អារម្មណ៍នឹងទៅជាយ៉ាងណា នៅពេលសង្សារចាស់ ស្រលាញ់គ្នានឹងមិត្តភ័ក្ដិជិតស្និទ្ធ
- 2020-09-24 04:13:00
- ចំនួនមតិ 0 | ចំនួនចែករំលែក 0
អារម្មណ៍នឹងទៅជាយ៉ាងណា នៅពេលសង្សារចាស់ ស្រលាញ់គ្នានឹងមិត្តភ័ក្ដិជិតស្និទ្ធ
ខណៈមនុស្សមួយចំនួន ហាក់មិនសូវខ្វល់ថាអ្នកចាស់ស្រលាញ់គ្នាជាមួយអ្នកណា ទោះនោះជាមិត្តរបស់ខ្លួនក៏ដោយ មនុស្សមួយភាគទៀតហាក់មិនពេញចិត្តជាខ្លាំង នៅពេលសង្សារចាស់ ស្រលាញ់គ្នាជាមួយមិត្តភ័ក្ដិរបស់ខ្លួន។
គេតែងនិយាយថា ដោយសារតែបែកគ្នាហើយ ដូចនេះចង់គេធ្វើអ្វី ក៏លែងសំខាន់ តែតាមការពិត នេះគ្រាន់តែជាការបន្លប់ចិត្តតែប៉ុណ្ណោះ ត្បិតទោះជាយ៉ាងណាក៏ធ្លាប់ជាមនុស្សដែលស្រលាញ់គ្នា ដូចនេះនៅពេលឃើញមិត្តភ័ក្ដិ ស្និទ្ធិស្នាលនឹងមនុស្សដែលយើងធ្លាប់ស្រលាញ់ ប្រាកដជាមិនស្រួលក្នុងចិត្តឡើយ។ ខាងក្រោមនេះគឺជាអារម្មណ៍មួយចំនួនដែលកើតឡើង នៅពេលសង្សារចាស់ស្រលាញ់គ្នា នឹងមិត្តជិតស្និទ្ធិ។
១. បើគិតថាជាអតីតកាលទៅហើយ ទោះគេស្រលាញ់អ្នកណាក៏ជូនពរគេទៅ គ្រាន់តែថា ទោះចង់ឬមិនចង់ មនោសញ្ចេតនារវាងមិត្តភ័ក្ដិ នឹងយើង ប្រាកដជាត្រូវប៉ះទង្គិចខ្លះហើយ។
២. ទោះបំភ្លេចបាន ឬមិនបាន ខ្ញុំនៅតែមិនចង់ឲ្យរឿងនេះកើតឡើង ព្រោះវានឹងប៉ះពាល់ដល់អារម្មណ៍របស់ភាគី ទាំង៣។
៣. អ្នកណាចិត្តបុណ្យយ៉ាងណាក៏នៅមានចិត្តប្រចណ្ឌ។ មនុស្សដែលធ្លាប់ស្រលាញ់គ្នា ទៅយកអ្នកដទៃនៅមិនស្រួលចិត្ត ដូចនេះមានអារម្មណ៍បែបណានៅពេលគេស្នេហាជាមួយមិត្តយើងទៀតនោះ?
៤. ចំពោះខ្ញុំ នឹងមិនខ្វល់នោះទេ ថាគេបែកពីខ្ញុំហើយទៅស្រលាញ់អ្នកណា តែដោយសារតែខ្ញុំដឹងច្បាស់ពីចរិតរបស់សង្សារចាស់ខ្ញុំ ដូចនេះខ្ញុំនឹងប្រាប់ពីការពិតទាំងអស់។
៥. អាចប្រហែលមកពីពួកខ្ញុំបែកគ្នាយូរហើយ ដូចនេះ ចិត្តខ្ញុំក៏សាបរលាបដែរ។ មិត្តភ័ក្ដិខ្ញុំសំខាន់ជាង ដូចនេះខ្ញុំនឹងគោរពការសម្រេចចិត្តរបស់នាង៕