ប្រសិនបើអ្នកគិតចង់ចាប់ផ្តើមបង្កើតគ្រួសារជាមួយមនុស្សដែលខ្លួនស្រឡាញ់ ឬចង់បានដៃគូនៅក្នុងឆ្នាំនេះ វាគឺជាឆ្នាំដ៏ល្អបំផុត។ តាមហោរាសាស្ត្របាននិយាយថាឆ្នាំ ២០២១ គឺជាឆ្នាំនៃការទទួលបានជ័យជំនះ លទ្ធផលល្អៗ និងនាំមកនូវលាភសំណាង ហើយជាឆ្នាំដ៏ល្អសម្រាប់ទំនាក់ទំនង មិនថាជាមិត្តភាព គ្រួសារ ឬស្នេហាឡើយ ឆ្នាំដ៏អស្ចារ្យមួយនេះនឹងចូលមកដល់ឆាប់ៗ។

យោងតាមហោរាសាស្ត្រសម្រាប់ឆ្នាំ ២០២១ ឆ្នាំងថោះ ឆ្នាំរោង និង ឆ្នាំមមែ នឹងទទួលបានសំណាងខ្ពស់ខ្លាំងជាងគេនៅក្នុងជីវិតស្នេហា បើប្រៀបធៀបទៅនឹងឆ្នាំដ៏ទៃទៀត។ ឆ្នាំនេះពួកគេនឹងជួបមនុស្សពិសេសដែលនឹងកែប្រែជោគ​វាសនាស្នេហារបស់ពួកគេ ហើយអាចឈានដល់អាពាហ៍ពិពាហ៍ទៀតផង៖

ឆ្នាំថោះ ជាឆ្នាំល្អដែលអ្នកគួរតែចាប់ផ្តើមបើកទ្វា និងផ្តល់ឱកាសសម្រាប់ខ្លួនឯងនៅក្នុងទំនាក់ទំនងស្នេហា។ ប្រសិនបើអ្នកពិតជាចង់បានដៃគូនោះ អ្នកនឹងបាន តែអ្នកត្រូវតែចេះគ្រប់គ្រង ហើយព្យាយាមស្វែងយល់បន្ថែមក្នុងការប្រមើលមើលពីលក្ខណៈសម្បត្តិរបស់ដៃគូ ដើម្បីទទួលបានលទ្ធផលល្អគាប់ចិត្ត។

ឆ្នាំរោង នៅឆ្នាំនេះអ្នកមានឱកាសក្នុងការស្វែងរកដៃគូដែលមានស្ថេរភាពល្អ រស់នៅជាមួយគ្នាយូរអង្វែង ហើយប្រសិនបើអ្នកមានទំនាក់ទំនងជាយូរមកហើយនោះវាអាចនឹងនាំអ្នកឈានដល់ការរៀបការតែម្តង។

ឆ្នាំមមែ ឆ្នាំនេះសម្រាប់អ្នកមិនទាន់មានគូ អ្នកនឹងធ្លាក់ក្នុងអន្លង់ស្នេហ៍យ៉ាងឆាប់រហ័ស ត្រូវបើកចិត្តឲ្យទូលាយ ហើយកុំខ្លាចការខកចិត្តអៃ។ សម្រាប់អ្នកមានគូហើយនឹងគម្រោងរៀបការឆាប់ៗក្នុងឆ្នាំនេះតែម្តង៕

រូបភាព៖ Pexels, Pinterest

អានបន្ត៖

• មិនទាន់បានការថើបលើកដំបូងមែនទេ នេះជាអ្វីដែលអ្នកត្រូវធ្វើ!
• ចង់ដឹងពីរបៀបស្វែងរកដៃគូឲ្យបានមុនពេលឆ្លងឆ្នាំ សាកវីធីទាំងនេះ!