បើនៅតែដាក់តាំងរូបដូនតាខុសបែបនេះ កុំសួរថាហេតុអ្វីគ្រួសារចេះតែក្រ រឿងមិនចប់
- 2020-12-30 08:23:00
- ចំនួនមតិ 0 | ចំនួនចែករំលែក 0
បើនៅតែដាក់តាំងរូបដូនតាខុសបែបនេះ កុំសួរថាហេតុអ្វីគ្រួសារចេះតែក្រ រឿងមិនចប់
គ្រួសារគ្រប់គ្នា តែងតែមានជីដូនជីតាដែលលាចាកលោកទៅ ហើយត្រូវមានរូបតាំងជារូបអនុស្សាវរីយ៍ដើម្បីឲ្យកូនចៅថ្ងៃក្រោយនឹកដល់ តែមនុស្សជាច្រើនមិនដឹងឡើយថា បើព្យួររូបដូនតាខុសក្បួន នឹងនាំហានិភ័យមកដល់គ្រួសារផងដែរ។ ខាងក្រោមនេះគឺជាក្បួនព្យួររូបដូនតាឲ្យបានចម្រុងចម្រើនគ្រួសារ។
១. ព្យួររូបកុំឲ្យខុសខាង
តាមអ្នកជំនាញហុងស៊ុយព្យួររូបដូចតានៅក្នុងផ្ទះ គឺយើងត្រូវរៀបឲ្យត្រូវតាមខាងឆ្វេង ខាងស្ដាំនៃផ្ទះនីមួយៗ ដោយរូបជីតាត្រូវនៅខាងឆ្វេង និងរូបជីដូនត្រូវនៅខាងស្ដាំ មានន័យថា បើរូបជីដូនជីតាជាប់គ្នា រូបជីតា ត្រូវនៅខាងឆ្វេងរូបជីដូន ដោយមិនឲ្យឆ្លាស់គ្នាឡើយ។ ដោយអ្នកជំនាញលើកឡើងថា នៅបច្ចុប្បន្ន គ្រួសារភាគច្រើន អ្នកណាស្លាប់មុន នឹងដាក់ព្យួរមុន មិនប្រកាន់ឆ្វេងស្ដាំ ដែលអាចធ្វើឲ្យប៉ះពាល់ដល់យីអ៊ុន ង៉ូវហេងនៅក្នុងគ្រួសារ។
២. ហាមដាក់រូបរួមគ្នា
មនុស្សជាច្រើន នៅពេលដូនតាទើបស្លាប់ គឺដាក់រូបតាំងផ្សេងគ្នា តែដល់ពេលពួកគាត់ស្លាប់ទាំង២នាក់ហើយ កូនចៅក៏ផ្ដិតរូបដូនតាចូលគ្នាវិញ ដែលនេះគឺជាប្រការដែលហាមឃាត់បំផុត។ ត្បិតទោះស្លាប់ហើយមែន តែវិញ្ញាណកន្ធរបស់អ្នកទាំង២គឺនៅដាច់ដោយឡែក ដូចនេះហើយ ការដែលដាក់រួមគ្នាបែបនេះ អាចបង្ករទៅជាក្ដីក្ដៅក្រហាយដល់គ្រួសារ។ ដូចនេះល្អបំផុត អ្នកគួរដាក់រូបដូនតានៅផ្សេងៗគ្នា។
៣. ដាក់ទន្ទឹមនឹងជើងធូប
ជើងធូបគឺជាវត្ថុសក្ការៈដែលសម្រាប់សែនថ្វាយព្រះ និងទេវតានានា ដែលមានឋានៈខ្ពស់ជាងដូនតា ដូចនេះហើយ ការដាក់រូបដូនតាតាំងស្មើជាមួយនឹងជើងធូប ប្រៀបដូចជាការបំពានមួយ ដែលត្រូវតែជៀសជាដាច់ខាត ដើម្បីកុំឲ្យឡាក់ឆុងដូនតា ជាមួយវត្ថុសក្ដិសិទ្ធិនានា៕