សូមអានអត្ថបទនេះសិន មុនសម្រេចចិត្តទម្លាក់ឬយកកូនចេញ

2020-07-18 07:00:00
ចំនួនមតិ 0 | ចំនួនចែករំលែក 0

#សូមអានអត្ថបទនេះសិនមុនសម្រេចចិត្តទម្លាក់ឬយកកូនចេញ

បើអ្នកបានជាជ្រុលជ្រួសបណ្ដាលឱ្យមានកូន សូមកុំសម្លាប់គ្នា ព្រោះក្មេងវាគ្មានកំហុសទេ

សូមគិតពីទង្វើរបស់អ្នកទាំងពីរ៖

ពីស្និទ្ធស្នាលគ្នា---> ឱបថើបគ្នា ---> បណ្ដើរគ្នាចូលផ្ទះសំណាក់ ---> ចាប់ផ្ដើមដោះសម្លៀកបំពាក់ ---> ពិនិត្យទឹកនោមឃើញ២កាំ ---> ទម្លាក់កូនចោល

មែន!! មនុស្សប្រុសមួយចំនួនប្រហែលមិននៅទទួលខុសត្រូវ ឬពេញចិត្តនឹងឮថាអ្នកមានផ្ទៃពោះទេ។ ប៉ុន្តែមុនសម្រេចចិត្តថានឹងធ្វើបែបណាជាមួយរបស់ក្នុងពោះរបស់អ្នកពេលនេះ សូមដឹងថា៖

ខែទី១៖ ម៉ាក់អ្ហា!! កូនមានប្រវែង២ស.ម ហើយ។ កូនស្រលាញ់ម៉ាក់ណាស់! ចង្វាក់បេះដូងរបស់ម៉ាក់ប្រៀបដូចជាភ្លេងកំដរអារម្មណ៍កូនឱ្យគេងរាល់ពេលអ៊ីចឹង។

ខែទី២៖ ម៉ាក់អ្ហា! កូនអាចដឹងពីអារម្មណ៍ ពេលកូនកើតចេញទៅ ម៉ាក់និងប៉ានឹងនាំកូនដើរលេងគ្រប់ទីកន្លែង...

ខែទី៣៖ ម៉ាក់! ទោះបីកូនមិនទាន់ដឹងថាខ្លួនឯងជាស្រីឬក៏ប្រុសក៏ដោយ តែកូនសង្ឃឹមថាប៉ានិងម៉ាក់នឹងសប្បាយចិត្ត ពេលឃើញមុខកូនថ្ងៃដំបូង...ហើយម៉ាក់កុំយំណា ព្រោះបើម៉ាក់យំ កូនអត់សប្បាយចិត្តទេ...

ខែទី៤៖ ម៉ាក់អ្ហា! សក់កូនចាប់ផ្ដើមដុះតិចៗហើយ ពេលនេះកូនអាចធ្វើចលនាបាន ហើយអាចងាកឆ្វេងស្ដាំបានហើយ...

ខែទី៥៖ ម៉ាក់អ្ហា! ថ្ងៃនេះម៉ាក់ទៅជួបគ្រូពេទ្យមែន? ហើយចុះលោកគ្រូពេទ្យថាម៉េចខ្លះទៅ? ម៉ាក់អ្ហា! កូនអត់កើតអីណាអ្ហី?

ខែទី៦៖ នេះម៉ាក់មកពេទ្យម្ដងទៀតហើយអ្ហេស? ម៉ាក់អ្ហា! កូនឮគ្រូពេទ្យប្រាប់ម៉ាក់ថា កូនមានសុខភាពល្អណាស់ តែម៉េចក៏មានអីលូកចូលមកប៉ះកូនបែបនេះ? របស់មួយនេះកាត់ដាច់សក់របស់កូន កូនភ័យណាស់ម៉ាក់! ម៉ាក់អ្ហា របស់នោះកាត់ចំជើងកូនទៀតហើយ! កូនឈឺណាស់ម៉ាក់អើយ! តែមិនអីទេ ទោះកូនអត់មានជើង ក៏កូននៅមានដៃ និងភ្នែកដែលអាចឱបម៉ាក់ និងមើលឃើញម៉ាក់សប្បាយចិត្តដែរ!

តែម៉ាក់! នេះវាមកកាត់ដៃកូនទៀតហើយ! ម៉ាក់ជួយកូនផង... ម៉ាក់អ្ហា! កូនស្បថថាឈប់រប៉ិលរប៉ូច ឈប់ខូចទៀតហើយ! ម៉ាក់ឈប់ឱ្យគេធ្វើបាបកូនទៅ... តែទោះជាកូនគ្មានដៃ ក៏កូននៅមានភ្នែកអាចមើលឃើញស្នាមញញឹមដ៏ស្រស់ស្អាតរបស់ម៉ាក់ដែរ។ តែអត់ទេ... ម៉ាក់វាមកកាត់ផ្ដាច់ក្បាលកូនហើយ...

ម៉ាក់អើយ! ក្ដីស្រមៃដែលអាចកើតមកឃើញមុខម៉ាក់និងប៉ា ហើយអ្នកទាំងពីរដឹកដៃកូនដើរលេងគ្រប់ទីកន្លែងនោះត្រូវរលាយបាត់អស់ហើយ កូនបានត្រឹមតែឃើញមុខលោកទាំងពីរពីលើមេឃប៉ុណ្ណោះ៕

អត្ថបទ៖ ដេត ឈុនអ៉ី