អាយុចាស់ជាងដល់ទៅ ១៤ឆ្នាំ តែ Gong Yoo មិនចាញ់ប្រៀបឡើយពេលថតជាមួយ Park Bo Gum

2020-11-24 01:50:00
ចំនួនមតិ 0 | ចំនួនចែករំលែក 0

ទោះបីជាមានអាយុលើសខ្វះគ្នាជាងមួយជួរក៏ដោយ តែរូបសម្បត្តិរបស់តារាសម្ដែងល្បីឈ្មោះកូរ៉េ Gong Yoo មិនចាញ់រៀមប្អូន Park Bo Gum ប៉ុន្មានឡើយនៅពេលថតរួមគ្នា។

មុននេះបន្តិច ក្រុមការងាររបស់ភាពយន្តកូរ៉េ Seo Bok បានបញ្ចេញកម្រងរូបភាពថ្មីរបស់កំពូលតារាសម្ដែងប្រុស ២ដួងនោះគឺ Gong Yoo និង Park Bogum។ គ្រាន់តែរូបភាពទាំងនេះត្រូវបានបញ្ចេញភ្លាម ទទួលបានការចាប់អារម្មណ៍ជាខ្លាំង ត្បិតគម្រោងភាពយន្តនេះមានការចូលរួមពីសំណាក់តារាសម្ដែងល្បីឈ្មោះដល់ទៅ ២ដួង។

ទោះបីជាចូលសិល្បៈរាប់សិបឆ្នាំហើយក្ដី តែទស្សនិកជនបានលាន់មាត់ថា តារាសម្ដែងជើងចាស់ Gong Yoo នៅតែរក្សាភាពវ័យក្មេងបានយូរ ដោយទោះបីជាថតក្បែរ ប្រុសស្អាតកំពុងឡើងកូដជំនាន់ក្រោយ Park Bo Gum ក៏លោកមិនចាញ់ប្រៀបដែរ។ មិនត្រឹមតែប៉ុណ្ណោះ ទោះមានអាយុដល់ទៅ ៤១ឆ្នាំហើយក៏ដោយ តែ Park Bo Gum ធ្វើឲ្យគេសឹងមិនជឿថា លោកមានអាយុក្រៅសែនោះឡើយ។

មនុស្សជាច្រើននៅពេលដឹងថា តួរឿង Train to Busan មានអាយុបងតួរឿង Encounter ដល់ទៅ ១៤ឆ្នាំបានសម្ដែងការភ្ញាក់ផ្អើលជាខ្លាំង ព្រោះរូបសម្បត្តិអ្នកទាំង២ហាក់មិនសូវខុសប្លែកគ្នា៕