គម្រប់ខួប ១ឆ្នាំរឿង The untamed ចាក់ផ្សាយ អ្នកគាំទ្រធ្វើពិធីរៀបការឲ្យ Xiao Zhan និង Wang Yibo
- 2020-09-08 02:40:00
- ចំនួនមតិ 0 | ចំនួនចែករំលែក 0
គម្រប់ខួប ១ឆ្នាំរឿង The untamed ចាក់ផ្សាយ អ្នកគាំទ្រធ្វើពិធីរៀបការឲ្យ Xiao Zhan និង Wang Yibo
កម្រងរូបភាពដែលអ្នកគាំទ្ររៀបចំពិធីរៀបការឲ្យតារាសម្ដែងល្បីឈ្មោះចិន Wang Yibo និង Xiao Zhan ក្នុងគម្រប់ខួបរឿងដែលពួកគេសម្ដែងរួមគ្នាចាក់ផ្សាយបាន១ឆ្នាំត្រូវបានរងការរិះគន់យ៉ាងខ្លាំង។
កាលពីថ្ងៃទី ៧ ខែកញ្ញាកន្លងទៅនេះ បណ្ដាញសង្គម Weibo របស់ចិន បាននាំគ្នាចែករំលែកយ៉ាងព្រោងព្រាតនូវកម្រងរូបថតពិធីមង្គលការរបស់តារាសម្ដែងប្រុសកំពុងឡើងកូដ Wang Yibo និង Xiao Zhan ក្នុងថ្ងៃគម្រប់ខួបរឿងភាគ The untamed ចាក់ផ្សាយបាន១ឆ្នាំ។
អ្វីដែលគួរឲ្យចាប់អារម្មណ៍នោះគឺ អ្នកគាំទ្រទាំងនេះបានផ្ដិតរូបរបស់តារាទាំង២ចេញមកដើម្បីយកមកធ្វើដូចពួកគេរៀបការនឹងគ្នាមែនទែន។ យោងតាមក្រុមអ្នកគាំទ្រនេះ ពួកគេមានបំណងធ្វើពិធីរៀបការនេះដល់ទៅ ១០ទីក្រុងនៅប្រទេសចិនឯណោះ។
ភ្លាមៗនោះ ទស្សនិកជនបានរិះគន់សកម្មភាពនេះជាខ្លាំង ដោយកាលពីដើមឆ្នាំ ក៏ដោយសារការផ្គូផ្គងនេះហើយ ដែល Xiao Zhan រងការរិះគន់ខ្លាំង រហូតដល់តារាទាំង២មើលមុខគ្នាមិនចំ។ ពួកគេលើកឡើង ក្រុមអ្នកគាំទ្រងើបមុខមិនរួចបែបនេះ មានតែធ្វើឲ្យរូបភាពរបស់តារាតែប៉ុណ្ណោះ។ ទាក់ទងនឹងបញ្ហានេះ តំណាងរបស់តារាទាំង២មិនបានចេញមុខបកស្រាយនោះឡើយ៕