តិចនិក “ចងជើង” ប្ដីទាំង៣របស់មនុស្សស្រីឆ្លាតវៃ ប្តីគ្មានថ្ងៃចង់ទៅណា

2020-07-13 02:15:00
ចំនួនមតិ 0 | ចំនួនចែករំលែក 0

មង្គលការគឺជាការជ្រោមជ្រែងគ្នាទៅវិញទៅមករវាងប្ដី និងប្រពន្ធ។ ភាគច្រើន បុរសដែលទៅរកចំណីថ្មីនៅខាងក្រៅ គឺដោយសារចំណីទាំងនោះចេះយកចិត្ត ចេះថ្នាក់ថ្នម។ ដូចនេះ ដើម្បីកុំឲ្យគេធុញទ្រាន់ យើងក៏អាចប្រើមធ្យោបាយទាំងនេះ ដើម្បីចងគេដូចគ្នា ដោយវិធីទាំងនេះ។

១. យល់ពីវិបត្តិរបស់ប្ដី

មនុស្សស្រីតែងរអ៊ូរទាំ ចង់ឲ្យប្ដីកែតាំងពីកំហុសតូចបំផុតឡើង។ ដោយប្រពន្ធខ្លះថែមទាំងប្រៀបធៀបប្ដីរបស់ខ្លួន នឹងប្ដីអ្នកដទៃទៀតផង។ តែពួកគេមិនដឹងឡើយថា មនុស្សគ្រប់រូប សុទ្ធតែយកមុខមាត់ជាធំ ដូចនេះពេលត្រូវគេប្រៀបធៀបនឹងអ្នកដទៃ គេប្រាកដតូចចិត្តមិនខាន។ ហេតុនេះហើយ ជំនួសឲ្យការរិះគន់ អ្នកត្រូវព្យាយាមពីទុក្ខសោករបស់ប្ដី ថាហេតុអ្វីគេធ្វើប្ដីគេធ្វើបាន ប្ដីយើងធ្វើមិនបាន ហើយលើកទឹកចិត្តទាល់តែគេបានសម្រេច។

២. យកចិត្តទុកដាក់ស្ដាប់

ប្រពន្ធមួយចំនួន ដោយសារតែចង់ឈ្នះខ្លួនឯង ក៏មិនដែលយកត្រចៀកស្ដាប់ឡើយ ដោយប្រកែកដាច់អហង្កា ប៉ោងសរសៃកដាក់ប្ដី។ កត្តានេះហើយ ដែលធ្វើឲ្យស្វាមីមួយចំនួន ធុញទ្រាន់មិនចង់ចូលផ្ទះ។ ហើយរាល់ពេលមានរឿងក្នុងចិត្តម្ដងៗ តែងទៅរកអ្នកខាងក្រៅដើម្បីចែករំលែក ដ្បិតពួកគេដឹងច្បាស់ថា បើនិយាយជាមួយប្រពន្ធ ក៏មិនអាចចែករំលែកបាន។ ដូចនេះហើយ ក្នុងនាមជាភរិយាល្អ ត្រូវបន្ថយការ ឈ្លោះគ្នា ហើយរៀនចេះស្ដាប់បន្ថែម។

៣. ផ្អែមល្ហែមដាក់ប្ដីបន្តិច

អ្នកមានដែរឆ្ងល់ទេថា ហេតុអ្វីមនុស្សប្រុសមួយចំនួន មានប្រពន្ធ ក្មេងស្អាតហើយ នៅតែទៅរកស្រីខាងក្រៅនោះ? នោះគឺមកពីស្រីៗ នៅកន្លែងទាំងនោះ ប្រើសម្ដីផ្អែមល្ហែម និងមិនរិះគន់មនុស្សប្រុស ទោះបីជាពេលនោះមនុស្សប្រុសទៅរកពួកគេក្នុងសភាពយ៉ាងណាក៏ដោយ។ រីឯប្រពន្ធវិញ តែងមានទំនោរស្រែកខ្លាំងៗដាក់ស្វាមី និងចាប់កំហុសពួកគេ។ ដើម្បីចងឲ្យស្វាមីកុំទៅរកក្រៅ តិចនិកវាមិនមានអ្វីពិបាកឡើយ ដោយគ្រាន់តែប្រើសម្ដីពិរោះដាក់ប្ដីខ្លួនឯងសោះនោះ៕

ប្រភព៖ Phunutoday ប្រែសម្រួល៖ Caramel