ទុក្ខវេទនាទាំង ៣ដែលមនុស្សស្រីរូបណាក៏ត្រូវឆ្លងកាត់ មនុស្សប្រុសគ្មានថ្ងៃយល់
- 2020-06-10 01:25:00
- ចំនួនមតិ 0 | ចំនួនចែករំលែក 0
ទុក្ខវេទនាទាំង ៣ដែលមនុស្សស្រីរូបណាក៏ត្រូវឆ្លងកាត់ មនុស្សប្រុសគ្មានថ្ងៃយល់
ទោះបីជាពិភពលោកកំពុងឆ្ពោះទៅរកភាពស្មើភាពនៃយេនឌ័រក៏ដោយ តែមនុស្សស្រីនៅតែចៀសមិនផុតពីទុក្ខសោកខាងក្រោមនេះ។
១. ប្រថុយជីវិតឆ្លងទន្លេ
ហេតុអ្វីសម្រាលកូន ត្រូវបានចាស់ៗហៅថាឆ្លងទន្លេ? ព្រោះការកើតកូននេះនៅជំនាន់មុន មានភាពគ្រោះថ្នាក់ខ្លាំង មិនដឹងថាឆ្លងផុតឬអត់ឡើយ។ ទោះបីជាវិទ្យាសាស្ត្រមានភាពរីកចម្រើនច្រើនហើយក៏ដោយ ប៉ុន្តែការសម្រាលកូននៅតែមានហានិភ័យខ្ពស់។ ហេតុដូចនេះហើយ នារីស្ទើរតែគ្រប់រូបត្រូវប្រថុយជីវិតខ្លួនឯងរាល់ពេលពពោះកូនម្ដងៗ។
២. មិនស្មើភាពនឹងមនុស្សប្រុស
ទោះបីជាសង្គមកំពុងតម្រង់ទៅកាន់ភាពស្មើភាពនៃយេនឌ័រ ដោយមានការលើកកម្ពស់នារីនៅស្ទើរគ្រប់មជ្ឈដ្ឋាន ដោយគេសង្កេតឃើញថា មនុស្សស្រីនៅពេលនេះ ក៏មានការងារធំមិនចាញ់មនុស្សប្រុសដែរ។ យ៉ាងណាក្ដី គំនិតមនុស្សស្រីបង្វិលចង្ក្រានមិនជុំនៅតែកើតឡើងមិនលោះ។ មិនថាក្នុងសង្គម ឬក្នុងគ្រួសារកូនស្រីតែងតែមានអាទិភាពទាបជាងកូនប្រុសរហូត ដោយគេតែងគិតថាមនុស្សស្រីមិនសូវមានប្រយោជន៍។
៣. មនុស្សស្រីឆាប់អស់តម្លៃជាងមនុស្សប្រុស
នៅលើបណ្ដាញសង្គម តែងបង្ហោះពីតម្លៃទឹកដោះរបស់មនុស្សស្រី ដែលត្រូវនឹងអាយុរបស់នាងជានិច្ច។ ដោយជាធម្មតាគេឃើញថា មនុស្សស្រីកាន់តែក្មេង ទទួលបានថ្លៃបង្គាប់កាន់តែខ្ពស់ តែបើអាយុរាងជ្រេបន្តិច នឹងធ្លាក់តម្លៃភ្លាម។ ខណៈមនុស្សប្រុសអាយុច្រើន គេគិតថាចាស់ទុំ រឹងប៉ឹងនោះ មនុស្សស្រីបើអាយុច្រើន នឹងត្រូវគេឡកលើយថាចាស់ហើយ តែអត់គូជាដើម៕