មេរោគទាំង ៣ ដែលនឹងសម្លាប់ស្នេហារបស់អ្នកលឿនជាងអ្នកទី ៣ទៅទៀត
- 2020-11-25 02:00:00
- ចំនួនមតិ 0 | ចំនួនចែករំលែក 0
មេរោគទាំង ៣ ដែលនឹងសម្លាប់ស្នេហារបស់អ្នកលឿនជាងអ្នកទី ៣ទៅទៀត
មេរោគទាំងនេះ នឹងចូលទៅសម្លាប់មនោសញ្ចេតនារបស់អ្នកម្ដងបន្តិចៗ រហូតដល់ពេលលែងមានថ្នាំព្យាបាល ទាំងអ្នកមិនដឹងខ្លួន បើអ្នកមិនបង្ការពីដំបូង។
១. មិនសូវនិយាយជាមួយគ្នា
ពាក្យចាស់និយាយមិនខុសនោះឡើយដែលថា ស្នេហ៍មិនឈ្នះស្និទ្ធិ។ នៅក្នុងរឿងស្នេហា គ្មានអ្វីដែល ធ្វើឲ្យងាយបែកចិត្តជាងការមិនប្រាស្រ័យទាក់ទងគ្នានោះឡើយ។ ទោះបីជាកំពុងស្ថិតនៅក្នុងចំណងជាមួយគ្នាក៏ដោយ តែបើមិនឧស្សាហ៍និយាយរកគ្នា របៀប១សប្ដាហ៍ផ្ញើសារជាមួយគ្នាម្ដង មិនយូរមិនឆាប់ ស្នេហាមួយនេះក៏នឹងបែកគ្នាជាមិនខាន។
២. ឈ្លោះគ្នាហើយស្ងាត់រៀងខ្លួន
ដោយសារតែចិត្តអំនួតរៀងខ្លួន គូស្នេហ៍មិនតិចឡើយ ក្រោយពីឈ្លោះគ្នាហើយ គឺមិនខ្ចីនិយាយរកគ្នា ទោះថាអ្នកណាត្រូវ អ្នកណាខុសក៏ដោយ។ នេះគឺជាកត្តាដែលងាយនាំមកនូវការបែកគ្នាបំផុត។ ព្រោះក្រោយឈ្លោះគ្នា អារម្មណ៍ខឹង ធ្វើឲ្យយើងស្អប់គ្នាស្រាប់ទៅហើយ ហើយបើទុកយូរទៀត នៅពេលភាពអំនួតកាន់តែធំឡើងៗ នឹងធ្វើឲ្យអ្នកទាំង២រឹតតែពិបាកបើកមាត់និយាយរកគ្នា ដែលជាមូលហេតុនាំឲ្យបែកគ្នាតែម្ដង។
៣. យកគំនិតខ្លួនជាគោល
ដោយសារតែប្រកាន់ជំហររបស់ខ្លួនឯងខ្ពស់ អ្នកខ្លះមិនព្រមស្ដាប់យោបល់របស់អ្នកដទៃឡើយ ដោយគិតថាគំនិតរបស់ខ្លួនគឺត្រូវទាំងអស់។ ដូចនេះហើយ ទោះបីជាពេលខ្លះគំនិតរបស់សង្សារត្រូវ ក៏ពួកគេមិនព្រមទទួលយកនោះដែរ។ នេះហើយគឺជាដើមទងនៃបញ្ហានៃគូស្នេហ៍ជាច្រើន ព្រោះចង់ឲ្យភាគីម្ខាងទៀតស្ដាប់តែយោបល់ខ្លួន មិនព្រមស្ដាប់តាមគូស្នេហ៍។ បើអ្នកចង់ចិញ្ចឹមឲ្យចំណងមួយលូតលាស់ អ្នកត្រូវស្ដាប់គំនិតរបស់ខ្លួនទៅវិញទៅមក៕