ចង់ក្លាយជាអ្នកមាន ត្រូវតែកំណាញ់ម៉ៅស្វិតរឿងពីរយ៉ាង
- 2020-05-21 02:30:00
- ចំនួនមតិ 0 | ចំនួនចែករំលែក 0
ចង់ក្លាយជាអ្នកមាន ត្រូវតែកំណាញ់ម៉ៅស្វិតរឿងពីរយ៉ាង
អ្នកមានចូលចិត្តកំណាញ់រឿង២យ៉ាងនេះ ហើយអ្នកក្រច្រើនតែមិនដឹង។ ពេលខ្លះ ពួកគេថែម ទាំងយល់ច្រឡំទៀតផង។ ដូច្នេះ បើចង់ក្លាយជាអ្នកមាន អ្នកគួរដឹងរឿង២យ៉ាងនេះ ដែលអ្នកសម្បូរទ្រព្យច្រើនតែកំណាញ់ម៉ៅស្វិតជានិច្ច។
១. កំណាញ់នឹងរឿងខ្ចីលុយ
អ្នកមានតែងពូកែរៀបចំលុយកាក់។ អ្នកមានសម្បូរលុយ ដូច្នេះអ្នកខ្លះគិតចង់ខ្ចីលុយពីគេព្រោះយល់ថាងាយស្រួល តែអ្នកកំពុងគិតខុសហើយ។ អ្នកមាន តែងចូលចិត្តយកសុភាសិតមួយឃ្លាមកដាក់ចំមុខថា៖ "បើអ្នកហ៊ានឲ្យលុយមិត្តភក្កិខ្ចី ថ្ងៃក្រោយបើគេមិនសងអ្នកបាត់លុយហើយ មានសត្រូវទៀត"។ បញ្ហាលុយកាក់តែងជារឿងចាំបាច់។ ម្ល៉ោះហើយ អ្នកមានពិតប្រាកដមួយចំនួនមិនសូវអួតទ្រព្យសម្បត្តិគេទៅអ្នកដទៃផ្តេសផ្តាសឡើយ។ ពួកគេចូលចិត្តយកប្រាក់ទៅវិនិយោគ ដើម្បីបង្កើតប្រាក់បន្ថែម រកចំណូល និងដើម្បីទុកបរិច្ចាគសម្រាប់ការងារសប្បុរសធម៌។ ប៉ុន្តែពួកគេចៀសវាងរាល់ការខ្វីលុយទាំងឡាយណាដែលពាក់ព័ន្ធនឹងការដឹងគុណ។ ក្នុងគំនិតរបស់ពួកគេ ប្រើប្រាស់លុយ ដើម្បីបានលុយនេះជាធម្មជាតិ តែបើប្រើប្រាស់លុយដើម្បីផ្លាស់ប្ដូរអត្ថន័យ នោះច្បាស់ជាបាត់បង់ទាំងពីរ។
២. កំណាញ់លើពេលវេលា
អ្នកមាន តែងតែម៉ត់ចត់លើពេលវេលា។ បើបុគ្គលអ្នកមានទ្រព្យនោះឲ្យតម្លៃពេលវេលាខ្លាំង គេតែងកំណត់ពេលវេលាជាក់លាក់ ដោយកំណត់តាំងពីព្រឹករហូតដល់យប់។ ទន្ទឹមនឹងនោះ ពួកគេដឹងពីរបៀបគ្រប់គ្រងការងារ ហើយមិនខ្វល់ច្រើនលើរឿងតូចតាចទេ។ អ្នកមានទ្រព្យ តែងទុកពេលវេលាជាមាសប្រាក់ជានិច្ច។ដូច្នេះ ពួកគេជឿថាពេលវេលា អាចធ្វើឲ្យពួកគេក្លាយជាអ្នកមានបាន។
ម្ល៉ោះហើយ ទស្សនៈដែលថា អ្នកមានច្រើនតែខ្ជិលច្រអូស ចាយលុយដូចក្រដាស គឺមិនត្រឹមត្រូវឡើយ។ ក្នុងនោះអ្នកមានមួយចំនួន នៅតែស្លៀកខោអាវតម្លៃធម្មតា ប្រើសម្ភារៈដែលផលិតក្នុងស្រុក ដែលមើលទៅជីវិតគេពិតជាសាមញ្ញខ្លាំងណាស់។
អ្នកដែលមិនយល់នឹងគិតថា ពួកគេអីក៏ម៉ៅស្វិតម្ល៉េះ ប៉ុន្តែតាមពិតទៅ នោះជាការយល់ច្រឡំទៅវិញទេ។ កាន់តែបង្ហាញ កាន់តែអូតពីមាសប្រាក់នោះមិនហៅថា អ្នកមានឡើយ៕
ចុចអាន៖ ពាក្យ ៥ម៉ាត់ជនជាតិចិនច្រើនបង្រៀនកូនមិនឲ្យនិយាយ ព្រោះកាន់តែនិយាយកាន់តែក្