សល់ពេលមួយខែជាងក្នុងឆ្នាំនេះ តើអ្នកនិង Ex អាចវិលរកគ្នាបានឬអត់?

2020-11-11 08:09:00
ចំនួនមតិ 0 | ចំនួនចែករំលែក 0

នៅសល់តែមួយខែជាងទៀត ឆ្នាំចាស់នឹងដាច់ផុតចូលឆ្នាំហើយ។ ដូច្នេះ ប្រសិនបើអ្នកចង់ដឹងថា តើរយៈពេលនៅសេសសល់នេះ Ex របស់អ្នកអាចវិលមកជានាគ្នាវិញបានឬអត់ សាកល្បងរើសរូបមួយដែលទាក់ទាញអ្នកបំផុត រួចរើសចម្លើយខាងក្រោម។

រូប A

រូបនេះបង្ហាញថា អ្នកនិងដៃគូឧស្សាហ៍ខ្វែងគំនិតគ្នា រាល់ពេលដែលអ្នកទាំងពីរនៅជិតគ្នា។ បើទោះបីជាអ្នកទាំងពីរមានចិត្តស្មោះត្រង់ចំពោះគ្នាទៅវិញទៅមកក៏ដោយ តែជម្លោះបានធ្វើឲ្យរារាំងដល់ការអភិវឌ្ឍផ្នែកអារម្មណ៍យ៉ាងខ្លាំង។ រឹតតែបង្កើតការឈ្លោះ រឹតតែធ្វើឲ្យអ្នកអស់កម្លាំង នឿយហត់ និងថែមទាំងលែងចង់បន្តដើរផ្លូវជាមួយគ្នាទៀតផង។ យ៉ាងណាក្តី ប្រសិនបើអ្នកពិតជាចង់វិលត្រលប់ជានាគ្នាវិញ លទ្ធភាពនៃការត្រលប់នេះពិតជាខ្ពស់ ព្រោះតែដៃគូម្ខាងទៀតនៅស្រលាញ់អ្នក។ ដូច្នេះ សូមសាកល្បងស្វែងរកដំណោះស្រាយកុំឲ្យឈ្លោះគ្នាទៀតសម្រាប់អ្នកទាំងពីរ ព្រមទាំងម្ខាងៗត្រូវចេះជឿជាក់និងស្មោះត្រង់ចំពោះគ្នា។

រូប B

អ្នកគឺជាដើមចម ដែលធ្វើឲ្យកើតមានជម្លោះរវាងស្នេហារបស់អ្នក។ តើអ្នកដឹងទេថា អ្នកគឺជាមនុស្សកំពូលរវល់នឹងការងារកម្រិតណា? ដែលហេតុផលនេះធ្វើឲ្យដៃគូរបស់អ្នកមានអារម្មណ៍ថាចង់ចាកចេញបំផុត។ រឿងតូចតាចដែលប្រមូលបន្តិចម្តងៗរាល់ថ្ងៃ ប្រែក្លាយជាជម្លោះដ៏ធំ ដូចគ្រាប់បែករៀបនឹងផ្ទុះ។ ប្រសិនបើអ្នក ចង់ផ្សះផ្សាទំនាក់ទំនងនេះជាថ្មីម្តងទៀត គឺមិនងាយស្រួលទេ។ ក្នុងចិត្តរបស់អ្នក សង្សារពិតជាសំខាន់ជាងការងារ តែអ្នកក៏មិនអាចបោះចោលការងារដើម្បីតែស្នេហាដែរ។ ដូច្នេះ ជម្លោះរវាងអ្នកទាំងពីរ គឺកើតចេញពីហេតុផលដ៏ចម្បងមួយនេះ ហើយនៅទីបំផុតនាំឲ្យអ្នកទាំងពីរខ្វះភាពរួម ដែលធ្វើឲ្យប្រេះឆា។

រូប C

ក្រោយបែកគ្នាមួយរយៈ លទ្ធផលនៃការជួបជុំម្តងទៀតរបស់អ្នក អាចថាមានកម្រិតខ្ពស់ ដោយសារអ្នកទាំងពីរនៅស្រលាញ់គ្នាខ្លាំង។ ចំពោះ ហេតុផលនៃការបែកគ្នាវិញ ព្រោះអ្នកទាំងពីរកម្របង្ហាញអារម្មណ៍ដាក់គ្នាទៅវិញទៅមក ព្រមទាំងមិនចេះពីរបៀបបង្ហាញក្តីស្រលាញ់ចំពោះគ្នាថែមទៀត។ ដរាបណា អ្នកនិងគាត់នៅតែរក្សាការជជែកគ្នាទៅវិញទៅមក ការរាំងស្ទះនឹងមានដំណោះស្រាយ។ បន្ទាប់ពីដោះស្រាយឧបសគ្គនេះបាន ចំណងស្នេហារបស់អ្នកនឹងរឹងមាំទ្វេដង។

រូប D

បើអ្នកជ្រើសរើសរូបនេះ គឺបង្ហាញថា មានសង្គ្រាមត្រជាក់បានកើតឡើងលើអ្នកទាំងពីរ ហើយបេះដូងវិញគឺថាស្ទើរកកស្លាប់ម្នាក់ៗទៅហើយ ដែលធ្វើឲ្យទំនាក់ទំនងស្នេហាវិញក៏ជិតផុតជីវិតដូចគ្នា។ អ្នកទាំងពីរ មានការលំបាកក្នុងការសម្របនិងរស់នៅជាមួយគ្នាណាស់ ដូច្នេះហើយលទ្ធភាពនៃការវិលមកជួបជុំគ្នាវិញ គឺទាបខ្លាំងណាស់។ យ៉ាងណាក៏ដោយ សូមរក្សាចិត្តស្ងប់ស្ងាត់ និងព្យាយាមស្វែងយល់ពីគ្នាទៅវិញទៅមក ព្យាយាមយកចិត្តគេដាក់ចិត្តខ្លួនឯង នោះអ្នកនឹងដឹងថាអ្វីដែលអ្នកត្រូវធ្វើជាបន្តបន្ទាប់ ដើម្បីជួយសង្គ្រោះស្នេហាមួយនេះ៕