលស្មោះត្រង់មិនក្បត់នឹងខ្លួនឯង។
ពេលជួបបញ្ហា ដំណោះស្រាយដ៏ល្អ បានមកពីការកែតម្រូវចិត្តគំនិត ពាក្យសម្តី និងសកម្មភាពផ្ទាល់ខ្លួន ដោយមិនខ្វល់ពីអ្នកដទៃខ្លាំងពេក។
គួរអរគុណមនុស្សដែលបានធ្វើអាក្រក់ដាក់អ្នក ព្រោះវាជាមេរៀនដែលផ្តាំអ្នកថា មិនគួរធ្វើបែបនេះដាច់ខាត។
ធ្វើអំពើល្អឲ្យបានច្រើនទៅមិនទាស់អីទេ មនុស្សគ្រប់គ្នានឹងចងចាំអ្នកអស់មួយជីវិត។
កុំប្រកាន់ គុំកួនច្រើនពេក ចេះអត់ឱនទើបមិនឈឺចាប់ទាំងសងខាង។
ដរាបណាអ្នកឲ្យតម្លៃលើទឹកលុយខ្លាំងពេក ថ្ងៃណាមួយពេលដែលគ្មានលុយ អ្នកនឹងលែងមើលឃើញពីតម្លៃក្នុងខ្លួនតទៅទៀត។
កើតមកហើយស្លាប់ទៅវិញជារឿងធម្មតា ដូច្នេះហើយពេលមានជីវិត ត្រូវចេះប្រើឲ្យមានន័យ៕
ចុចអានបន្ត៖ សល់លុយខាប់ទាំងវ័យក្មេង បើះអ្នកដឹងពីគន្លឹះចំណាយតិចជាងចំណូល