របស់ ៣យ៉ាងដែលមនុស្សស្រីមិនត្រូវលះបង់ដើម្បីទទួលបានស្នេហាមួយជាដាច់ខាត
- 2020-08-07 04:10:00
- ចំនួនមតិ 0 | ចំនួនចែករំលែក 0
របស់ ៣យ៉ាងដែលមនុស្សស្រីមិនត្រូវលះបង់ដើម្បីទទួលបានស្នេហាមួយជាដាច់ខាត
មនុស្សស្រីឆ្លាតនឹងមិនបោះបង់អ្វីគ្រប់យ៉ាងដើម្បីប្រុសម្នាក់ឡើយ។ មនុស្សស្រីវាងវៃនឹងមិនយកជីវិតខ្លួនទៅរំពឹងលើគេឡើយ។ លះបង់ដើម្បីនរណាម្នាក់ គឺកំពុងដោះដូរសុភមង្គលរប់ខ្លួននឹងយើងហើយ។ ខាងក្រោមនេះគឺជារឿង៣យ៉ាងដែលទោះបីជាយ៉ាងណាក៏មិនត្រូវលះបង់ដើម្បីទទួលយកស្នេហាដែរ។
១. បុរសអាក្រក់
មនុស្សស្រីមិនតិចឡើយដែលទោះបីជាដឹងថា បុរសដែលខ្លួនកំពុងស្រលាញ់គឺជាមនុស្សមិនល្អ ដោយប្រមូលផ្ដុំទៅដោយសុទ្ធតែអត្តចរិតអាក្រក់ ប៉ុន្តែនាងមិនអាចដោះដៃពីគេបានឡើយ។ ទោះបីជាត្រូវបានគេពន្យល់ប្រាប់យ៉ាងណា ក៏នាងនៅតែប្រកែកសម្ដីគេគ្រប់គ្នា ដើម្បីនៅក្បែរបុរសម្នាក់នោះ។ នេះគឺមកពីមនោសញ្ចេតនានាងចំពោះរូបគេ គឺជ្រាលជ្រៅពេកទៅហើយ។ យ៉ាងណាក្ដី អ្នកត្រូវដឹងថា ទោះបីជាអ្នកបន្តនៅក្នុងមនោសញ្ចេតនាមួយនេះ ទៅមុខគឺជាផ្លូវទាល់ គ្មានថ្ងៃឃើញពន្លឺឡើយ។
២. លុយរបស់មនុស្សប្រុស
ទោះបីជាកាលៈទេសៈផ្លាស់ប្ដូរ មនុស្សស្រីមានតួនាទី ក៏ដូចជាការងារមិនចាញ់មនុស្សប្រុសក៏ពិតមែន តែក៏នៅមានមនុស្សស្រីមិនតិចឡើយ នៅតែចិញ្ចឹមកូនចិត្តថា ឲ្យតែខ្លួនធ្វើខ្លួនឲ្យស្អាត នឹងមានបុរសមកចិញ្ចឹមជាក់ជាមិនខាន។ តែអ្នកត្រូវចាំថា លើលោកនេះគ្មានអ្នកណាឲ្យអ្នកណាអ្វីមួយទទេឡើយ។ សួរខ្លួនឯងថា បើអ្នកចង់បានលុយគេ អ្នកនឹងបាត់បង់អ្វី មុនពេលឈានដល់ការសម្រេចនេះ។
៣. រស់នៅដើម្បីគេ
គេតែងនិយាយថា ដោយសារតែប៉ាម៉ាក់យើង មិនអាចសម្រេចបានបំណងរបស់ពួកគាត់ ទើបនៅពេលនេះយើងត្រូវរស់ក្នុងក្ដីស្រមៃរបស់ពួកគាត់។ ឧទាហរណ៍ដោយសារតែពួកគាត់កាលពីក្មេងគ្មានលទ្ធភាពដើម្បីរៀនពេទ្យ ដល់ពេលមានកូនក៏បង្ខំកូនឲ្យចាប់យកជំនាញពេទ្យទាំងយើងគ្មានចំណង់ខាងនោះសូម្បីបន្តិច។ បើប្រកែក អ្នកអាចនឹងជាប់ឈ្មោះជាកូនអកត្តញ្ញូមួយពេល តែបើស្របតាម អ្នកអាចស្ដាយក្រោយមួយជីវិត។ មង្គលការក៏ដូចគ្នា សូមកុំរស់ដោយសារមាត់អ្នកដទៃ។ បើមិនស្រលាញ់កុំការ បើការខុសហើយ ត្រូវក្លាហានបោះបង់។ បើដោយសារខ្លាចមាត់អ្នកដទៃ ហើយទ្រាំនៅក្នុងជីវិតគូដែលគ្មានផ្លូវចាកចេញនោះ សួរថាមានខុសគ្នាពីការនៅក្នុងគុកឥតជញ្ជាំងឬអត់?