គូស្នេហ៍ចាស់ទុំ គួរធ្វើនិងសួរនាំគ្នាពីរឿងទាំងនេះសិន មុនចូលរោងការ
- 2020-05-29 07:26:00
- ចំនួនមតិ 0 | ចំនួនចែករំលែក 0
គូស្នេហ៍ចាស់ទុំ គួរធ្វើនិងសួរនាំគ្នាពីរឿងទាំងនេះសិន មុនចូលរោងការ
ការរៀបការ ប្រៀបបាននឹងការបើកទំព័រថ្មីមួយទៀតសម្រាប់ជីវិត។ អ្នកត្រូវបើកចិត្តចែករំលែកអ្វីៗជាមួយសមាជិកថ្មី ដែលហៅថាប្តីឬប្រពន្ធ។ យ៉ាងណាមិញ គូស្នេហ៍មួយគូដែលមានភាពចាស់ទុំពិតមែន តែងធ្វើឬសួរនាំពីរឿងទាំងនេះសិន មុនពេលចូលរោងការ។
១. ធ្វើដំណើរកម្សាន្តទៅកន្លែងឆ្ងាយ ឬទៅក្រៅប្រទេសរួមគ្នា ព្រោះវាអាចជួយឲ្យអ្នកទាំងពីរ កាន់តែមានភាពស្និទ្ធស្នាល និងស្វែងយល់ពីគ្នាបានកាន់តែច្រើនជាងមុន។
**២**. យល់ពីតម្លៃគ្នាទៅវិញទៅមក ដូចជាសួរនាំលើសាសនា នយោបាយជាដើម។ សំណួរទាំងនេះមិនគប្បីសួរសម្រាប់ការណាត់ជួបដំបូង ប៉ុន្តែវាចាំបាច់ណាស់បើអ្នកក្លាយប្តីប្រពន្ធនឹងគ្នានាពេលអនាគត។ មនុស្សពីរនាក់ បើមានជំនឿនិងទស្សនៈផ្ទុយគ្នាខ្លាំងពេក ក៏ពិបាករស់នៅជាមួយគ្នាដែរ។
៣. និយាយពីរឿងចំនួនកូន ទោះអ្នកមិនទាន់ចង់បានក៏ដោយ។ ការពិភាក្សាគ្នា មានគម្រោងជាមុនគឺជារឿងល្អបំផុតហើយ។
៤. ស្គាល់មនុស្សសំខាន់ៗ ឬមិត្តភ័ក្តិជិតស្និទ្ធ ដែលដៃគូអ្នកធ្លាប់រាប់អានគ្នាពីមុនមក ដើម្បីឲ្យមានទំនាក់ទំនងកាន់តែស៊ីជម្រៅ។
៥. ឈ្លោះគ្នាខ្លះក៏មិនអីដែរ ព្រោះវាជាបទពិសោធន៍ថ្មី និងជាអ្វីដែលអ្នកគួរប្រឈមជាមួយ។
៦. សួរនាំពីរឿងកាន់លុយ ដែលជារឿងសំខាន់ ហើយវាក៏អាចបង្កបញ្ហាធំដល់ជីវិតគូដែរ ដូច្នេះគួរបែងចែកព្រមព្រៀងជាមុនទើបប្រសើរ។
៧. មានបញ្ហាធំយ៉ាងណាកើតឡើង ក៏នៅតែអាចដោះស្រាយបានជាមួយគ្នា នេះបញ្ជាក់ច្បាស់ថា ទំនាក់ទំនងស្នេហារបស់អ្នករឹងមាំ សមល្មមនឹងអាចចូលរោងការបានហើយ៕
ចុចអានបន្ត៖ ខ្ញុំមិនចូលចិត្តទំនាក់ទំនងមិនច្បាស់លាស់ទេ ដូច្នេះបើមិនប្រាកដទេ កុំស្រឡាញ់ខ្ញុំ