មានឈ្មោះជារាជិនីសម្រស់ តែដោយសារកម្ពស់ធ្វើឲ្យ Ju Jing Yi បែរចាញ់សម្រស់តារាជើងថ្មី
- 2020-09-09 03:41:00
- ចំនួនមតិ 0 | ចំនួនចែករំលែក 0
មានឈ្មោះជារាជិនីសម្រស់ តែដោយសារកម្ពស់ធ្វើឲ្យ Ju Jing Yi បែរចាញ់សម្រស់តារាជើងថ្មី
ទោះបីជាមានទម្រង់មុខ ដែលមើលទិសណាក៏ស្អាតក៏ដោយ តែដោយសារកម្ពស់នៅមានកម្រិត បានធ្វើឲ្យតារាសម្ដែង និងចម្រៀងកំពុងឡើងកូដស្រីចិន Ju Jing Yi ចាញ់សម្រស់តារាស្រករក្រោយដាច់ នៅពេលចូលរួមកម្មវិធីតែមួយ។
កម្មវីធីបង្ហាញម៉ូដសំលៀកបំពាក់របស់ម៉ាកខោអាវលំដាប់កំពូលមួយត្រូវបានប្រព្រឹត្តឡើងនៅទីក្រុងសៀងហៃ ប្រទេសចិន ដោយមានការចូលរួមរបស់តារាស្រីកំពុងឡើងកូដ ២ដួងគឺ Yu Shuxin ក្រុមចម្រៀង THE9 និងតារាសម្ដែង និងចម្រៀងស្រី Ju Jing Yi។
វត្តមានរបស់ស្រីស្អាតទាំង២ទទួលបានការចាប់ជាខ្លាំងពីសំណាក់អ្នកគាំទ្រ ក៏ដូចជាបណ្ដាញព័ត៌មាននានា។ សម្រស់របស់តារាទាំង២ត្រូវបានគេវាយតម្លៃថា ធ្វើឲ្យគេមើលមិនព្រិចភ្នែក។
យ៉ាងណាក្ដី កម្រងរូបភាពក្រៅឆាកបានជាន់ពន្លិចសម្រស់ស្រីស្អាត Ju Jing Yi ជាខ្លាំង។ ជាក់ស្ដែង នៅពេលគេប្រៀបធៀបកម្ពស់ ១៧០សម របស់ Shuxin និងកម្ពស់មិនដល់ ១៦០សម របស់ Ju Jing Yi គេឃើញថា តារារៀមច្បងធ្លាក់សម្រស់ខ្លាំងដោយសារអន់កម្ពស់។ មនុស្សជាច្រើនបានលាន់មាត់ថា តួរឿងពស់ស ពស់ខៀវជំនាន់ថ្មី បានសម្រស់មួយចប់ ទាស់តែកម្ពស់ទេ ដែលធ្វើឲ្យនាងមិនសូវលេចធ្លោ៕