ទស្សនិកជនស្រងាកចិត្តព្រោះតួឯកប្រុសរឿង Yanxi Palace ស្រវឹងដួលដាបនឹងដី
- 2020-11-23 07:59:00
- ចំនួនមតិ 0 | ចំនួនចែករំលែក 0
ទស្សនិកជនស្រងាកចិត្តព្រោះតួឯកប្រុសរឿង Yanxi Palace ស្រវឹងដួលដាបនឹងដី
កម្រងរូបភាពផឹកស្រាដល់ថ្នាក់ដើរដេកដួលរបស់តារាសម្ដែងប្រុសកំពុងឡើងកូដ Xukai បានធ្វើឲ្យមនុស្សជាច្រើនអស់សង្ឃឹមនឹងរូបលោកជាខ្លាំង។
កាលពីថ្ងៃទី ២១ ខែវិច្ឆិកាកន្លងទៅនេះ បណ្ដាញព័ត៌មាន QQ បានរាយការណ៍ថា នៅអធ្រាត្រថ្ងៃទី ២០ ខែវិច្ឆិកា គេបានប្រទះឃើញតារាសម្ដែងប្រុសល្បីឈ្មោះចិន Xukai ស្រវឹងស្រា ដើរចេញពីហាងមួយកន្លែង។ តាមនោះដែរ ប្រភពដដែលបានឲ្យដឹងថា ក្រោយពេលបញ្ចប់ការសម្ដែងនៅយប់ជ្រៅ ប្រុសស្អាត២៦ឆ្នាំ នៅតែបបួលមិត្តភ័ក្ដិផឹកដល់អធ្រាត្រ ទើបត្រលប់ទៅសណ្ឋាគារសម្រាកវិញ។
អ្នកកាសែត ដែលផ្ដិតបានរូបទាំងនេះបានឲ្យដឹងថា តួឯករឿង Yanxi Palace ស្រវឹងដល់ថ្នាក់ដើរបណ្ដើរ ដួលបណ្ដើរ ហើយត្រូវការអ្នកអម ទើបដើររួច។ កម្រងរូបភាពនេះបានធ្វើឲ្យអ្នកគាំទ្រ ក៏ដូចជាទស្សនិកជនអស់សង្ឃឹមនឹងតារានេះជាខ្លាំង ត្បិតទោះបីជាទើបតែមានកេរ្តិ៍ឈ្មោះក៏ពិតមែន តែលោកបានហ៊ានផឹកស៊ីនៅកន្លែងថតរឿង រហូតដល់ថ្នាក់ដាបបែបនេះ មិនចេះរក្សារូបភាពខ្លួនឯង។
គួរបញ្ជាក់ផងដែរថា នេះមិនមែនជាលើកទី ១ឡើយដែលគេប្រទះឃើញប្រុសស្អាតកើតឆ្នាំ ១៩៩៤ផឹករហូតដល់ដើរលែងរួចបែបនេះ ដោយដើមខែតុលាមុននេះ លោកក៏បានប្រជុំគ្នាជាមួយមិត្តភ័ក្ដិផឹកស៊ីបែបនេះដែរ៕