នៅពេលដែលអ្នកមានទំនាក់ទំនងក្នុងពិភពលោកមួយនេះ អ្នកអាចដឹងពីខ្លួនអ្នកតាមរយៈកាយវិការ ឬការយល់ឃើញពីអ្វីមួយជាលើកដំបូងបង្អស់។ ការធ្វើតេស្តចិត្តសាស្រ្តនេះ វានឹងបង្ហាញតាមរយៈរូបភាពដែលអ្នកបានឃើញដំបូងបំផុតថាអ្នកជាមនុស្សមានអត្តចរិតបែបណា។

១. សត្វខ្យង

អ្នកជាមនុស្សដែលស្រលាញ់ជីវិតអ្នក ចូលចិត្តការផ្សងព្រេង មិនខ្លាចក្នុងការប្រឈមមុខនឹងបញ្ហា និងមានថាមពលគិតពីភាពវិជ្ជមាន។ មនុស្សជាច្រើនចូលចិត្តអ្នក ព្រោះអ្នកជាមនុស្សម្នាក់ដែលសកម្ម សម្រេចចិត្តដោយឯកឯង និងតែងតែលើកទឹកចិត្តអ្នកដទៃ។ អ្នកស្អប់អ្នកដទៃដែលមករំខានជីវិតរបស់អ្នក អ្នកខំប្រឹងអស់ពីសមត្ថភាពដើម្បីអ្វីដែលអ្នកស្រលាញ់ ហើយអ្នកក៏ជាមនុស្សដែលចុះសម្រុងនឹងមិត្តភក្តិដែរ។

២. រូបផែនទី

អ្នកជាមនុស្សម្នា្កក់ដែលសុទិដ្ឋិនិយម មើលឃើញពិភពលោកទាំងមូលដោយភាពរីករាយ។ អ្នកចូលចិត្តស្វែងរកអ្វីដែលថ្មីដូចជាការរុករកផ្នែកផ្សេងៗនៃពិភពលោក អ្នកជាមនុស្សដែលមានការគិតបែបវិជ្ជមាន អ្នកអាចប្រើប្រាស់សមត្ថភាពរបស់អ្នកបង្កើតពិភពមួយសម្រាប់ខ្លួនឯង។ ម៉្យាងទៀតអ្នកអាចដឹងថាមនុស្សណាដែលតែងតែពាក់ស្បែកមុខក្លែងក្លាយធ្វើពុតជាមនុស្សល្អ ព្រោះតែភាពឆ្លាតវ័យរបស់អ្នក ធ្វើអោយអ្នកទទួលបានអារម្មណ៍ដែលយល់ពីមនុស្សនៅជុំវិញខ្លួនអ្នក។

៣. រូបលលាដ៍ក្បាល

អត្តចរិតរបស់អ្នកគឺអ្នកចូលចិត្តភាពស្ងប់ស្ងាត់ ជាមនុស្សម្នាក់ដែលផ្តល់ភាពកក់ក្តៅ ហើយអ្នកអាណិតអាសូរចំពោះអ្នកដទៃ។ អ្នកជាមនុស្សដែលមានចិត្តសប្បុរស ហើយអ្នកសប្បាយចិត្តពេលដែលបានជួយគេ អ្នកធ្វើការដោយឯករាជ្យ អ្នកចូលចិត្តចែលរំលែកសេចក្តីសុខរបស់អ្នកដល់អ្នកឯទៀត អ្នកស្អប់បំផុតមនុស្សដែលចូលចិត្តរើសអើងអ្នកដទៃ គិតថាគេជាមនុស្សទន់ខ្សោយ។ ចំណុចដ៏ល្អនោះគឺអ្នកនឹងធ្វើអោយពិភពលោកនេះទទួលបានភាពកក់ក្តៅពីអ្នក៕