មិនខុសពីពាក្យចាស់ដែលថាមនុស្សអាចមើលទៅមិនសូវជាស្អាតសមសួន សម្រាប់មនុស្សម្នាក់ តែសម្រាប់មនុស្សម្នាក់ទៀតអាចនឹងមានភាពស្រស់ស្អាត មិនអាចអោយគេឈប់នឹកបានសោះ។ លក្ខណៈដែលធ្វើអោយនរណាម្នាក់ពេញចិត្តនឹងអ្នកមិនសំដៅដល់រូបសម្បតិ្តខាងក្រៅ ឬ ទ្រព្យធន់នោះទេ​ ប្រភេទមនុស្សស្រីទាំងនេះហើយដែលអាចចងចិត្តអ្នកផងបានយ៉ាងងាយនោះ៖

១. ទេពកោសល្យ

អ្វីដែលមនុស្សប្រុសភាគច្រើនសម្លឹងរកក្នុងដៃគូជីវិត មិនមែនជាភាពស្រស់ស្អាតពីសម្បកខាងក្រៅនោះទេ ហើយបើការរៀបការនេះកើតចេញតែពីការទាក់ទាញពីសម្បកខាងក្រៅនោះ វាក៏អាចនឹងរលាយសាបសូន្យបានយ៉ាងឆាប់រហ័សទៅវិញដូចគ្នា។ សម្រាប់មនុស្សប្រុសដែលយកសម្រស់ជាធំ ក្នុងការសម្លឹងរកដៃគូអនាគតនោះ វាអាចមិនមែនជាការស្រលាញ់ពិតនោះទេ អាចគ្រាន់ដើម្បីតែបំពេញតម្រូវការ និង តណ្ហាគេប៉ុណ្ណោះ។ ការស្រលាញ់បែបគង់វង្ស និង យូរអង្វែងនោះ កើតចេញពីការពេញចិត្តចំពោះអត្តចរិត សមត្ថភាព និង លក្ខណៈខាងក្នុងរបស់គាត់នេះហើយ។

២. ភាពទន់ភ្លន់

ការចេះប្រើប្រាស់ពាក្យសម្ដីទន់ភ្លន់ មិនត្រឹមតែជួយអោយការប្រាស្រ័យទាក់ទងរវាងអ្នក នឹង អ្នកជុំវិញខ្លួនកាន់តែល្អប្រសើរនោះទេ ថែមទាំងអាចកែប្រែស្ថានភាពដែលតឹងតែង ពេលសូម្បីតែរឿងហេតុដែលធំដុំ ក៏អាចប្រែទៅជាគ្នានរឿង។ សាកស្រម៉ៃមើល បើសិនជាអ្នកជាមនុស្សប្រុស ហើយបើបានស្ដាប់សម្ដីមនុស្សជាទីស្រលាញ់យ៉ាងពិរោះពិសារ មិនថាជារឿងការងារ ស្នេហា ឬ ក៏ជារឿងរ៉ាវជីវិតស្មុគស្មាញយ៉ាងណានោះទេ ប្រាកដជាអាចប្រឈមមុន និង និយាយពីវាដោយត្រជាក់ចិត្ត ដោយមិនបានអោយអារម្មណ័មិនល្អមកឡូកឡំទេ។ អ៊ីចឹងហើយ ចរិតសុភាពរាបសា ទន់ភ្លន់ គួបផ្សំនិងភាពវៃឆ្លាតនៃមនុស្សស្រីអាចជាចំនុចដែលមនុស្សប្រុសពិបាកនឹងមិនចាប់អារម្មណ៏លើអ្នកបាន។

៣. ឯករាជ្យ

ទោះបីជាអ្នកកើតនៅក្នុងគ្រួសារដែលមានទ្រព្យសម្បត្តិស្តុកស្តម្ភយ៉ាងណាក្ដី ការដែលចេះរៀនប្រើប្រាស់ជីវិតដោយមិនត្រូវការជំនួយ និង ពឹងពាក់អ្នកដទៃច្រើននោះ កាន់តែធ្វើអោយអ្នកក្លាយជាមនុស្សមើលទៅកាន់តែទាក់ទាញនៅក្នុងក្រសែភ្នែកអ្នកដទៃ។ មនុស្សប្រុសបើសិនជាបានជាប់ចិត្តជាមួយមនុស្សស្រីប្រភេទនេះហើយនោះ ប្រាកដជាពិបាកនឹងប្រែចិត្តទៅរកអ្នកថ្មីណាស់។