ទម្លាប់ប្រើទូរសព្ទទាំង ៥ របៀបនេះងាយធ្វើឲ្យទំនាក់ទំនងស្នេហាងាយប្រេះឆាណាស់

2020-05-28 02:15:00
ចំនួនមតិ 0 | ចំនួនចែករំលែក 0

នាពេលបច្ចុប្បន្ននេះ មនុស្សសឹងតែគ្រប់គ្នាប្រើប្រាស់ទូរសព្ទដៃទំនើប។ ទូរសព្ទដៃទំនើបមានតួនាទីច្រើនសម្រាប់អ្នក ជាធម្មតា មនុស្សម្នាក់ប្រើទូរសព្ទដៃជាមធ្យមប្រហែលជា លើស ៤ ម៉ោងក្នុងមួយថ្ងៃ។ ហេតុដូចនេះហើយ ទម្លាប់នៃការប្រើទូរសព្ទដៃខុសពេលវេលាអាចបំផ្លាញទំនាក់ទំនងស្នេហារបស់អ្នកបានយ៉ាងងាយតាមរយៈចំណុចទាំងនេះរួមមាន៖

រូបតំណាង

**១. មិនបង្ហាញពីអ្វីធ្វើឲ្យអ្នកញញឹមដាក់លើទូរសព្ទ**

វាពិតជាមិនសមមែននៅពេលដែលដៃគូរបស់អ្នកទៀតនៅក្បែរអ្នក តែបែរជាញញឹមដាក់ទូរសព្ទតែម្នាក់ឯងដោយមិនបានចែករំលែកអ្នកឲ្យដឹងផង។ ស្ថិតក្នុងស្ថានការណ៍នេះដៃគូម្ខាងទៀតអាចមានអារម្មណ៍មិនល្អ ពោលគឺប្រចណ្ឌតែម្តង។

រូបតំណាង

២. តែងតែកាន់ទូរសព្ទដៃសឹងគ្រប់ពេល

ការកាន់ទូរសព្ទដៃជាមួយខ្លួនឯងរហូតគឺអាចមានផលប៉ះពាល់ពីរ។ ទីមួយ ដៃគូរបស់អ្នកអាចកើតក្តីសង្ស័យលើរូបអ្នកដោយគិតថាអ្នកប្រាកដជាមានអ្វីលាក់បាំងហើយមើលទៅ និងមួយទៀត ដៃគូអ្នកនិងរូបអ្នកមិនមានពេលនៅក្បែរគ្នាគ្រប់គ្រាន់ព្រោះអ្នករវល់តែចូលមើលសារដែលគេផ្ញើមកដូចជា Facebook ឬ Instagram ជាដើម។

រូបតំណាង

៣. ការចេះតែចង់ចូលមើលសារជូនដំណឹងលើទូរសព្ទដៃ

សារជូនដំណឹងឬ Notification គឺមានមិនចេះចប់មិនចេះហើយនៅលើទូរសព្ទដៃរបស់អ្នក ប្រសិនបើអ្នកមិនចូលមើលទេ អ្នកអាចនឹងខកខានរឿងអ្វីមួយ។ ទោះបីជាយ៉ាងណាក៏ដោយ សូមព្យាយាមប្រើពេលវេលាឲ្យបានត្រឹមត្រូវពេលនៅជាមួយមនុស្សជាទីស្រឡាញ់របស់អ្នក។

រូបតំណាង

៤. តបសារ Email អំឡុងពេលក្រៅម៉ោងការងារ

អ្នកនិងដៃគូរបស់អ្នកប្រហែលជាមានការងាររវល់រៀងៗខ្លួន។ មនុស្សម្នាក់មានការងារតួនាទីខុសៗគ្នាអ្នកមិនអាចទៅវាស់ស្ទង់ពីទំហំការងាររបស់នរណាម្នាក់ឡើយ ។ ដូច្នេះប្រសិនបើអ្នកតបសារ Email ឬ Call គិតថាជារឿងធម្មតាសម្រាប់អ្នក ចុះដៃគូអ្នកនឹងគិតយ៉ាងណាស្របពេលដែលអ្នកនៅជាមួយគ្នា?

រូបតំណាង

៥. ប្រើទូរសព្ទអំឡុងពេលទទួលទានអាហារពេលល្ងាច

ជីវិតសែនមមាញឹកក្នុងពិភពលោកបច្ចុប្បន្ននេះ ព្រោះតែការងាររវល់ទើបធ្វើឲ្យអ្នកមិនមានពេលសឹងចម្អិនអាហារខ្លួនឯងញុំា។ សម្រាប់ការទទួលទានអាហារពេលល្ងាចជុំគ្រួសារគឺជារឿងមួយដ៏ល្អសម្រាប់គូស្នេហ៍ ដូច្នេះចូរអ្នកកុំព្យាយាមចុចទូរសព្ទដៃអំឡុងពេលទទួលទានអាហារ ព្រោះវាអាចរំខានអារម្មណ៍ដៃគូរបស់អ្នកម្ខាងទៀត។

ចុចអានបន្ត៖

ថ្ងៃណាត់ជួបបុរសដំបូងមិនគួរធ្វើ ៥ យ៉ាងនេះ ចៀសវាងគេនិយាយដើម

ប្រភព៖ Brightside ប្រែសម្រួល៖ សុវណ្ណ ស្រីពីន