បើមនុស្សប្រុសទម្លាប់ផ្ញើរសាមកអ្នកបែបនេះ ច្បាស់ណាស់គាត់គ្មានគំនិតញ៉ែលេងៗទេ
- 2020-05-28 10:25:00
- ចំនួនមតិ 0 | ចំនួនចែករំលែក 0
បើមនុស្សប្រុសទម្លាប់ផ្ញើរសាមកអ្នកបែបនេះ ច្បាស់ណាស់គាត់គ្មានគំនិតញ៉ែលេងៗទេ
មិនត្រឹមតែកាយវិការ កែវភ្នែក ដែលអាចមើលដឹងថាបុរសនោះកំពុងចាប់ចិត្តលើអ្នកនោះទេ សូម្បីតាមរយៈការផ្ញើរសាក៏អាចមើលដឹងបានដែរ។
ប្រសិនបើអ្នកតែងទទួលបានសារពីបុរសម្នាក់ ដូចចំណុចដែល កញ្ញា បង្ហាញជូននេះ គឺច្បាស់ថា គាត់គ្មានបំណងញ៉ែអ្នកលេងឡើយ តែគាត់ពិតធ្លាក់ក្នុងអន្លង់ស្នេហ៍អ្នកខ្លាំងមែនទែន។
១. គាត់ផ្ញើរសារមកអ្នកអំឡុងពេលវេលាមួយ
ពេលវេលាជាកត្តាសំខាន់ក្នុងការវាយតម្លៃពីអារម្មណ៍របស់នរណាម្នាក់មកលើអ្នកបាន។ ឧទាហរណ៍ដូចជា នៅពេលព្រឹក គាត់ផ្ញើរសាមកអ្នកដើម្បីនិយាយថា អរុណសួស្តី ហើយដល់ពេលយប់មកដល់គាត់ក៏ផ្ញើរសាមកទៀត។ ក្រៅពីនេះ អំឡុងពេលសម្រាកពីញ៉ាំអាហារថ្ងៃត្រង់ គាត់ក៏ប្រញាប់ផ្ញើរសាមកអ្នកដើម្បីនិយាយសួរសុខទុក្ខអ្នកផងដែរ។ នេះមានន័យថា គាត់កំពុងចាប់អារម្មណ៍លើអ្នកហើយ។
២. គាត់ប្រាប់អ្នកស្ទើរគ្រប់រឿង
បើសិនជាគាត់ប្រាប់អ្នកគ្រប់យ៉ាងសូម្បីតែគម្រោង ឬក៏អ្វីដែលបានកើតឡើងនៅកន្លែងធ្វើការរបស់គាត់ នោះចង្អុលបង្ហាញថា គាត់ពិតជាធ្លាក់ក្នុងអន្លង់ស្នេហ៍របស់អ្នកហើយ។ ព្រោះគាត់ចង់ឲ្យអ្នកដឹងឲ្យបានច្រើនពីគាត់ និងចង់ឲ្យអ្នកចូលមកពាក់ព័ន្ធក្នុងជីវិតរបស់គាត់ដូចគ្នា។
៣. គាត់មានភាសាពិសេស ដែលសម្រាប់តែហៅអ្នកប៉ុណ្ណោះ
ប្រសិនបើបុរសម្នាក់នោះស្រាប់តែបង្កើតឈ្មោះហៅក្រៅឲ្យអ្នក ឬក៏ពេលឆាតដើមក្បាលដំបូង គាត់ចូលចិត្តស្វាគមន៍អ្នកដោយ Sticker ប្លែកៗ នេះមិនមែនជាសញ្ញាដែលគាត់ចង់ញ៉ែអ្នកលេងៗនោះទេ។ គឺមានន័យថា គាត់លង់ស្រលាញ់អ្នកមែនទែនហើយ គឺពេញបេះដូងតែម្តង។ គាត់ចាត់ទុកអ្នកជាមនុស្សពិសេសមួយ ព្រោះការសន្ទនាបែបនេះ គាត់ចង់ឲ្យមានតែអ្នកទាំង២ប៉ុណ្ណោះយល់ ហើយក៏ជាវិធីបង្កើនទំនាក់ទំនងរឹងមាំផងដែរ។
៤. គាត់ចូលចិត្តសួរ
សំនួរដែលគាត់តែងសួរគឺ តើយប់មិញអ្នកបានធ្វើអ្វីខ្លះ តើការងាររបស់អ្នកយ៉ាងណាដែរ...? ទាំងនេះសុទ្ធតែជាសំនួរដែលបង្ហាញពីការចាប់អារម្មណ៍លើជីវិតរបស់អ្នក។ ហើយនៅពេលគាត់ផ្ញើសារសួរពីរឿងផ្ទាល់ខ្លួនរបស់អ្នកដូចជា អ្នកចូលចិត្តអ្វី? ក្តីស្រមៃរបស់អ្នកជាអ្វី ឬអ្នកចាប់អារម្មណ៍លើអ្វីជាដើម គឺមានន័យថាគាត់ចង់ដឹងពីអ្នកកាន់តែច្រើន ហើយក៏កំពុងលង់លើអ្នកបន្តិចម្តងៗ។ ប្រសិនបើគាត់តែងតែឆាតមកអ្នកជារឿយៗ មានន័យថា គាត់ពិតជាចង់ស្វែងយល់ពីអ្នកឲ្យបានច្រើនតាមដែលអាចធ្វើទៅបាន។ ហើយវាក៏ជាសញ្ញាបង្ហាញថា អ្នកទាំងពីរអាចនឹងក្លាយជាគូស្នេហ៍នឹងគ្នាឆាប់ៗ ប្រសិនបើអ្នកព្រមបើកទំនាក់ទំនងនេះឲ្យកាន់តែជិតស្និទ្ធ៕