គេងលក់ស្រួលដោយអាហារងាយរកប៉ុន្មានមុខនេះ សម្រាប់ស្រ្តីមានផ្ទៃពោះ
- 2020-05-20 02:55:00
- ចំនួនមតិ 0 | ចំនួនចែករំលែក 0
គេងលក់ស្រួលដោយអាហារងាយរកប៉ុន្មានមុខនេះ សម្រាប់ស្រ្តីមានផ្ទៃពោះ
ការគេងមិនលក់ ជាបញ្ហាដែលស្រ្តីមានផ្ទៃពោះជាច្រើនជួបប្រទះ។ បម្រែបម្រួលអរម៉ូន និងក្តីបារម្ភបង្កើតភាពលំបាកដល់ស្រ្តីមានផ្ទៃពោះអំឡុងពេលគេង ជាហេតុធ្វើឲ្យអ្នកម្តាយឆាប់អស់កម្លាំង មិនផាសុកភាព និងមិនអាចផ្តល់ថាមពលគ្រប់គ្រាន់សម្រាប់រាងកាយនិងទារកផងដែរ។
ម្ល៉ោះហើយ ការគេងពិតជាសំខាន់ណាស់ និងរឹតតែសំខាន់ទ្វេដងចំពោះស្រ្តីមានផ្ទៃពោះ។ ដើម្បីគេងលក់ស្រួល អ្នកម្តាយគួរស្វះស្វែងរកអាហារដែលជំនួយ និងមិនគួរព្រួយបារម្ភច្រើនពេកទ ព្រោះនេះក៏ជាកត្តាធ្វើឲ្យគេងមិនលក់ផងដែរ។
១. ចេក
ចេកផ្ទុកនូវវីតាមីន និងមានប្រសិទ្ធភាពលើការបញ្ចេញថាមពល។ ញ៉ាំចេកទុំនៅពេលល្ងាច នឹងជួយអ្នកម្តាយមានអារម្មណ៍ធូរស្រាល និងគេងលក់ស្រួល។ យ៉ាងណាក៏ដោយ កុំទទួលទានច្រើនពេក ព្រោះចេកសម្បូរជាតិប៉ូតាស្បូមខ្ពស់ ដែលងាយប៉ះពាល់ដល់តម្រងនោមខ្លាំងណាស់។
២. ឃ្លោក
វាផ្តល់គុណសម្បត្តិដ៏អស្ចារ្យ ដែលជាអាហារជួយឲ្យគេងលក់ស្រួល។ អ្នកអាចយកវាទៅចំហុយ ឬស្ងោរជាមួយបង្គាក៏បាន ដែលបង្កើនរសជាតិឆ្ងាញ់ទាំងទារកនិងអ្នកម្តាយ។លើសពីនេះ សម្រាប់ស្រ្តីមានផ្ទៃពោះ វាជួយសម្រាលដល់រាងកាយ ល្អដល់ការលូតលាស់ទារកនៅពេលពពោះដំបូងៗផងដែរ។
៣. គ្រាប់ Oat
ជាគ្រាប់ធញ្ញជាតិមួយប្រភេទដែលល្អចំពោះប្រព័ន្ធរំលាយអាហារ និងប្រព័ន្ធប្រសាទផងដែរ។ បើសិនអ្នកម្តាយឧស្សាហ៍ញ៉ាំគ្រាប់ធញ្ញជាតិនេះឲ្យបានទៀងទាត់ វានឹងជូយឲ្យរឹងមាំ គេងឆាប់លក់ និងធ្វើឲ្យរាងកាយមានសុខភាពល្អបរិបូរណ៍។
៤. សាឡាត់
បន្លែស្លឹកនេះពិតជាផ្តល់គុណប្រយោជន៍ច្រើនណាស់។ ប្រសិទ្ធភាពកាន់តែខ្លាំងនោះ គឺអ្នកត្រូវយកសាឡាត់ទៅកិនឲ្យម៉ត់លាយជាមួយទឹក ទុកផឹកតែម្តងល្អជាង។ ការផឹកទឹកសាឡាត់ នឹងជួយឲ្យប្រព័ន្ធប្រសាទដំណើរការល្អ ។ ម្យ៉ាងវាជាបន្លែស្លឹកពណ៌បៃតងដែលមានជីវជាតិ ដូច្នេះអ្នកម្តាយគួរហូបឲ្យបានច្រើនអំឡុងពេលមានផ្ទៃពោះ ព្រោះវាជួយដល់ចរន្តឈាម និងពង្រឹងប្រព័ន្ធភាពស៊ាំថែមទៀត។
៥. ទឹកឃ្មុំ
ជួយឲ្យស្រ្តីមានផ្ទៃពោះគេងលក់សុបិនល្អ ព្រមទាំងជួយឲ្យប្រព័ន្ធប្រសាទ និងមិនសូវឲ្យស្រ្តីមានផ្ទៃពោះគិតច្រើនក្នុងអំឡុងពេលនេះ។ យ៉ាងណាក៏ដោយ អ្នកម្ដាយមិនគួរផឹកទឹកឃ្មុំច្រើនទេ ព្រោះវាសម្បូរជាតិស្ករខ្ពស់ ម្ល៉ោះហើយអ្នកត្រូវញ៉ាំក្នុងបរិមាណតិច ទើបល្អចំពោះសុខភាព៕
អានបន្ត៖ អ្នកកំពុងមានបំណងចង់បានកូន តែនៅបរិភោគអាហារទាំងនេះ គ្មានថ្ងៃរកបានឡើយ