បានចង្កេះអង្ក្រង ក្បាលពោះរាបស្មើ ត្រឹមចំណាយពេល១ខែ
- 2020-11-16 03:21:00
- ចំនួនមតិ 0 | ចំនួនចែករំលែក 0
បានចង្កេះអង្ក្រង ក្បាលពោះរាបស្មើ ត្រឹមចំណាយពេល១ខែ
ប្រសិនបើអ្នកគ្មានទំនុកចិត្តលើរូបរាងខ្លួនឯង ពិសេសចង្កេះរបស់អ្នក នោះអ្នកអាចរៀនរបៀបហាត់ប្រាណទាំង៥វិធី ងាយៗខាងក្រោម។ គ្រាន់តែអត់ធ្មត់រយៈពេល៣០ថ្ងៃ លទ្ធផលនឹងទទួលបានយ៉ាងពិតប្រាកដ។
លំហាត់ប្រាណទី១
ដាក់ដៃមួយនៅក្រោមក្បាល ហើយដៃមួយទៀតនៅខាងមុខ (ដូចរូប)។ ជើងត្រូតលើគ្នាហើយជង្គង់ដាក់រាងកោងបន្តិច។ បន្ទាប់មក លើកក្បាលជង្គង់យឺតៗ ដោយរក្សាគម្លាតជើងរបស់អ្នក។
នៅពេលហាត់ចលនានេះ អ្នកត្រូវយកចិត្តទុកដាក់រក្សាទីតាំងកនិងប្តូរចលនាត្រគាក ដើម្បីជួយឲ្យមានឥទ្ធិពលល្អបំផុតលើសាច់ដុំពោះ។
ផ្លាស់ប្តូរមកជ្រុងម្ខាងទៀត ចំនួន ១៥ -២០ ដង / ជ្រុង
លំហាត់ប្រាណទី២
- ដាក់ដៃមួយដោយប្រើកែងដៃទ្ររាងកាយ ហើយដៃមួយទៀតច្រត់ចង្កេះ។ ចំណែកជើងដាក់ឲ្យត្រង់ បន្ទាប់មកធ្វើចលនាចុះឡើងៗ (ដូចរូប)
ខណៈពេលធ្វើលំហាត់ប្រាណនេះ ត្រូវរក្សាខ្នងឲ្យត្រង់
ផ្លាស់ប្តូរទៅជ្រុងម្ខាងទៀត ចំនួន ១២ -១៥ ដង / ជ្រុង
លំហាត់ប្រាណទី៣
ដាក់ដៃមួយលើកម្រាលដោយប្រើកែងដៃទ្ររាងកាយ រួចដាក់ជើងទាំង២ឲ្យត្រង់រួមទាំងខ្នងផងដែរ។ ចំនែកដៃមួយទៀត លើកចុះឡើង (ដូចរូប)
ផ្លាស់ប្តូរទៅជ្រុងម្ខាងទៀត ចំនួន១២ដង / ជ្រុង
លំហាត់ប្រាណទី៤
-ដាក់ដៃទាំង២លើកម្រាល ហើយជើងទាំងពីរដាក់ចុះក្រោមបន្តិច រួចរុញទៅលើនិងក្រោមយឺតៗ (ដូចរូប)។
រក្សាចលនាទីតាំងបែបនេះ ២ -៣ វិនាទី ដើម្បីជម្រុញដល់សាច់ដុំពោះនិងត្រគាកឲ្យរឹងមាំល្អ។
ពេលធ្វើលំហាត់ប្រាណនេះ ត្រូវព្យាយាមដាក់ខ្នងឲ្យត្រង់តាមដែលអាចធ្វើទៅបាន
ចលនានេះ ត្រូវធ្វើចំនួន ១៥ -២០ ដង
លំហាត់ប្រាណទី៥
ចាប់ផ្តើមដោយការអង្គុយលើកម្រាលព្រំ ដោយយកដៃដាក់ក្រោមក្បាលជង្គង់ រួចធ្វើចលនាគូទដោយឲ្យជើងទាំង២បះឡើងទៅលើ។
ពេលរុញជើងឡើងលើ ត្រូវឲ្យខ្នងដល់កម្រាល និងប្រឹងយកស្មារបស់អ្នកផ្អៀងយឺតៗ
ធ្វើបែបនេះ ចំនួន ១០ -១៥ ដង
ចំពោះលំហាត់ប្រាណនេះ មិនសូវចំណាយរយៈពេលយូរច្រើនឡើយ។ អ្នកក៏អាចហាត់លើសាឡុង ឬលើគ្រែរាល់ពេលព្រឹក បន្ទាប់ពីក្រោកពីគេង ។ នៅពេលអ្នកព្យាយាមហ្វឹកហាត់ ត្រឹមរយៈពេល ៣០ថ្ងៃ នោះនឹងទទួលបានលទ្ធផលជាទីគាប់ចិត្ត៕