វិធីសង្កេតដឹងដោយខ្លួនឯងថា តម្រងនោមអ្នកកំពុងមានសុខភាពល្អហើយ
- 2020-05-27 09:05:00
- ចំនួនមតិ 0 | ចំនួនចែករំលែក 0
វិធីសង្កេតដឹងដោយខ្លួនឯងថា តម្រងនោមអ្នកកំពុងមានសុខភាពល្អហើយ
តម្រងនោមជាផ្នែកមួយសំខាន់របស់មនុស្ស ដូច្នេះបើវាមានបញ្ហានោះពិតជាទាក់ទងខ្លាំងណាស់ទៅនឹងការបញ្ចេញចោលរបស់អ្នក។ ម្ល៉ោះហើយ ចៀសវាងខ្ទប់នោមយូរពេក ព្រោះនឹងបណ្តាលឲ្យតម្រងនោមខូចបាន។ ខាងក្រោមនេះ អ្នកអាចសង្កេតដឹងដោយខ្លួនឯងបានថា តម្រងនោមអ្នកកំពុងមានសុខភាពល្អ។
១. មិនភ្ញាក់ទាំងកណ្ដាលយប់រត់ចូលបន្ទប់ទឹក
អ្នកដែលមានមុខងារតម្រងនោមខ្សោយ ជាញឹកញាប់ភ្ញាក់នៅពេលយប់ ដោយសារតែទឹកដែលពួកគេផឹក គ្មានវិធីអាចស្រូបចូលរាងកាយបាន។ ម្ល៉ោះហើយ មានតែអាចបញ្ចេញចោលបានតាមរយៈទម្រង់ជាទឹកនោម។ ដូចនេះ បើសិនអ្នកតែងភ្ញាក់នៅកណ្តាលយប់ ដើម្បីបត់ជើងតូច នោះជាសញ្ញាព្រមានមួយហើយ។
ផ្ទុយមកវិញ មនុស្សដែលមានសុខភាពតម្រងនោមធម្មតា ទោះមុនចូលគេងពួកគេបានផឹកទឹកយ៉ាងណា ក៏មិនងាយភ្ញាក់កណ្តាលយប់ព្រោះរឿងបត់ជើងតូចនោះដែរ។ ដោយសារប្រព័ន្ធមេតាបូលីសឹមបានបំពេញគ្រប់គ្រាន់ ព្រមទាំងការពារអ្នកមិនឲ្យងាយភ្ញាក់កណ្តាលយប់ និងគេងបានស្កប់ស្កល់។
២. មិនបែកញើស
ពេលអាកាសធាតុក្តៅ ជាធម្មតាមនុស្សតែងតែបែកញើសដើម្បីបញ្ចេញជាតិពុល និងរក្សាសីតុណ្ហភាពក្នុងរាងកាយ។ ប៉ុន្តែបើសិន សូម្បីក្នុងបរិយាកាសត្រជាក់ ក៏នៅតែបែកញើស ពិសេសអំឡុងពេលគេងយប់ នោះចង្អុលបង្ហាញថា មុខងារតម្រងនោមអ្នក មិនប្រក្រតីហើយ។ យោងតាមទ្រឹស្តីបុរាណរបស់ជនជាតិចិន ការបែកញើសពេលយប់ជាញឹកញាប់ ច្រើនតែបង្ហាញពីផលអវិជ្ជមាននៃតម្រងនោម។
ប៉ុន្តែ បើសិនតម្រងនោមអ្នកប្រក្រតី នោះគ្មានការបែកញើសនៅពេលយប់ឡើយ ចំណែកដំណេកវិញក៏លង់លក់បានស្រួលផងដែរ។
៣. កម្ដៅលើបាតដៃនិងជើង ឧណ្ឌៗ
ជាការពិត ដៃនិងជើងរបស់យើងគ្រប់គ្នាមានចម្ងាយឆ្ងាយពីប្រព័ន្ធតម្រងនោមណាស់។ ហេតុនេះ នៅពេលតម្រងនោមមានសុខភាពល្អ វានឹងបញ្ចេញកម្តៅឧណ្ឌៗគ្រប់គ្រាន់តាមរយៈបាតដៃ និងជើង ដែលធ្វើឲ្យអ្នកមានអារម្មណ៍ថា ងាយប៉ះវត្ថុផ្សេងៗដោយសារវាមិនស្អិតញើស។
ចំណែកមនុស្សដែលមានមុខងារតម្រងនោមមិនសូវល្អ ឧស្ម័នឈាមមិនអាចឈានទៅដល់ដៃនិងជើងគេបានឡើយ ហើយជានិច្ចជាកាលតែងតែត្រជាក់ ពិសេសនៅពេលយប់ ។ បើមានសញ្ញាបែបនេះ គួរប្រញាប់ទៅពិភាក្សាជាមួយគ្រូពេទ្យ ជាការល្អ៕
អានបន្ត៖ ឧស្សាហ៍ញ៉ាំគ្រាប់ផ្កាឈូករ័ត្ន តិចអត់ដឹងពីគុណប្រយោជន៍របស់ធញ្ញជាតិមួយនេះ