Song Hye Kyo បង្ហោះរូបស្អាតឥតខ្ចោះក្រោមព្រិល តែកែវភ្នែកពោរពេញទៅដោយទុក្ខសោក

2020-11-26 02:26:00
ចំនួនមតិ 0 | ចំនួនចែករំលែក 0

រូបភាពថ្មីរបស់កំពូលតារាសម្ដែងស្រីកូរ៉េ Song Hye Kyo ស្អាតឥតទាស់ តែមនុស្សជាច្រើនបានរកឃើញថា នៅលើស្នាមញញឹមនោះ គឺបង្កប់ទៅដោយកែវភ្នែកដែលរលីងរលោងហាក់ផ្ទុកនូវភាពពិបាកចិត្តអ្វីមួយ។

មុននេះបន្តិច នៅលើបណ្ដាញសង្គមរបស់ខ្លួន តារាសម្ដែងស្រីជួរមុខកូរ៉េ Song Hye Kyo បានបង្ហោះវីដេអូ ក៏ដូចជារូបភាពខ្លួនទៅលេងភ្នំទឹកកកយ៉ាងស្រស់ស្អាត។ តាមនោះដែរ រូបភាពទាំងនេះត្រូវបានផ្ដិតបាននៅពេលស្រីស្អាត៣៩ឆ្នាំ ទៅដើរលេងជាមួយមិត្តភ័ក្ដិក្នុងឱកាសថ្ងៃខួបកំណើតរបស់នាងកាលពីថ្ងៃទី ២១កន្លងទៅនេះ។

ទោះបីជារូបភាពទាំងនេះ តួរឿង Full House មើលទៅស្រស់ស្អាតខ្លាំង ប្រៀបដូចពេលនាងទើបចូលសិល្បៈ យ៉ាងណាក្ដី នៅក្នុងការបង្ហោះនេះ តារាលំដាប់ A ខាងលើ បានបង្ហោះ Quote ដ៏ល្បីឈ្មោះ Stardust របស់កវី Lang Leav។ ដោយនៅក្នុងកំណាព្យនេះ មានអត្ថន័យថា៖ នៅពេលយើងចាកចេញពីពិភពលោកមួយនេះ ត្រូវចាកចោលរាល់ទ្រព្យសម្បត្តិ និងការចងចាំទាំងអស់ មានតែស្នេហាប៉ុណ្ណោះដែលនឹងយកតាមពីជាតិនេះ ទៅដល់ជាតិក្រោយ។

មនុស្សជាច្រើនបានលាន់មាត់ថា តារាសម្ដែងស្រីរូបនេះ ហាក់កំពុងទុក្ខព្រួយនៅក្នុងចិត្ត ខណៈនេះគឺជាខួបលើកទី ២ដែលនាងទទួលដោយគ្មានអតីតស្វាមី ដែលជាតារាសម្ដែង Song Joong Ki៕