ល្អទេ បើដកឃ្លាពីបណ្ដាញទំនាក់ទំនងសង្គមមួយរយៈ ???
- 2020-09-23 06:25:00
- ចំនួនមតិ 0 | ចំនួនចែករំលែក 0
ល្អទេ បើដកឃ្លាពីបណ្ដាញទំនាក់ទំនងសង្គមមួយរយៈ ???
ការតមមិនប្រើប្រាស់បញ្ដាញទំនាក់ទំនងសង្គមឬ Social Media Cleanse អាចនឹងជាអ្វីដែលអ្នកត្រូវការក្នុងពេលនេះបើសិនជាសុខភាពផ្លូវចិត្តអ្នកមានភាពដុនដាបខ្លាំងជាពិសេសបើសិនជាវាកំពុងតែធ្វើអោយអ្នកកាន់តែមានអារម្មណ៏ថាកាន់តែឃ្លាតឆ្ងាយពិមនុស្សជុំវិញខ្លួនទៅនោះ។ បើនៅតែមិនច្បាស់ក្នុងចិត្តនោះ ទាំងនេះជាផលល្អមួយចំនួនដែលអ្នកនឹងទទួលបាន៖
១. ជួយអោយអ្នកគេងបានប្រសើរជាងមុន

លើកដៃមកបើសិនជាគេងពេលខ្លះគេងលក់ទាំងមានទូរស័ព្វនៅជាប់នឹងដៃនៅឡើយ។វាអាចនឹងមើលទៅមិនមែនជាបញ្ហាធំដុំអ្វីពិតមែនតែបើទម្លាប់បែបនេះកាន់តែយូរទៅនោះសុខភាពអ្នកនឹងចាប់ផ្ដើមដុនដាបជាមិនខានព្រោះថាពន្លឹដែលចេញពីគ្រឿងអេឡិចត្រូនិចអាចនឹងធ្វើអោយរាងកាយផលិតអរម៉ូន Melatonin ដែលជួយអោយអ្នកងងុយគេង អញ្ចឹងហើយបើទម្លាប់តែលេងទូរស័ព្វមុនពេលចូលគេងនោះកុំឆ្ងល់អីថាម៉េចបានគេងមិនលក់សោះ។ បើសិនជាកាត់ផ្តាច់ខ្លួនពី Social Media មួយរយះនោះអ្នកអាចនឹងគេងបានស្កប់ស្កល់ជាងមុន។
២. អាចបង្រៀនអ្នកអោយបែងចែងថាទំនាក់ទំនងដែលអ្នកមានជាមួយមនុស្សជុំវិញខ្លួន

ការទាក់ទងគ្នាតាមបណ្តាញទំនាក់ទំនងសង្គមអាចនឹឹងជួយអោយអ្នកបានទាក់ទងមិត្តភក្តិនិងក្រុមគ្រួសារបានងាយស្រួលជាងមុនតែអ្នកក៏មិនត្រូវភ្លេចថាមានទំនាក់ទំនងខ្លះមិនអាចនៅត្រឹមតែអនឡាយនោះទេ។
៣. អោយអ្នកមានអារម្មណ៏ធូរស្រាលជាងមុន

ការប្រើប្រាស់បណ្តាញសង្គមនិងបច្ចេកវិជ្ជាហួសហេតុពេកនោះត្រូវបានរកឃើញថាជាមូលហេតុដែលនាំអោយមនុស្សបាត់បង់ការគោរពខ្លួនឯងកាន់តែមានអារម្មណ៏ឯកកាអាចនឹងឈានដល់កើតមានជំងឺបាក់ទឹកចិត្តថែមទៀតផង។ការដកឃ្លាពីបច្ចេកវិទ្យាទាំងនេះមួយរយះអាចជួយកាត់បន្ថយអារម្មណ៏ជ្រួលច្របល់និងមិនស្ងប់ចិត្តរបស់អ្នកជាពិសេសបើសិនជាអ្នកទម្លាប់តែឆ្លើយអ៊ីម៉ែលនិងហ្វេសប៊ុកមិនឈប់ឈរនោះ។
៤. FOMO
អ្នកប្រហែលជាមានថាអារម្មណ៏ដែលខ្លាចមិនចូលរួមក្នុងសកម្មភាពណាមួយឬFOMO បណ្ដាលមកពីការដែលមិនបានប្រើប្រាស់បណ្ដាញទំនាក់ទំនងសង្គមតែតាមការពិតទោះជាអ្នកអនឡាញរហូតក្ដីក៏អ្នកនៅតែអាចមានអារម្មណ៏បែបនេះដែរវានឹងសាមញ្គដល់ថ្នាក់សូម្បីតែគេចូល Seen ហើយអត់ Reply វិញភ្លាមៗជាដើម។ចំនួន Notificationដែលចេះតែលោតមកនោះអាចនឹងធ្វើអោយអ្នកពីបាកនឹងកាត់ផ្ដាច់ខ្លួនបន្តិចតែបើិមិនព្យាយាមសាកល្បងទេនោះជាពិសេសអ្នកដែលញៀននឹង Social Media ហួសហេតុពេកនោះមិនត្រឹមតែអាចបាត់បង់ទំនាក់ទំនងជាមួយមនុស្សជិតដិតនោះទេថែមទាំងជីវិតការងារផងដែរ។
៥. មានពេលទំនេរទៅធ្វើរឿងផ្សេងទៀត
មិនមានអ្វីពិបាកយល់នោះទេបើសិនជាមិនចំនាយពេលទៅលើរឿងមួយអ្នកប្រាកដជាមានពេលទំនេរយកទៅធ្វើរឿងផ្សេងទៀតជាមិនខាន។