តើខែកក្កដានេះ នឹងមានរឿងអ្វីកើតឡើងចំពោះអ្នក សាករើសបៀរមួយសន្លឹក
- 2020-07-01 05:05:00
- ចំនួនមតិ 0 | ចំនួនចែករំលែក 0
តើខែកក្កដានេះ នឹងមានរឿងអ្វីកើតឡើងចំពោះអ្នក សាករើសបៀរមួយសន្លឹក
ក្នុងខែ៧នេះ មានរយៈ ពេល៣១ថ្ងៃ ហេតុនេះអ្នកត្រូវឆ្លងកាត់រឿងជាច្រើន។ ប្រសិនបើអ្នក ចង់ដឹងថាអំឡុងខែកក្កដានេះ នឹងមានរឿងអ្វីកើតឡើងចំពោះអ្នក សូមសាកល្បងរើសសន្លឹកបៀរមួយ ដើម្បីដឹងច្បាស់។
១. ប្រសិនបើជម្រើសរបស់អ្នកគឺជាកាត A មានន័យថា ក្នុងខែកក្កដានេះ គឺជាខែពោរពេញដោយសុខសន្តិភាពមួយសម្រាប់អ្នក។ មិនថាការងារ ការសិក្សា ព្រមទាំងខ្សែជីវិត ដំណើរការទៅយ៉ាងល្អប្រសើរនិងរលូនផងដែរ។ លើសពីនេះ អ្នកក៏មិនរងនូវបញ្ហាធំឬឧបសគ្គណាមួយកើតឡើងចំពោះអ្នកឡើយ។
ម្យ៉ាងទៀត បើសិនអ្នកត្រូវប្រឈមនឹងរឿងអ្វីមួយ ក៏រឿងទាំងនោះមិនមែនជាបញ្ហាចោទធំនោះដែរ។ ម្ល៉ោះហើយ អ្នកមិនបាច់បារម្ភអំពីរឿងនេះទេ។ អ្នកមានសិទ្ធសម្រេចនិងធ្វើជាម្ចាស់លើបញ្ហាទាំងនោះបាន ។ អ្វីក៏ដោយដែលអ្នកជ្រើសរើស លទ្ធផលចេញមកនឹងមិនប៉ះពាល់ធំដល់ខ្សែជីវិតរបស់អ្នកឡើយ។ គ្រប់យ៉ាងនឹងប្រព្រឹត្តទៅយ៉ាងរលូនដូចការប៉ងប្រាថ្នា។
យ៉ាងណាក៏ដោយ ខែកក្កដានេះ ក៏ជាអំឡុងពេលសំខាន់ដែលអ្នកត្រូវរក្សាការគិតវិជ្ជមាន ជឿជាក់លើខ្លួនឯង ហើយបើអ្នកធ្វើបាននោះអ្នកនឹងរកឃើញគ្រប់យ៉ាងដើរតាមទិសដៅត្រឹមត្រូវមិនខាន។
២. ប្រសិនបើអ្នកជ្រើសរើសកាតB បង្ហាញថា គ្រប់យ៉ាងដែលអ្នកគ្រោងនឹងធ្វើ វានឹងសម្រេចបានដោយសមត្ថភាពខ្លួនឯងផ្ទាល់ដោយមិនបាច់ពឹងពាក់នរណា។ កាន់តែពិសេសនោះ គម្រោងដែលអ្នកតែងរំពឹងទុកពីសមិទ្ធិផល នឹងទទួលបានជោគជ័យយ៉ាងត្រចះត្រចង់ ហេតុនេះមិនគួរពន្យារពេលពឹងផ្អែកលើភាគីទី៣ ឲ្យជួយលើគម្រោងទាំងនេះឡើយ។
ថ្វីដ្បិតថា អំឡុងអនុវត្តគម្រោងទាំងនេះ អ្នកប្រឈមនឹងការលំបាកមួយចំនួន រហូតរារែកចង់ហាមាត់សុំជំនួយយ៉ាងណាក៏ដោយ តែអ្នកនូវមិនដាច់ចិត្តបោះបង់ហើយព្យាយាមបន្តធ្វើវាដោយខ្លួនឯងបានយ៉ាងល្អ។ ដូច្នេះ សូមផ្ដោតលើទិសដៅ និងព្យាយាមបំពេញវាឲ្យបានប្រុងប្រយ័ត្ន តាមដែលអាចទៅរួច។
មានតែវិធីនេះម្យ៉ាងប៉ុណ្ណោះ ដែលរួមចំណែកធ្វើឲ្យអ្នកទទួលបានគ្រប់យ៉ាង ម្ល៉ោះហើយអ្នកត្រូវជឿជាក់លើខ្លួនឯងដើម្បីសមិទ្ធិផលនេះចេញផ្លែផ្កាមកជាទីគាប់ចិត្ត។ ចងចាំថា ត្រូវមានភាពម៉ត់ចត់លើកិច្ចការ ព្រមទាំងបំពេញវាតាមវិធីដែលល្អបំផុតតាមដែលអាចទៅរួច នោះជោគជ័យនឹងចូលមករកអ្នកយ៉ាងលឿនបំផុត។
៣. ប្រសិនបើចិត្តរបស់អ្នកប្រាប់ឲ្យជ្រើសរើសកាត C សូមចូលរួមអបអរសាទរផង។ ក្នុងរយៈពេលដ៏ខ្លីនេះ អ្នកនឹងអាចឈានឆ្ពោះទៅដល់កំពូល គ្រប់យ៉ាងនឹងដំណើរការតាមទិសដៅត្រឹមត្រូវ ហើយអ្នកនឹងសម្រេចបានតាមគោលបំណងរបស់ខ្លួន។ ហេតុនេះ មិនបាច់បារម្ភអំពីអ្វីច្រើនឡើយ។ អ្នកនឹងយល់ថា ទីបំផុតគ្រប់យ៉ាងដែលអ្នកបានរៀបចំមក វាអាចចេញជារូបរាងតាមអ្វីដែលអ្នកចង់បានហើយ។
បន្ទាប់ពីនោះ អ្នកនឹងមានពេលវេលាច្រើនដើម្បីសម្រាក រីករាយបានខ្លះក្នុងជីវិតនេះ។ សូម្បីមនុស្សនៅជុំវិញអ្នក រួមទាំងសាច់ញាតិ មិត្តភក្កិ និងអ្នកធ្វើការជាច្រើន ក៏ចូលរួមត្រេកអរជាមួយអ្នកផងដែរ។ ដូចនេះ សូមរីករាយពេលវេលាដ៏មានន័យនេះ។
៤. ប្រសិនបើជម្រើសរបស់អ្នក គឺកាត D សូមចូលរួមត្រេកអរផង។ ដោយសារតែការប៉ិនប្រសប់ ភាពរហ័សរហួន វៃឆ្លាត ធ្វើឲ្យអ្នកមានលទ្ធភាពបោះជំហានទៅមុខយ៉ាងត្រចះត្រចង់តាមគោលដៅ និងបំណងប្រាថ្នារបស់អ្នកបាន។ គ្រប់យ៉ាងដែលអ្នកចំណាយពេលរង់ចាំជាយូរ ទីបំផុតក៏សម្រេចបានហើយ។
យ៉ាងណាក៏ដោយ សូមកុំប្រឹងកាត់សេចក្ដីលើនរណាដោយគ្រាន់តែមើលលើសម្បកក្រៅ និងពីជំនាញរបស់គេឲ្យសោះ ព្រោះបើអ្នកគិតបែបនេះនឹងបង្កើតការលំបាកដល់ខ្លួនឯង ដោយសារលើលោកនេះគ្មាននរណាល្អឥតខ្ចោះនោះទេ។
ដូចនេះ បើអ្នកអាចក្ដោបឱកាសបានហើយ សូមកុំអៀនខ្មាសនឹងហាមាត់សុំជំនួយពីបុគ្គលដែលអ្នកជឿទុកចិត្ត។ ដោយសារមានតែវិធីនេះទេ ដែលជួយពន្លឿនក្ដីស្រមៃរបស់អ្នកឲ្យកា្លយជាការពិតឆាប់រហ័ស។ កុំស្ទាក់ស្ទើរក្នុងការសុំជំនួយពីនរណាម្នាក់អី ពិសេសមនុស្សដែលតែងផ្ដល់ក្ដីស្រលាញ់និងឲ្យតម្លៃលើអ្នក ព្រោះពួកគេនឹងសប្បាយចិត្តក្នុងការជួយ ព្រមទាំងគាំទ្រអ្នកពេញទំហឹង ដើម្បីជម្រុញអ្នកឲ្យទៅដល់គោលដៅយ៉ាងពិតប្រាកដ៕