រឿងមួយដែលមនុស្សស្រីគ្រប់រូបដាច់ខាតមិនត្រូវល្មើស ដើម្បីរក្សាសុភមង្គលគ្រួសារ

2020-08-06 04:05:00
ចំនួនមតិ 0 | ចំនួនចែករំលែក 0

ជាមួយមនុស្សគំនិតអាក្រក់ ជាពិសេសអ្នកដែលតែង ខ្យល់បក់ទៅទិសណា រេទៅទិសនោះ គឺជាប្រភេទបុគ្គលដែលគួរចៀសឆ្ងាយជាទីបំផុត។ ដើម្បីរក្សាភាពសុខុដុមរមនាឲ្យគ្រួសារ អ្នកត្រូវដាច់ខាត មិនសេពគប់ជាមួយមនុស្សប្រភេទនេះ។

កុំរាប់អានជាមួយមនុស្សគំនិតអាក្រក់

គេតែងថា មនុស្សយើងត្រូវជះឥទ្ធិពលពីមនុស្សដែលនៅជុំវិញ។ ជាក់ស្ដែង អ្នកនៅក្បែរអ្នកប្រាជ្ញ អ្នកនឹងចេះដឹង អ្នកនៅក្បែរចោរ អ្នកនឹងចេះលួច ដូចនេះយើងត្រូវចេះប្រមាណមើលថា គួរសេពគប់បែបម៉េច។ គ្រួសារមួយចំនួន ទាំងគ្មានរឿងអ្វីសោះ បែរជាទៅជារលំរលាយ ដោយសារអ្នកខាងក្រៅចាក់រុក។

រាប់មនុស្សបើមិនមើលច្បាស់លាស់ អ្នករងគ្រោះគ្មានអ្នកណាក្រៅពីរូបយើងឡើយ។ មើលមនុស្សមិនច្បាស់ ប្រាកដជាប៉ះត្រូវមនុស្សបាតដៃខ្នងដៃ ឃើញសថាខ្មៅ ឃើញខ្មៅថាស។ អ្នកខ្លះពីមុខសំពះទេ តែពីក្រោយគឺសំពោង។ មនុស្សប្រភេទនេះ ភាគច្រើនគឺចិត្តរេដូចចុងស្រល់ គ្មានគំនិតផ្ទាល់ខ្លួនច្បាស់លាស់។ យើងនិយាយរឿងគ្រួសារប្រាប់តែ១ទេ បែរជាទៅប្រកូកប្រកាសនៅខាងក្រៅដល់ ១០។

យករឿងគ្រួសារយើង ទៅប្រាប់ពេញមួយភូមិខ្លាចក្រែងអ្នកជិតខាងអត់បានដឹង។ មិនត្រឹមតែប៉ុណ្ណោះ ឃើញយើងមានក្ដីសុខ គឺនៅមិនសុខឡើយ។ ពួកគេនឹងរកចំណុចមិនល្អ របស់គ្រួសារយើងមកវែកញែកឲ្យយើងបែកគំនិត គិតថា គ្រួសារយើងមិនល្អពិតមែន។

បើសិនជាយើងត្រចៀកសជឿគេ គ្រួសារដែលធ្លាប់តែមានសុភមង្គល នឹងត្រូវរលាយក្នុងតែមួយប៉ប្រិចភ្នែក។ ដូចនេះហើយ បើឃើញមនុស្សមានអត្តចរិតដូចខាងលើ អ្នកត្រូវរត់ចេញឲ្យឆ្ងាយ កុំនាំទុក្ខដាក់ខ្លួន៕

ប្រភព៖ Phunutoday ប្រែសម្រួល៖ Caramel