ទិនហ្វី បកស្រាយរឿងជំពាក់បំណុលរាប់សិបលានដុល្លារដោយសារល្បែង ត្រូវមិត្តស្រីប្ដឹង
- 2020-10-22 09:19:00
- ចំនួនមតិ 0 | ចំនួនចែករំលែក 0
ទិនហ្វី បកស្រាយរឿងជំពាក់បំណុលរាប់សិបលានដុល្លារដោយសារល្បែង ត្រូវមិត្តស្រីប្ដឹង
ឆ្លងតាមអ្នកតំណាងរបស់ខ្លួន កំពូលតារាសម្ដែង និងផលិតករហុងកុង Stephen Chow បានបកស្រាយនឹងព័ត៌មានទាក់ទងលោកកំពុងជំពាក់បំណុលគេជុំទិស ត្រូវគេប្ដឹងគ្រប់ច្រក។
កាលពីថ្ងៃទី ២១ ខែតុលាមុននេះ បណ្ដាញព័ត៌មាន Sina បានចុះផ្សាយថា រយៈពេលជំងឺកូវីដ១៩កំពុងរាលដានេះ កំពូលតារាសម្ដែងហុងកុង ទិន ហ្វី កំពុងជំពាក់រាប់សិបដុល្លារដោយសារភ្នាល់សេះចាញ់។ ព័ត៌មានមួយនេះកំពុងទទួលបានចំណាប់អារម្មណ៍ជាខ្លាំង។ ទន្ទឹមនឹងនេះ ខែ១១ខាងមុខនេះ លោកត្រូវឡើងតុលាការ ព្រោះត្រូវអតីតមិត្តស្រីប្ដឹងផ្ដល់។
បណ្ដាញព័ត៌មានខាងលើបានរាយការណ៍លំអិតថា កាលពីឆ្នាំ ២០១៦ តារាសម្ដែងវ័យ ៥៨ឆ្នាំបានចុះកិច្ចសន្យាជាមួយក្រុមហ៊ុន Shang Hai Culture ដោយលោកសន្យាថាក្នុង ៤ឆ្នាំត្រូវរកចំណូលឲ្យក្រុមហ៊ុននេះ ១៤០លានដុល្លារ តែដោយសារតែជំងឺកូវីដ ១៩ ផែនការនេះមិនបានសម្រេចឡើយ ដោយលោកត្រូវសងជំងឺចិត្តឲ្យក្រុមហ៊ុនខាងលើវិញ។
Sina បានឲ្យដឹងថា ទិន ហ្វីកំពុងជំពាក់បំណុលសរុប ៨៤.៦លានដុល្លារ។ ក្រោយរក្សាភាពស្ងៀមស្ងាត់ជាយូរ នៅទីបំផុត តួរឿងស៊ុន អ៊ូខុងក៏បានឆ្លើយតបតាមរយៈតំណាងរបស់ខ្លួនថា៖ ព័ត៌មានដែលលោក Stephen Chow កំពុងជំពាក់បំណុលរាប់លានដុល្លារគឺមិនពិតឡើយ ដែលធ្វើឲ្យប៉ះពាល់ដល់កេរ្តិ៍ឈ្មោះរបស់លោកជាខ្លាំង។ ពួកខ្ញុំសង្ឃឹមថា នឹងមិនមានអ្នកណាចែកចាយព័ត៌មាននេះទៀតឡើយ។ ប្រសិនបើនៅតែមានបុគ្គលចែកចាយព័ត៌មានបែបនេះទៀត ពួកខ្ញុំនឹងប្រើវិធានការច្បាប់ចំពោះបុគ្គលទាំងនោះ”។
ទោះបីជាចេញមុខបដិសេធបែបនេះក្ដី តែមនុស្សជាច្រើននៅតែជឿជាក់ថា ការពិតកំពូលតារាសម្ដែងនេះនៅតែជំពាក់បំណុលមិនតិចនោះឡើយ ដោយរឿងរបស់លោកត្រូវឡុងចុងដោយសារជំងឺកូវីដ ១៩៕