វិធីងាយស្រួលទាំង៧ យ៉ាងជួយឲ្យជីវិតរីករាយ ទោះអ្នកមិនសូវមានពេលវេលាគ្រប់គ្រាន់ក៏ដោយ

2021-01-14 15:00:00
ចំនួនមតិ 0 | ចំនួនចែករំលែក 0

តើអ្នកធ្លាប់មានអារម្មណ៍ថា រវល់រហូតមិនសូវមានពេលមើលថែទាំខ្លួនឯងដែរទេ? អ្នកដឹងទេថា តាមពិតមានរឿងតូចៗក្នុងជីវិតប្រចាំថ្ងៃ ដែលអ្នកអាចបង្កើតវាបាន ជួយឲ្យជីវិតរីករាយបាន ទោះអ្នកមិនសូវមានពេលវេលាច្រើនក៏ដោយ។

១. ងូតទឹក

នៅពេលដែលអ្នកមានអារម្មណ៍ស្មុគស្មាញ សាកល្បងទៅងូតទឹកដោយងូតឲ្យត្រូវសក់ក្បាល។ លើសពីនេះ ក្លិនក្រអូបពីសាប៊ូ នឹងជួយបន្ធូរអាការៈតានតឹងនេះបាន ដែលជួយឲ្យអ្នកមានភាពល្អប្រសើរឡើងវិញ។

រូបតំណាង

**២. សម្រាកមួយភ្លែត ហើយដកដង្ហើមមួយៗ**

នៅពេលដែលអ្នកមានអារម្មណ៍ថាពិភពលោកនេះហាក់ដូចជានៅទ្រឹងមិនទៅមុខសោះ អ្នកគួរសាកល្បងបិទភ្នែក ហើយដកដង្ហើមចេញចូលមួយៗ ។ បន្ទាប់មកសម្រាកបន្តិច ហើយធ្វើការងារបន្តទៀត។

រូបតំណាង

៣. ប្រសិនបើអ្នកកំពុងធ្វើការពីផ្ទះ

អ្នកគួរភ្ញាក់ពីព្រឹកហើយស្លៀកពាក់តាមស្ទីលដែលអ្នកចូលចិត្ត។ ដូចជា ពាក់អាវយឺត រ៉ូប ខោ ឬអ្វីក៏បាន មិនគួរពាក់អាវដេកបែបនៅផ្ទះពេញមួយថ្ងៃយូរឡើយ។

រូបតំណាង

៤. ផឹកទឹក

មានដបទឹកក្បែរខ្លួនគ្រប់ពេល នោះអ្នកនឹងភ្ញាក់ផ្អើលមិនខានថា ក្នុងមួយថ្ងៃនេះអ្នកបានផឹកអស់ប៉ុន្មានដបហើយ។

រូបតំណាង

៥. ស្ដាប់អ្វីដែលអ្នកចូលចិត្ត

ខណៈពេលកំពុងធ្វើការ អ្នកគួរស្ដាប់ចម្រៀងបទថ្មីៗ ដើម្បីជួយរំញោចដល់ស្មារតីផ្លូវចិត្ត ក៏ដូចជាជួយបំពេញថាមពលក្នុងថ្ងៃថ្មី។

រូបតំណាង

៦. កុំភ្លេចសើច

តោះ សើចឲ្យបានច្រើនៗជាមួយរឿងខុសៗគ្នាក្នុងជីវិតនេះ ដោយសារការសើចត្រូវគេចាត់ទុកថាជាផ្នែកមួយជួយព្យាបាលការធុញថប់ និងបញ្ចេញស្រ្តេស។

រូបតំណាង

៧. បិទដំណឹងផ្សេងៗលើទូរសព្ទ

បិទដំណឹងផ្សេងៗកុំឲ្យលោតឡើងលើទូរសព្ទរបស់អ្នក នៅពេលអ្នកបង្ហើយការងារអស់ហើយ។ ឬអ្នកអាចឈប់ឆ្លើយតបសារណាដែលរំខានចិត្តចាប់ពីម៉ោង៩យប់ទៅ ដើម្បីមានពេលសម្រាកនិងលំហែចិត្តជាមួយរឿងថ្មីៗ៕