អាយុស្មើគ្នា តែរូបភាពពិតបង្ហាញឃើញថា Dilraba ដូចចាស់ជាង Yang Zi ដល់ទៅ១០ឆ្នាំ
- 2020-09-10 02:36:00
- ចំនួនមតិ 0 | ចំនួនចែករំលែក 0
អាយុស្មើគ្នា តែរូបភាពពិតបង្ហាញឃើញថា Dilraba ដូចចាស់ជាង Yang Zi ដល់ទៅ១០ឆ្នាំ
ជាថ្មីម្ដងទៀត សម្រស់កំពូលតារាសម្ដែងស្រីចិន២ដួងគឺ Dilraba និង Yang Zi ត្រូវបានគេយកមកប្រៀបធៀបសារជាថ្មី ដោយលើកនេះ ស្រីស្អាតជនជាតិភាគតិច Dilraba ត្រូវគេថាចាស់ជាងមិត្តរួមអាជីពខ្លាំង។
មុននេះបន្តិច ប្រធានបទមួយបានបង្ករការចាប់អារម្មណ៍ជាខ្លាំងនៅលើបណ្ដាញសង្គមចិន ដោយធ្វើឲ្យអ្នកគាំទ្ររបស់សិល្បការិនីទាំង២ឈ្លោះគ្នាចង់បែកផ្សែង។ តាមនោះដែរ វីដេអូមួយដែលថតគៀកមុខតារាសម្ដែងកំពុងឡើងកូដ២ដួង គឺ Yang Zi និង Dilraba ត្រូវបានគេយកមកប្រៀបធៀបជាខ្លាំង។
ជាក់ស្ដែង នៅក្នុងវីដេអូនេះ តួរឿងនិស្ស័យស្នេហ៍ទេវតា៣ជាតិ ត្រូវបានគេវាយតម្លៃថា ចាស់ជាងតួរឿងនិស្ស័យស្នេហ៍ឋានសួគ៍ ចង់ជាង១០ឆ្នាំ ទោះបីជាស្រីស្អាតទាំង២កើតឆ្នាំ ១៩៩២ ដូចគ្នាក៏ដោយ។
យ៉ាងណាក្ដី ទស្សនិកជនមួយចំនួនបានចេញមុខការពារ Dilraba ថា ដោយសារតែនាងមានទម្រង់មុខផត រីឯ Yang Zi មានទម្រង់មុខមូលដែលធ្វើឲ្យនាងងាយមើលទៅឃើញចាស់។ បន្ថែមពីនោះ ការងាររបស់តារាស្រីជនជាតិភាគតិចក៏ច្រើនជាងមិត្តរួមការងារដូចគ្នា ដែលធ្វើឲ្យនាងសម្រាកបានតិចជាងឆ្ងាយ។ ដូចនេះហើយ អ្នកគាំទ្ររបស់ Yang Zi មិនគួរយកតារាទាំង២មកប្រៀបធៀបគ្នានោះឡើយ ព្រោះវាគ្រាន់តែធ្វើឲ្យ fandom ទាំង២ឈ្លោះប្រកែកគ្នាប៉ុណ្ណោះ៕