ប្រុសស្អាតកើតឆ្នាំ ២០០១ ប្រែកាយខុសគ្នាស្រឡះពេលលក់បន្លែ និងពេលចូលក្លឹប
- 2020-12-15 09:00:00
- ចំនួនមតិ 0 | ចំនួនចែករំលែក 0
ប្រុសស្អាតកើតឆ្នាំ ២០០១ ប្រែកាយខុសគ្នាស្រឡះពេលលក់បន្លែ និងពេលចូលក្លឹប
ប្រុសស្អាតម្នាក់មកពីប្រទេសវៀតណាមបានធ្វើឲ្យគេចាប់អារម្មណ៍ជាខ្លាំងនៅពេលបង្អួតកម្រងរូបភាពរបស់ខ្លួននៅពេលលក់បន្លែជួយគ្រួសារ និងពេលខ្លួនទៅដើរលេងជាមួយមិត្តភ័ក្ដិ។ នៅពេលរំលឹកដល់ពាក្យថាប្រែកាយរវាងពេលនៅផ្ទះ និងពេលដើរលេង មនុស្សជាច្រើននឹងគិតថា មនុស្សប្រាកដជាមនុស្សភាគច្រើនដែលអាចធ្វើរឿងទាំងនេះ ព្រោះដោយសារសម្លៀកបំពាក់ ក៏ដូចជាគ្រឿងសំអាងអាចជួយឲ្យមនុស្សស្រីប្រែក្លាយទៅជាមនុស្ស២ផ្សេងគ្នាបាន។
យ៉ាងណាក្ដី មុននេះបន្តិច ប្រុសស្អាត១៩ឆ្នាំម្នាក់បានបង្ហាញឲ្យមនុស្សគ្រប់គ្នាឃើញថា មនុស្សប្រុសក៏អាចធ្វើរឿងទាំងនេះបានដែរ ដោយមិនចាញ់ប្រៀបមនុស្សស្រីឡើយ។
ជាក់ស្ដែង បុរសខាងលើមានឈ្មោះថា Tran Anh Dung កើតឆ្នាំ ២០០១ មកពីក្រុងហូជីមិញ ប្រទេសវៀតណាម បានបង្ហាញពីជីវិតស្ទើតែខុសគ្នាទាំងស្រុងរបស់ខ្លួននៅពេលលោកជួយលក់បន្លែឲ្យគ្រួសារ និងពេលលោកចូលក្លឹបពេលយប់។
មនុស្សជាច្រើនក្រោយពេលឃើញរូបទាំងនេះ ស្ទើតែមិនជឿថា នេះគឺជាមនុស្សតែមួយ។ ឆ្លើយតបនឹងរឿងនេះ ម្ចាស់សមីខ្លួនបានបង្ហើបថា នៅពេលនៅផ្ទះ ជាពិសេសគឺនៅពេលជួយគ្រួសារ គឺលោកស្លៀកបាក់សាមញ្ញ ឲ្យតែស្រួលខ្លួនគឺបានហើយ។
តែនៅពេលដើរលេងយប់ឡើង ខ្លួនតែងចំណាយពេលដើម្បីជ្រើសរើសខោអាវឲ្យសមនឹងកម្មវិធីដែលខ្លួនចូលរួម ក៏ដូចជាប្រើគ្រឿងសំអាងបន្តិចបន្ដួរ និងធ្វើសក់បន្ថែមដើម្បីបង្កើនភាពទាក់ទាញ។ មនុស្សជាច្រើនបានសរសើរ និស្សិតឆ្នាំទី ២នេះថា ទោះបីជាមនុស្សប្រុសពិតមែន តែពូកែធ្វើខ្លួនខ្លាំងណាស់ មិនចាញ់មនុស្សស្រីឡើយ៕