ត្រូវគេបន្លាចខ្មោច Yang Mi ធ្លាយរូបភាពចាស់ទ្រុឌទ្រោមខ្លាំង ខុសពីរូបង្ហោះខ្លួនឯង
- 2020-07-09 02:45:00
- ចំនួនមតិ 0 | ចំនួនចែករំលែក 0
ត្រូវគេបន្លាចខ្មោច Yang Mi ធ្លាយរូបភាពចាស់ទ្រុឌទ្រោមខ្លាំង ខុសពីរូបង្ហោះខ្លួនឯង
ក្រោយពេលរូបភាពថ្មីបំផុតរបស់កំពូលតារាសម្ដែងស្រី Yang Mi នៅក្នុងកម្មវិធីមួយត្រូវបានបែកធ្លាយ ទស្សនិកជនជាច្រើនបានលាន់មាត់ថា រូបភាពទស្សនាវដ្ដីរបស់ស្រីស្អាតរូបនេះ ប្រាកដជាឆ្លងកាត់ការកាត់តច្រើនខ្លាំងណាស់។
មុននេះ កម្រងរូបភាពរបស់តារាសម្ដែងស្រីជួរមុខចិន Yang Mi ពេលនាងចូលរួមក្នុងកម្មវិធី Great Escape 2 ទាក់ទាញបានចំណាប់អារម្មណ៍ជាខ្លាំង ក្រោយពេលវាត្រូវបានបង្ហោះលើបណ្ដាញសង្គម។ មូលហេតុដែលធ្វើឲ្យមានទាក់ទាញនេះគឺ ស្រីស្អាតរូបនេះ បានលេចរូបសាច់មុខចាស់ទ្រុឌទ្រោមខ្លាំង ពេលនាងត្រូវអ្នករួមក្រុមបន្លាច។
ជាក់ស្ដែង នៅពេលត្រូវកាមេរ៉ា ហ្សូមមុខឲ្យជិត ស្បែកមុខដែលម៉ដ្ឋភ្លឺរលោងដូចរាល់ដង គឺត្រូវជំនួសមកវិញនូវស្បែកជ្រួញ និងកន្ទុយភ្នែកជ្រួញ ចាស់ជាងវ័យ ៣៣ឆ្នាំច្រើន។ មនុស្សជាច្រើនលើកឡើងថា មកពីអ្នកម្ដាយកូន១នេះ ស្រលាញ់ការងារពេក ធ្វើការឥតឈប់ ទើបគ្មានពេលសម្រាក នាំឲ្យចាស់មុនអាយុបែបនេះ។
យ៉ាងណាក្ដី អ្នកគាំទ្រនៅតែសរសើរថា ទោះជាយ៉ាងណា នាងនៅតែមានរាងស្គមស្ដើង ដូចក្រមុំដដែល៕