ថែរក្សាស្បែកអ្នកក្នុងពេលធ្វើដំណើរផ្លូវឆ្ងាយដោយចៀសវាងនូវកំហុសទាំង៥យ៉ាងនេះ
- 2020-07-27 09:00:00
- ចំនួនមតិ 0 | ចំនួនចែករំលែក 0
ថែរក្សាស្បែកអ្នកក្នុងពេលធ្វើដំណើរផ្លូវឆ្ងាយដោយចៀសវាងនូវកំហុសទាំង៥យ៉ាងនេះ
មុនពេលចេញដំណើរផ្លូវឆ្ងាយអ្នកមិនគួរប្រើប្រាស់គ្រឿងសម្អាងដែលមានជាតិកាត់ជាពិសេសគ្រឿងសម្អាងដែលផ្សំពីផ្លែក្រូចជាដើមជាពិសេសទំលាប់ទាំង៥យ៉ាងនេះបើមិនចង់អោយស្បែកខូចពេលមកវិញនោះទេ។
១. ប្រើប្រាស់ឡេការពារកម្ដៅថ្ងៃក្នុងបរិមាណមិនសមស្រប
មិនមែនឡេការពារកម្ដៅថ្ងៃទាំងអស់សុទ្ធតែមានប្រសិទ្ធភាពក្នុងការការពារស្បែកអ្នកនោះទេ។នៅពេលចេញដំណើរផ្លូវឆ្ងាយជាពិសេសពេលត្រូវនៅក្រោមកម្ដៅថ្ងៃក្នុងរយះពេលយូរម៉ោងអ្នកគួរជ្រើសរើសយកប្រភេទដែលមានSPF យ៉ាងតិច៤៤។ហើយកុំភ្លេចលាបវាម្ដងទៀតរៀងរាល់ពីរម៉ោងម្តងដើម្បីទទួលបានការការពារយ៉ាងពេញលេញ។
២.ភ្លេចលាបឡេផ្ដល់សំណើមដល់ស្បែក
ជាពិសេសពេលធ្វើដំណើរតាមយន្តហោះស្បែកអ្នកអាចនឹងប្រែជាស្ងូតខ្លាំងពេលនៅក្រោមម៉ាស៊ីនត្រជាក់យូរ ហេតុដូចនេះហើយអ្នកគួរលាបឡេផ្ដល់សំណើមដល់ស្បែកទាំងពេលឡើងនិងចុះពីយន្តហោះ។ ទោះបីជាត្រូវទៅដើរលំហែរកាយក្ដីមិនត្រូវភ្លេចផ្ដល់ជាតិទឹកដល់ស្បែកអ្នកទាំងព្រឹកល្ងាចបន្ទាប់ពិខាងក្រៅអស់រយះពេលជាច្រើនម៉ោង។
៣. ប្រើប្រាស់គ្រឿងសម្អាងដែលធ្វើអោយកកស្ទះរន្ធញើស
ដើម្បីកុំអោយស្បែកមុខអ្នកប្រែជាខូច មិនគួរប្រើប្រាស់គ្រឿងសម្អាងដែលជួយបិទបាំងរន្ធញើស គួបផ្សំនិងការបែកញើសជាតិខ្លាញ់កាន់តែខូចលើសដើម។
៤. ការរក្សាទុកគ្រឿងសម្អាងមិនបានត្រឹមត្រូវ 
ការទុកដាក់គ្រឿងសម្អាងនៅក្នុងវ៉ាលីក្រោមអាកាសធាតុក្ដៅព្រមទាំងទុកអោយគ្រឿងសម្អាងប្រភេទដូចសេរ៉ូមវីតាមីនCអោយត្រូវពន្លឺថ្ងៃ អាចបណ្ដាលបាត់បង់នូវប្រសិទ្ធភាពនៃគ្រឿងសម្អាងទាំងនោះបាន។ គ្រឿងសម្អាងគួរតែរក្សាទុកនៅកន្លែងត្រជាក់និងបិទអោយបានជិតល្អបន្ទាប់ពីប្រើប្រាស់រួច។
៥. កុំភ្លេចទឹកសម្រាប់ជូតគ្រឿងសម្អាង 
ក្នុងពេលចេញដំណើរផ្លូវឆ្ងាយអ្នកជ្រើសរើសលុបគ្រឿងសម្អាងជាប្រភេទទឹកចៀសជាងជាប្រភេទក្រដាសជូតព្រមទាំងលាងសម្អាតជាមួយហ្វូមលាងមុខយ៉ាងតិចពីរដងដើម្បីកម្ចាត់នូវរាល់ធូលីដីដែលប្រមូលផ្ដុំនៅលើស្បែក។