អាថ៌កំបាំងថែរក្សាសម្រស់ច្រើនមុខ ដែលមាននៅក្នុងផ្លែបឺរ
- 2020-08-30 02:00:00
- ចំនួនមតិ 0 | ចំនួនចែករំលែក 0
អាថ៌កំបាំងថែរក្សាសម្រស់ច្រើនមុខ ដែលមាននៅក្នុងផ្លែបឺរ
ផ្លែបឺរមិនត្រឹមតែមានតួនាទីសំខាន់សម្រាប់សុខភាពប៉ុណ្ណោះទេ វាថែមទាំងផ្តល់អត្ថប្រយោជន៍ជាច្រើនទៀតចំពោះសម្រស់។ ហេតុនេះហើយ មិត្តៗនារីគ្រប់រូប មិនគួរមើលរំលងពីអាថ៌កំបាំងថែរក្សាសម្ផស្សផ្សំចេញពីផ្លែបឺរ ដែលអាចយកទៅអនុវត្តនៅផ្ទះ ចំណាយលុយតិច ចំណេញពេលវេលា និងទទួលបានប្រសិទ្ធិភាពខ្ពស់។
១. សម្រាប់ស្បែកមុខ
អត្ថប្រយោជន៍៖ ជួយធ្វើឲ្យស្បែកមុខ ទន់ ភ្លឺរលោងបែបធម្មជាតិ។
អ្នកអាចយកសាច់ផ្លែបឺរស្រស់ ទៅកិនឲ្យម៉ដ្ឋ បន្ទាប់មកយកទៅបិទលើផ្ទៃមុខដែលបានសម្អាតរួច ទុកចោលរយៈពេលពី ១៥-២០នាទី។ បន្ទាប់មកទៀត ត្រូវលាងមុខជាមួយនឹងទឹកក្តៅឧណ្ណៗ សឹមលាងជាមួយនឹងទឹកត្រជាក់តាមក្រោយ។
២. ប្រើសម្រាប់លាងមុខ
អត្ថប្រយោជន៍៖ ស័ក្តិសមសម្រាប់ស្បែកដែលឆាប់ប្រតិកម្មជាមួយផលិតផលគ្រឿងសម្អាងផ្សេងៗ។ ជួយឲ្យស្បែកមុខភ្លឺថ្លា ដោយមិនពាល់ដល់សុខភាពស្បែក។
គ្រឿងផ្សំ៖ ផ្លែបឺរស្រស់១ ស៊ុតយកតែផ្នែកក្រហម១គ្រាប់ ទឹកដោះគោស្រស់១ស្លាបព្រាបាយ។
វិធីធ្វើ៖ លាយគ្រឿងផ្សំទាំងអស់ចូលគ្នា បន្ទាប់មកយកមកលាបហើយធ្វើការម៉ាស្សាថ្នមៗលើមុខ ទុកចោលប្រមាណ ១៥នាទី រួចលាងនឹងទឹកក្តៅឧណ្ណៗ។ អាចធ្វើ ២-៣ដង ក្នុងមួយសប្តាហ៍។
៣. ប្រើនៅលើបបូរមាត់
អត្ថប្រយោជន៍៖ ជួយធ្វើឲ្យបូរមាត់ទន់ បំបាត់ជ្រួញ ផ្តល់សំណើម។
គ្រឿងផ្សំ៖ ផ្លែបឺរទុំមួយចំហៀង ប្រេងអូលីវ១ស្លាបព្រាបាយ។
វិធីធ្វើ៖ លាយគ្រឿងផ្សំទាំងពីរចូលគ្នា បន្ទាប់មកលាបលើបបូរមាត់ ហើយទុកចោល២៥នាទី រួចចាំលាងចេញជាមួយនឹងទឹកក្តៅឧណ្ណៗ។ គួរធ្វើឲ្យបាន២ដង ក្នុងមួយសប្តាហ៍។
៤. ប្រើនៅលើសក់
អត្ថប្រយោជន៍៖ អាចប្រើធ្វើម៉ាស់អប់សក់ វាមានតួនាទីយ៉ាងសំខាន់ ដើម្បីជួយឲ្យសក់ទន់រលាស់ ភ្លឺចែងចាំង ជាពិសេសអាចជំរុញដល់ការលូតលាស់នៃសរសៃសក់ទៀតផង។
គ្រឿងផ្សំ៖ ផ្លែបឺរទុំមួយផ្លែ ប្រេងដូង៣ស្លាបព្រាបាយ (អ្នកអាចប្រើប្រេងអូលីវជំនួសក៏បាន)។
វិធីធ្វើ៖ លាយគ្រឿងផ្សំទាំងពីរចូលគ្នាឲ្យសព្វល្អ បន្ទាប់មកយកទៅលាបម៉ាស្សាថ្នមៗចាប់ពីគល់រហូតដល់ចុងសក់ បន្ទាប់មកទៀតត្រូវលាងជាមួយនឹងសាប៊ូកក់សក់និងទឹកស្អាតចេញជាការស្រេច។ គួរធ្វើឲ្យបានទៀងទាត់ ២ដងក្នុងមួយសប្តាហ៍ អ្នកនឹងឃើញលទ្ធផលគួរឲ្យភ្ញាក់ផ្អើលមិនខាន។
៥. ប្រើសម្រាប់ស្បែកមុខមុន
អត្ថប្រយោជន៍៖ ជួយឲ្យមុនក្រៀម និងក្រាបមុខជាងមុន។
គ្រឿងផ្សំ៖ ផ្លែបឺរទុំ និងប្រេងអូលីវ។
វិធីធ្វើ៖ ដាក់ផ្លែបឺរទុំ និងប្រេងអូលីវ កិនបញ្ចូលគ្នា ហើយយកវាទៅលាបនៅលើមុខ ទុកចោលពី២០-៣០នាទី សឹមលាងចេញនឹងទឹកស្អាត។
ចុចអានបន្ត៖