ក្នុងរឿងមង្គលការ បើមនុស្សស្រីយល់ព្រមនឹងរឿងទាំងនេះគឺកំពុងសម្លាប់អាពាហ៍ពិពាហ៍របស់ខ្លួនឯងហើយ
- 2020-12-11 04:00:00
- ចំនួនមតិ 0 | ចំនួនចែករំលែក 0
ក្នុងរឿងមង្គលការ បើមនុស្សស្រីយល់ព្រមនឹងរឿងទាំងនេះគឺកំពុងសម្លាប់អាពាហ៍ពិពាហ៍របស់ខ្លួនឯងហើយ
មនុស្សស្រីជាច្រើនតែងតែគិតថាឲ្យតែពលី លះបង់គឺនឹងជួយឲ្យស្នេហារឹងមាំ តែគេមិនបានដឹងឡើយថា រឿងទាំងនេះហើយ ដែលរួមដៃសម្លាប់មនោសញ្ចេតនារបស់ខ្លួនពេលណាមិនដឹង។ ខាងក្រោមនេះ គឺជាចំណុចទាំងឡាយ ដែលហ៊ានតែមនុស្សស្រីព្រមទទួលយក គឺដឹងតែជីវិតប្ដីប្រពន្ធនៅមិនបានយូរទេ។
១. ឲ្យគ្រួសារខាងប្ដី ជ្រៀតជ្រែករឿងប្ដីប្រពន្ធជ្រៅពេក
គ្រួសារខាងប្ដី យកចិត្តទុកដាក់នឹងប្ដីប្រពន្ធអ្នក គឺជារឿងល្អ ត្បិតគាត់ចាស់ទុំអាចចេះដឹងបានច្រើនជាង ដែលពេលខ្លះគាត់អាចផ្ដល់ដំបូន្មានល្អៗឲ្យយើង។ ប៉ុន្តែប្រសិនបើដល់ថ្នាក់ដែល សូម្បីតែចំនួនកូន កន្លែងរស់នៅ ក៏ដូចជាគ្រប់ការសម្រេចចិត្តទាំងអស់ សុទ្ធតែគ្រួសារខាងប្ដីជាអ្នកសម្រេចឲ្យអ្នកនោះ គឺលើសលុបហើយ។ សុភមង្គលរបស់យើង គឺមិនអាចបណ្ដាលឲ្យគេសម្រេចឲ្យយើងនោះទេ។
២. ខាងប្ដីមើលងាយខាងប្រពន្ធ
រៀបការនឹងគ្នា តែឋានៈ និងទ្រព្យសម្បត្តិរបស់ប្ដីប្រពន្ធមួយចំនួនពេលខ្លះគឺមិនសមាមាត្រនឹងគ្នាឡើយ។ អាស្រ័យហេតុនេះហើយ ការដែលខាងប្ដីមើលងាយខាងប្រពន្ធនៅតែកើតឡើងជារឿយៗ។ ទោះមិននិយាយត្រង់ៗក៏ដោយ តែគេក៏នឹងបញ្ឈិតបញ្ឈៀងថាយើង ស៊ីខ្សែលើកូនប្រុសគេជាដើម។ បើប៉ះខាងប្ដីចិត្តបុណ្យ មិនគិតច្រើនមិនអីទេ តែបើប៉ះអ្នកចិត្តខ្មៅវិញ ជីវិតអាពាហ៍ពិពាហ៍ប្រាកដជាមិនស្ងប់ឡើយ។
៣. ប្ដីជាមនុស្សហិង្សា
គេថា មនុស្សប្រុសសាវ៉ាគ្រាំចិត្ត តែបើអ្នកមានប្ដីហិង្សាវិញ អ្នកប្រាកដជាគ្រាំខ្លួនមិនខាន។ ទាំងប្ដីសាវា និងប្ដីហិង្សា គឺសុទ្ធតែមិនអាចទទួលយកបានទាំងអស់។ ទោះគេមាន សង្ហាយ៉ាងណា ក៏អ្នកមិនគួរទទួលយកគេចូលក្នុងជីវិតឡើយ។ ទោះគេស្រលាញ់អ្នកយ៉ាងណា ប៉ុន្តែបើគេមានចិត្តហិង្សា នោះយូរម្ដង គេវាយធ្វើបាបអ្នកជាមិនខាន៕