អ្នកមិនទាន់ក្លាយជានារីចាស់ទុំទេ បើមិនអាចបោះចោលរឿងឥតប្រយោជន៍ ៩យ៉ាងបាន
- 2020-07-02 03:20:00
- ចំនួនមតិ 0 | ចំនួនចែករំលែក 0
អ្នកមិនទាន់ក្លាយជានារីចាស់ទុំទេ បើមិនអាចបោះចោលរឿងឥតប្រយោជន៍ ៩យ៉ាងបាន
ពេលដែលឮពាក្យថាចាស់ទុំ អ្នកច្បាស់ជានឹកគិតដល់ ទំនួលខុសត្រូវ ភាពរឹងមាំ និងការមិនបណ្តោយឲ្យរឿងតូចតាច មករំខានដល់ជីវិត។ ភាពចាស់ទុំ ទាមទារនូវការខិតខំប្រឹងប្រែង បទពិសោធន៍ដែលធ្លាប់ជួបប្រទះ ព្រមទាំងការចេះគិតគូរវែងឆ្ងាយ មានហេតុផលត្រឹមត្រូវ។
ពេលខ្លះអាយុច្រើនគ្រាន់តែជាតួលេខ បើសិនជាអ្នកមិនអាចបោះចោលរឿងឥតប្រយោជន៍៩យ៉ាងបាន អ្នកមិនទាន់ក្លាយជានារីចាស់ទុំនៅឡើយទេ។
១. គិតច្រើនពីសម្ដីអ្នកដទៃ
គំនិតអ្នកដទៃ ជាអ្វីដែលអ្នកមិនគួរទៅក្បាលវិលមុខជាមួយ ព្រោះមានតែអ្នកប៉ុណ្ណោះ មានសិទ្ធិបញ្ជាការគិតរបស់ខ្លួន។ ចង់ធ្វើអ្វី ចង់សម្រេចបែបណា វាស្ថិតក្រោមការគ្រប់គ្រងរបស់អ្នកផ្ទាល់។ ខ្វល់ខ្វាយពីសម្តីអ្នកដទៃច្រើនពេក ប្រៀបបានដូចជាខំខ្លួនឯងនៅក្នុងទ្រុង មិនហ៊ានធ្វើអ្វីដែលខ្លួនពេញចិត្តចង់ធ្វើ។
២. បោះបង់ក្តីស្រមៃ
ចង់ក្លាយជាមនុស្សចាស់ទុំ ត្រូវដឹងច្បាស់ពីគោលដៅដែលខ្លួនចង់បានក្នុងជីវិត តស៊ូជម្នះរាល់ឧបសគ្គ និងមិនបោះបង់ចោលក្តីស្រមៃដាច់ខាត។
៣. នៅតោងទាមទំនាក់ទំនងស្នេហាមិនពិតប្រាកដ
នារីមានភាពចាស់ទុំ មិននៅតោងទាមស្នេហាដែលពិតប្រាកដនោះឡើយ។ នាងត្រូវការដៃគូជាក់លាក់ម្នាក់ អាចរស់នៅជាមួយគ្នាបានគង់វង្សយូរអង្វែង។
៤. មិនសាកល្បងធ្វើ ព្រោះខ្លាចខុស
ពេលអ្នកធំដឹក្តី ចេះថ្លឹងថ្លែង អ្នកនឹងយល់ច្បាស់ថា អ្វីក៏ដោយមិនមែនធ្វើទៅសុទ្ធតែត្រូវទាំងអស់ទេ។ កំហុសតិចតួចតែងតែមានហើយ សំខាន់អ្នកក្លាហានហ៊ានសាកល្បង ហើយចេះរកដំណោះស្រាយកែលម្អកំហុសដែលបានកើតឡើង។ គ្មានខុសសោះ ក៏រកត្រូវមិនឃើញដែរ នេះជាអ្វីដែលមនុស្សម្នាក់ៗមិនអាចជៀសផុត។
៥. និយាយដើមអ្នកដទៃហើយចូលតួ
មនុស្សមានគំនិតចាស់ទុំ យល់ថាការនិយាយមិនល្អពីអ្នកដទៃ ជាទង្វើដែលមិនគួរមាន ព្រោះវាជារឿងឥតបានការ ខ្ជះខ្ជាយពេលវេលា និងអាចធ្វើឲ្យអ្នកដទៃឈឺចាប់ដោយសារតែសម្តីរបស់អ្នក។ ការនិយាយអាក្រក់ពន្លើសពីក្រោយខ្នង មានតែកូនក្មេងមិនទាន់ដឹងក្តីប៉ុណ្ណោះដែលចូលចិត្តធ្វើ។
៦. ខ្លាចភាពបរាជ័យ
វ័យកាន់តែច្រើន អ្នកនឹងទទួលស្គាល់ថា នៅទីណាក៏មិនអាចគេចពីភាពបរាជ័យបានដែរ។ លើលោកនេះគ្មានអ្វីអាចជប់ចេញដោយវេទមន្តឡើយ ដូចជាការធ្វើជំនួញ រឿងរ៉ាវក្នុងជីវិត ឬរឿងស្នេហាក៏ដោយ គឺតម្រូវឲ្យមានការព្យាយាម និងវិធីសាស្ត្រផ្សេងៗ។ ភាពបរាជ័យ បង្ហាញពីភាពក្លាហានដែលអ្នកមាន និងជាជំហានដំបូងដែលអាចនាំទៅរកភាពជោគជ័យ។
៧. ខ្ជះខ្ជាយពេលវេលា
បើហត់នឿយណាស់អាចសម្រាកបន្តិចសិនបាន ប៉ុន្តែកុំខ្ជះខ្ជាយពេលវេលាយូរពេក ត្រូវងើបដើរទៅមុខបន្តទៀត។ ភាពស្មុគស្មាញទុកមួយឡែកសិន ថ្ងៃនេះអាចធ្វើអ្វីបាន ត្រូវធ្វើឲ្យហើយមិនចាំដល់ស្អែក កុំបោកប្រាស់ខ្លួនឯង។
៨. បណ្តោយតាមអារម្មណ៍ច្រើនជាងប្រើខួរក្បាល
ធ្វើអ្វីមួយដោយហេតុផលត្រឹមត្រូវ គិតឲ្យបានវែងឆ្ងាយ កុំចេះតែបណ្តោយទៅតាមអារម្មណ៍ មកគ្របដណ្តប់លើសកម្មភាពទាំងមូលឡើយ។
៩. មិនហ៊ានទទួលស្គាល់ថាជីវិតតែងមានទុក្ខ
មនុស្សយើងមិនអាចហាមឃាត់ រឿងអាក្រក់មិនឲ្យកើតឡើងបានពិតមែន ប៉ុន្តែមនុស្សដែលមានភាពចាស់ទុំ ហ៊ានទទួលស្គាល់ការពិត ដឹងថាមានជីវិតតែងមានទុក្ខ។ ទោះស្ថិតក្នុងស្ថានភាពលំបាកបែបណា ក៏ពួកគេនៅអាចជម្នះវាបាន ហើយចុងក្រោយពួកគេនឹងអាចស្វែងរកក្តីដោយខ្លួនបាន ៕
ចុចអានបន្ត៖
៦ វិធីអាចកែប្រែខ្លួនមនុស្សស្រីពូកែអៀន ទៅជាមនុស្សស្រីដ៏រឹងមាំម្នាក់
អត្ថប្រយោជន៍ធំៗនឹងកើតឡើង ពេលស្រីៗស្រឡាញ់ខ្លួនឯងច្រើនៗ