ពេលក្បែរ Crush ចេះតែភ័យធ្វើអ្វីមិនត្រូវ គួរសាក៥វិធីនេះដើម្បីសិ្នទ្ធស្នាលនឹងគ្នាជាងមុន
- 2020-08-11 09:15:00
- ចំនួនមតិ 0 | ចំនួនចែករំលែក 0
ពេលក្បែរ Crush ចេះតែភ័យធ្វើអ្វីមិនត្រូវ គួរសាក៥វិធីនេះដើម្បីសិ្នទ្ធស្នាលនឹងគ្នាជាងមុន
សម្រាប់មនុស្សស្រី ពេល Crush នរណាម្នាក់ គឺជារឿងតានតឹងបំផុត ព្រោះមិនដូចមនុស្សប្រុសអាចបង្ហាញចេញមកស្តែងៗឯណា។ យ៉ាងណាក៏ដោយ កុំអាលអស់សង្ឃឹម ព្រោះនៅមានវិធីជាច្រើនដែលជួយឲ្យ Crush មកចង់នៅក្បែរអ្នក ដោយមិនដឹងខ្លួនតែម្តង។
១. ធ្វើជាអ្នកស្តាប់ដ៏ល្អ
នេះគឺជាមូលដ្ឋានគ្រឹះដ៏សំខាន់ដែលអ្នកត្រូវធ្វើ។ ពេលដែលមានឱកាសបាននិយាយជាមួយ Crush រឿងដំបូងដែលត្រូវធ្វើគឺស្តាប់គាត់និយាយសិន កុំនិយាយកាត់ ហើយក៏មិនមែនគ្រាន់តែស្តាប់ចោលដែរ គឺត្រូវស្តាប់ដោយយកចិត្តទុកដាក់ដើម្បីងាយស្វែងយល់ពីគាត់។
២. មិនឆ្មើងឆ្មៃ
នេះក៏ជាចំណុចពិសេសមួយផងដែរ ព្រោះអ្នកត្រូវចេះដាក់ខ្លួន ចេះគោរពអ្នកដទៃ មិនថាតែចំពោះមុខ Crush នោះទេ។ ដំបូងអាចថាពិបាកបន្តិច តែយូរទៅនឹងក្លាយជាទម្លាប់មិនខាន។
៣. ហ៊ានបង្ហាញគំនិតផ្សេងៗចេញមក
អ្នកត្រូវតែក្លាហានក្នុងការបញ្ចេញមតិលើផ្នែកណាមួយនៃរឿងដែលគាត់បាននិយាយ។ នេះនឹងជួយឲ្យអ្នកទាំងពីរបានមើលឃើញគ្នា ព្រមទាំងភ្ជាប់ទំនាក់ទំនងបានល្អលើអ្វីដែលគាត់កំពុងបញ្ចូនមក។ កុំបង្ហាញអារម្មណ៍ហាក់ដូចជាភ័យៗ តែត្រូវធ្វើវាឲ្យដូចធម្មជាតិ ចេញពីអារម្មណ៍ពិត យូរៗទៅអ្នកនឹងទម្លាប់វាបាន។
៤. ចេះលេងសើចនឹងគាត់
នេះជាចំណុចពិសេសជាងគេ ព្រោះការចេះលេងសើចកំប្លែងជាមួយគ្នាខ្លះ នឹងជួយឲ្យការសន្ទនាមើលទៅមានជាតិចូវ។ កុំឲ្យពេលជួបគ្នា ហាក់ដូចសោះកក្រោះពេក ដូច្នេះបើបានជួបគ្នា អ្នកអាចនិយាយរឿងកំប្លែងៗ ឌឺគាត់លេង ដើម្បីឲ្យមានភាពជិតស្និទ្ធនឹងគ្នាបន្តិច។
៥. យូរៗម្តង ចែករំលែករឿងក្នុងចិត្តឲ្យគាត់បានដឹង
ប្រាប់គ្នាទៅវិញទៅមកអំពីរឿងរ៉ាវក្នុងចិត្ត ដែលនេះគឺជាចែករំលែកដ៏ល្អបំផុត។ ម្យ៉ាងទៀត វាក៏នឹងជួយឲ្យទំនាក់ទំនងរវាងអ្នកនិងគាត់មិនតានតឹង ព្រោះអ្នកបានធ្វើឲ្យគាត់យល់ថា អ្នកចាត់ទុកគាត់ជាមនុស្សគួរឲ្យទុកចិត្ត ជិតស្និទ្ធនិងជឿជាក់បាន។
យ៉ាងណាំក៏ដោយ ទោះជា Crush គេខ្លាំងកម្រិតណា ក៏មិនត្រូវភ្លេចធ្វើជាខ្លួនឯង កុំបង្ខំខ្លួនឯងឲ្យសោះ។ អ្នកត្រូវរៀបចំខ្លួនតាមវិធីឲ្យមើលទៅល្អតាមអ្វីដែលអ្នកអាចធ្វើបាន នោះទើបមានតម្លៃ និងប្រសើរឡើង។ តែកុំភ្លេចលៃលកយ៉ាងណា ឲ្យអ្នកខ្លួនឯងមានអារម្មណ៍ថាងាយៗ នោះគឺគ្រប់គ្រាន់ហើយ៕