មិនចង់គ្រោះថ្នាក់ពេលធ្វើដំណើរផ្លូវឆ្ងាយ គួរដាក់វត្ថុទាំងនេះតាមដែលចាស់បុរាណជឿជាក់យូរមកហើយ
- 2020-09-09 08:50:00
- ចំនួនមតិ 0 | ចំនួនចែករំលែក 0
មិនចង់គ្រោះថ្នាក់ពេលធ្វើដំណើរផ្លូវឆ្ងាយ គួរដាក់វត្ថុទាំងនេះតាមដែលចាស់បុរាណជឿជាក់យូរមកហើយ
ជាទូទៅ នៅពេលធ្វើដំណើរទៅតាមបណ្តាលខេត្តម្តងៗ អ្នកដំណើរទាំងអស់តែងបន់ស្រន់សុំសេចក្តីសុខជានិច្ច។ បើតាមអបិយជំនឿ ដែលបន្សល់ជាយូរណាស់មកហើយ មានសម្ភារៈមួយចំនួនក្នុងផ្ទះបាយ ដែលចាស់បុរាណបានយកមកប្រើប្រាស់ ក្នុងការបង្ការគ្រោះថ្នាក់ផ្សេងៗ ដោយជឿថាពិតជាពូកែសក្កិសិទ្ធណាស់។
១. ខ្ទឹមស
ចាស់បុរាណមានជំនឿថា ខ្ទឹមស មានអំណាចអាចបណ្តេញ រឿងឧបទ្រពចង្រៃចេញបាន ។ ពិសេសនៅពេលចូលព្រៃគេតែងជឿថា មានខ្មោចបិសាចតោងទាមក្បែរជើង ដូច្នេះបើយើងដាក់ខ្ទឹម សតាមខ្លួន នោះវាអាចបណ្តេញរឿងអាក្រក់ទាំងនេះបានមិនខាន។ ម្ល៉ោះហើយ នៅពេលជិះឡានធ្វើដំណើរផ្លូវឆ្ងាយ គួរតែយកខ្ទឹមសមួយគុម្ពព្យួរនឹងឡាន ឬពាក់ខ្ទឹមសមួយមើមជាប់នឹងក ព្រោះវាអាចជួយការពារអ្នករួមដំណើរទាំងអស់ចៀសឆ្ងាយពីរឿងចង្រៃបាន។
២. អំបិល
ចាស់បុរាណជឿថា អំបិលមានធាតុដែលប្រឆាំងនឹងអារក្ស អ្នកតាដែលមិនល្អ លុបបំបាត់សំណាងអាក្រក់ ហើយទាក់ទាញសំណាងល្អមកបាន។ អ្នកបុរាណវិទ្យារបស់ជប៉ុន ជឿថាអំបិលដែលធ្វើឡើងដោយដៃមនុស្ស គឺបរិសុទ្ធ មានពន្លឺ និងការពារបានយ៉ាងម៉ត់ចត់។ លើសពីនេះ នៅពេលដាច់ឆ្នាំចាស់ឆ្លងចូលឆ្នាំថ្មី ចាស់បុរាណយកអំបិលបាចនៅមាត់ច្រកទ្វារចេញចូល ដើម្បីទទួលបានលាភសំណាងហូរចូល។ ម្យ៉ាងវិញទៀត ពេលធ្វើដំណើរផ្លូវឆ្ងាយ អ្នកដំណើរមិនត្រូវភ្លេចយកអំបិលដាក់ជាមួយកាក់ រួចបាចវានៅលើឡានរយៈពេលពេញមួយយប់ ហើយព្រឹកឡើងជូតវាចេញ និងច្រកអំបិលនិងកាក់នោះដាក់ក្រោមដើមឈើ នោះពេលធ្វើដំណើរនឹងជួបតែសំណាងល្អ គ្មានគ្រោះថ្នាក់អ្វីទាំងអស់។
៣. ល្មៀត
ចាស់បុរាណមានជំនឿថា ល្មៀតអាចជួយការពារអ្នកបើកបរមិនឲ្យងងុយគេងបាន ដោយគេឲ្យអ្នកបើកបរផឹកល្មៀតលាយជាមួយទឹកបរិសុទ្ធ។ ក្រៅពីនេះ ចាស់បុរាណតែងជីកមើមវាពីក្រោមដី ដើម្បីធ្វើជាមន្តអាគមទៀតក៏មាន។ ដូច្នេះហើយ បើអ្នកត្រូវធ្វើដំណើរទៅភាគខាងជើងនិងខាងត្បូង ហើយចង់ចៀសផុតពីគ្រោះថ្នាក់ គប្បីជីករកមើមល្មៀតណាដែលមានរាងចម្លែកដូចសត្វរមាស យកមកទុកក្នុងរថយន្ត។
នៅពេលធ្វើដំណើរ ចាស់បុរាណជាច្រើនបានហាមកូនចៅមិនឲ្យនិយាយសម្តីអមង្គលនោះទេ ដើម្បីចៀសផុតពីគ្រោះថ្នាក់ផ្សេងៗ។ ជំនួសមកវិញ ចាស់ៗបានប្រើវត្ថុធាតុទាំង៣ខាងលើនេះ ទុកតាមខ្លួនពេលធ្វើដំណើរម្តងៗ ដើម្បីបង្កាពីគ្រោះចង្រៃ និងបិសាចតាមយាយី។ យ៉ាងណាក៏ដោយ ទោះវត្ថុទាំងបីសក្កិសិទ្ធឬអត់ យ៉ាងហោចណាស់វាក៏ជួយរក្សាទំនុកចិត្តដល់អ្នកដំណើរទាំងអស់ឲ្យមានអារម្មណ៍ថា មានសុវត្ថិភាពដែរ៕