នារីមាន ៦ ចំណុចនេះទើបចាត់ទុកជា"ឧត្ដមភរិយា" ក្នុងខ្សែភ្នែកមនុស្សប្រុស

2020-05-28 04:40:00
ចំនួនមតិ 0 | ចំនួនចែករំលែក 0

ជាការពិត មិនថាមនុស្សស្រី ឬ មនុស្សប្រុសគឺសុទ្ធតែមានមនុស្សនៅក្នុងក្ដីស្រមៃរបស់ខ្លួននៅក្នុងចិត្ត។ ដូចការដែលនារីៗតែងប៉ងស្វែងរកមនុស្សប្រុសដែលខ្លួនប្រាថ្នា បុរសៗក៏មានមនុស្សស្រីដែលពួកគេប្រាថ្នាដូចគ្នាដូច្នោះដែរ។ មនុស្សស្រីដែលបុរសប៉ងចង់រៀបការ និង សាងអនាគតជាមួយគ្នាគឺជាមនុស្សស្រីដែលមានតម្លៃបំផុតក្នុងជីវិតរបស់ពួកគេ។ យ៉ាងណាមិញ មិនមែនគ្រប់អាពាហ៍ពិពាហ៍សុទ្ធតែផ្ដល់នូវក្ដីសុខពិតដល់ពួកគេនោះទេ។

ក្ដីសុខពិតរបស់មនុស្សប្រុសគឺរកបាននារីម្នាក់ដែលមានលក្ខណៈសម្បត្តិទាំង ៦ នេះ ដែលពួកគេអាចចាត់ទុកនាងថាជា "ឧត្ដមភរិយា" យ៉ាងពិតប្រាកដ៖

រូបតំណាង

**១. ផ្ដល់សិទ្ធសេរីភាពឲ្យស្វាមី៖** សម្រាប់បុរសសិទ្ធសេរីភាពជារឿងសំខាន់។ ដូច្នេះក្នុងនាមស្វាមី បុរសទាមទារឲ្យអ្នកចេះគោរពនូវសេរីភាព និង ពេលវេលាផ្ទាល់ខ្លួនរបស់គេខ្លះ ដោយគ្មានការបិទសិទ្ធ ឬ ទាមទារចង់ឲ្យគេកំដរអ្នកគ្រប់ពេលវេលានោះឡើយ។

២. ចេះចាត់ចែងការងារផ្ទះ៖ បើអ្នកជាមនុស្សស្រីសំណាងខ្លាំង អ្នកអាចនឹងជួបស្វាមីដែលជួយចាត់ចែង និងរៀបចំកិច្ចការនៅផ្ទះជំនួសអ្នក។ តែគួរឲ្យស្ដាយ មនុស្សស្រីមួយចំនួនធំតែងត្រូវទទួលរងបន្ទុកមួយនេះ។ ដូច្នេះ វាគ្មានអ្វីខាតនោះទេ បើអ្នកអាចចេះរឿងអស់ទាំងនេះក្នុងខ្លួន ព្រោះវាជាចំណុចមួយដែលបុរសៗឲ្យតម្លៃខ្លាំងដោយមិនបាច់និយាយក៏ដឹង។

រូបតំណាង

៣. ចេះបង្ហាញអារម្មណ៍ក្នុងចិត្ត៖ រៀបការហើយមិនមែនបានន័យថាអ្នកគួរបញ្ឈប់នូវការបង្ហាញភាពផ្អែមល្ហែមចំពោះស្វាមីនោះទេ។ យូរៗម្ដង អ្នកគួរធ្វើម្ហូប ឬ ទិញរបស់ដែលស្វាមីអ្នកស្រឡាញ់ពេញចិត្តដើម្បីជាកាដូលើកទឹកចិត្ត ព្រមទាំងជាការបង្ហាញនូវក្ដីស្រឡាញ់ និង ការយកចិត្តទុកដាក់ចំពោះគាត់ផងដែរ។

៤. មានចិត្តស្មោះត្រង់៖ នៅក្នុងជីវិតប្ដីប្រពន្ធ ភាពស្មោះត្រង់គឺជារឿងចាំបាច់បំផុត។ ភាគីទាំងសងខាងដាច់ខាតមិនត្រូវភូតភរកុហក ឬ លាក់បាំងគ្នាឡើយ។ ពិសេសជាងនេះទៅទៀត អ្នកទាំងពីរត្រូវមានចិត្តស្មោះនឹងគ្នា គ្មានចិត្តវៀចវេរ លួចមានអ្នកទី ៣ជាដាច់ខាត។

រូបតំណាង

៥. ចេះសម្របខ្លួនតាមស្វាមី៖ ជាធម្មតា ការរស់នៅរួមគ្នាលក្ខណៈគូ ជានិច្ចកាលតែងជួបប្រទះនូវការឈ្លោះប្រកែក ឬ ការទាល់ទែងយោបល់គ្នាជាដើម។ យ៉ាងណាមិញ ពេលជួបរឿងទាំងអស់នេះ ភាគីទាំងពីរគួរចៀសវាងការដោះស្រាយដោយប្រើអារម្មណ៍ ហើយព្យាយាមសម្របតាមគ្នាទៅវិញទៅមកទើបជាការប្រសើរ។

៦. មានការគិតវិជ្ជមាន៖ មនុស្សស្រីដែលមានគំនិតវិជ្ជមានច្រើនទទួលបានជោគជ័យទាំងជីវិតការងារ និង គ្រួសារ។ ត្រឹមចំណុចតូចៗដែលអ្នកធ្វើ តួយ៉ាងដូចជាការគិតរឿងល្អៗ ធ្វើរឿងល្អៗ មានចិត្តទូលាយ ចេះយកអាសាអ្នកដទៃ និង គិតគូដល់សុខទុក្ខគេឯង គឺសុទ្ធសឹងជាលក្ខណៈសម្បត្ដិដែលធ្វើឲ្យស្វាមីអបអរ និង ពេញចិត្តណាស់ទៅហើយ៕