មិនចាំបាច់អីធំដុំអស្ចារ្យ បើគេឧស្សាហ៍សួរអ្នកសំនួរនេះ មានន័យថាអ្នកយកបានបេះដូងគេបានហើយ
- 2020-11-23 02:00:00
- ចំនួនមតិ 0 | ចំនួនចែករំលែក 0
មិនចាំបាច់អីធំដុំអស្ចារ្យ បើគេឧស្សាហ៍សួរអ្នកសំនួរនេះ មានន័យថាអ្នកយកបានបេះដូងគេបានហើយ
តាមការពិតទៅ នៅពេលមនុស្សប្រុសស្រលាញ់យើងពិតប្រាកដ មានសកម្មភាពមួយចំនួន មិនចាំបាច់ធំដុំពេកនោះទេ ក៏អាចបង្ហាញពីក្ដីស្រលាញ់បានដែរ។ ខាងក្រោមនេះគឺជាសំនួរសាមញ្ញៗដែលបង្ហាញថា គេលងស្រលាញ់អ្នកមែនទែនហើយ។
១. មាននឹកបងអត់
មនុស្សប្រុសនៅពេលដែលបានដិតដាមជាមួយនឹងមនោសញ្ចេតនារបស់អ្នកហើយ គឺគេតែងនឹកនាដល់អ្នកជានិច្ច ហើយគេក៏ចង់ដឹងដូចគ្នាដែរថាតើយើងមាននឹកនាគេដែរ ឬអត់។ ដូចនេះហើយ ប្រសិនបើគេសួរអ្នកថា មាននឹកគេអត់ គឺឈានចូលដំណាក់កាលដែល ឲ្យតែបិទភ្នែកគឺឃើញតែអ្នកហើយ។
២. អូនឯងដល់ផ្ទះនៅ
មានតែអ្នកស្រលាញ់ និងបារម្ភពីអ្នកចេញពីចិត្តទេ ទើបចង់ដឹងថាសុខទុក្ខរបស់អ្នកយ៉ាងណា។ នៅពេលណាត់ដើរលេងនឹងគ្នាហើយ គេប្រាកដជាចង់ដឹងថា អ្នកទៅដល់ផ្ទះហើយ ឬនៅ។ ការសួរបែបនេះ មិនមែនកើតពីការមិនទុកចិត្តនោះទេ តែកើតឡើងពីការបារម្ភ។ បើគេសួរអ្នកបែបនេះ អាចជឿទុកចិត្តបានថា គឺ៩០%ទៅហើយដែលថា គេបំភ្លេចអ្នកមិនបាន។
៣. បងទៅជាមួយអូនឯងដែរបានអត់
ដូចគ្នានឹងចំណុចខាងលើដែរ សកម្មភាពនេះសម្ដែងចេញមក មិនមែនមកពីគេមិនទុកចិត្តអ្នកឡើយ គ្រាន់តែខ្លាចក្រែងអ្នក ទៅណាមកណាម្នាក់ឯង មិនសុវត្ថិភាពប៉ុណ្ណោះ។ ចំពោះមនុស្សដែលមិនស្រលាញ់យើងវិញ ទោះជួលក៏គេមិនចង់មកជាមួយដែរ។ ហេតុនេះហើយ បើស្នេហារបស់អ្នកឈានដល់ដំណាក់នេះ មានន័យថា អ្នកក្ដោបបេះដូងគេបានទាំងស្រុងហើយ៕