សង្ហាយ៉ាងនេះ តិចច្រឡំថាតារាប្រុសមកពីណាទៅ តាមការពិតជាជាងផាត់មុខរបស់ Dilraba សោះ

2020-05-28 03:35:00
ចំនួនមតិ 0 | ចំនួនចែករំលែក 0

កម្រងរូបភាពរបស់អ្នកតុបតែងមុខនៃកំពូលតារាសម្ដែងស្រីចិន Dilraba កំពុងល្បីយ៉ាងកក្រើកនៅលើបណ្ដាញសង្គម ដោយសារតែរូបសម្បត្តិដ៏ស្រស់សង្ហារបស់លោក។

និយាយពីសម្រស់របស់តារាស្រីកើតក្រោយឆ្នាំ ១៩៩០ គឺមិនអាចរំលងតារាសម្ដែងស្រីកំពុងឡើងកូដ Dilraba ឡើយ។ នៅក្នុងប្រទេសចិន មិនថាទីក្រុងតូចធំណាឡើយ គឺតែងប្រទះឃើញប៉ាណូពាណិជ្ជកម្មរបស់ស្រីស្អាតវ័យ ២៨ឆ្នាំទាំងអស់។ រូបភាពមួយណាដែលត្រូវបានបង្ហោះដោយម្ចាស់សាមីខ្លួនលើបណ្ដាញសង្គម គឺតែងទាក់ទាញទស្សនិកជនជាច្រើន។

យ៉ាងណាក្ដី មុននេះបន្តិច រូបភាពដែលកំពុងបង្កការចាប់អារម្មណ៍លើបណ្ដាញសង្គម Weibo គឺមិនមែនតួរឿង និស្ស័យស្នេហ៍ទេវតា៣ជាតិនោះទេ តែគឺជាបុគ្គលិករបស់នាង។ តាមនោះដែរ អ្នកដែលកំពុងល្បីផ្ទុះលើអ៊ីនធឺណិតនោះគឺ ជាងផាត់មុខរបស់ Dilraba ឈ្មោះ Zhang Jian។ ប្រុសស្អាតវ័យ ៣០ឆ្នាំខាងលើ មានអ្នកគាំទ្រ២សែននាក់ និងតែងមានវត្តមានជាប់ជាមួយ Dilraba មិនដែលឃ្លាត។

ដើមឡើយ អ្នកគាំទ្រសង្ស័យស្មានតែ ស្រីស្អាតខាងលើកំពុងមានស្នេហាជាមួយតារាប្រុសរូបណា តែពួកគេបានភ្ញាក់ព្រើតនៅពេលដឹងថា នេះគឺជាជាងផាត់មុខរបស់នាង។ រូបសម្បត្តិរបស់ប្រុសស្អាតកើតឆ្នាំ ១៩៩០ គឺមិនចាញ់សិល្បៈករនោះឡើយ ដោយមានកម្ពស់ ១,៨០ម និងច្រមុះខ្ពស់ខ្លាំង។