Tao ត្រូវ Fan ដឹងថាលួចស្រលាញ់ IU ហើយចង់រៀបការភ្លាមៗបើនាងព្រម

2020-11-23 02:30:00
ចំនួនមតិ 0 | ចំនួនចែករំលែក 0

ការសារភាពថាស្រលាញ់របស់តារាចម្រៀងចិន Tao ចំពោះកំពូលតារាចម្រៀងស្រីកូរ៉េម្នាក់ កំពុងទទួលបានការចាប់អារម្មណ៍ជាខ្លាំង។

កាលពីអធ្រាត្រថ្ងៃទី ២១ ខែវិច្ឆិកាកន្លងទៅនេះ តារាសម្ដែង និងចម្រៀងល្បីឈ្មោះចិន Tao អតីតសមាជិកក្រុមចម្រៀង EXO បានធ្វើឲ្យផ្ទុះបណ្ដាញសង្គម ក្រោយលោកចែករំលែកថា លួចស្រលាញ់តារាកូរ៉េម្នាក់នៅក្នុងពេលកំពុង Live ជជែកជាមួយហ្វេនៗ។

តាមនោះដែរ លោកបានសារភាពថា ខ្លួនបានលួចស្រលាញ់តារាម្នាក់ ហើយបានផ្ញើសារតាម Instagram ឲ្យនាង តែនាងមិនបានតបវិញឡើយ។ លោកបន្ថែមថា បើនាងយល់ព្រមស្រលាញ់លោក លោកអាចរៀបការនៅថ្ងៃស្អែកតែម្ដងក៏បានដែរ។

Tao បន្ថែមថា៖ ខ្ញុំអាចមើលអ្វីគ្រប់យ៉ាងពីនាងពេញមួយថ្ងៃក៏មិនធុញ។ ខ្ញុំពិតជាធ្លាប់គិតថា នាងអាចធ្វើជាមិត្តស្រីរបស់ខ្ញុំពិតមែន ខ្ញុំស្រលាញ់នាង តែគ្មានវិធីឡើយ។ ក្រោយពេលស៊ើបការច្បាស់លាស់ អ្នកគាំទ្របានរកឃើញថា តារាស្រីដែលប្រុសស្អាតនេះលួចស្រលាញ់គ្មានអ្នកណាក្រៅពីតារាចម្រៀងស្រីល្បីឈ្មោះ IU នោះឡើយ។ ដោយមុននោះ លោកបានជ្រុលបង្ហោះរូបរបស់នាង នៅលើបណ្ដាញសង្គម តែបានលុបវិញយ៉ាងលឿន។ មូលហេតុដែលនាំឲ្យមានការយល់ច្រឡំនេះគឺព្រោះមកពីលោក save រូបរបស់នាងច្រើនពេកក្នុងទូរសព្ទ ទើបធ្វើឲ្យបង្ហោះរូបច្រឡំបែបនេះ។

ក្រៅពីនោះដែរ នៅលើ Instagram ក្រៅពីគណនីរបស់ក្រុមហ៊ុន Tao គឺ follow តែ IU ម្នាក់គត់។ នៅពេលបច្ចុប្បន្នក្រុមហ៊ុនរបស់តារាប្រុសរូបនេះមិនទាន់ឆ្លើយតបនឹងបណ្ដាញព័ត៌មានទាក់ទងនឹងរឿងខាងលើឡើយ៕