ជ្រើសរើសប្រទាលណាមួយ ដើម្បីដឹងថាហេតុអ្វីបានជាអ្នកមានភាពទន់ខ្សោយ
- 2020-05-19 07:00:00
- ចំនួនមតិ 0 | ចំនួនចែករំលែក 0
ជ្រើសរើសប្រទាលណាមួយ ដើម្បីដឹងថាហេតុអ្វីបានជាអ្នកមានភាពទន់ខ្សោយ
ជីវិតរបស់មនុស្សម្នាក់ៗតែងមានជួបរឿងជូរចត់ ភាពកំសត់ ភាពសប្បាយរីករាយលាយឡំជាមួយក្តីសុខនិងទុក្ខ។ គ្មាននរណាម្នាក់មិនធ្លាប់កើតទុក្ខនិងជួបប្រទះភាពទន់ខ្សោយនៅក្នុងជីវិតប្រចាំថ្ងៃនោះទេ គ្រាន់តែអ្នកខ្លះមានតិចហើយអ្នកខ្លះមានច្រើនប៉ុណ្ណោះ។ ដូច្នោះហើយ តើចង់ដឹងថាមូលហេតុអ្វីបានជាអ្នកមានភាពទន់ខ្សោយដែរឬទេ? អ្នកអាចជ្រើសរើសរូបប្រទាលណាមួយក្នុងចំណោមរូបទំាង ៤ នៅខាងក្រោមបាន។ បន្ទាប់ពីជ្រើសរើសរួចហើយ ចូរអ្នកមកដឹងអត្ថន័យនៅក្នុងអត្ថបទផ្នែកខាងក្រោមរួមមាន៖
បើអ្នកជ្រើសរើសប្រទាលទី ១
នាពេលបច្ចុប្បន្ននេះ អ្នកហាក់បីជាបានគ្របដណ្តប់ដោយការងារច្រើន។ អ្នកទំនងជាពុំមានអារម្មណ៍នៃការទទួលបានសមិទ្ធផលការងារ មានអារម្មណ៍ថាអ្នកមិនទាន់ធ្វើឲ្យមានការរីកចម្រើនក្នុងរយៈពេលខ្លីនេះហើយក៏បាត់បង់ភាពរីករាយនៃការងារហើយក៏នំាឲ្យអ្នកអស់ថាមពលនៃការងារនោះ។ អ្នកគប្បីចាកចេញពីកន្លែងដែលមានភាពស្រណុកស្រួលហើយត្រូវរកកន្លែងថ្មីដែលមានភាពប្រកួតប្រជែងសម្រាប់ខ្លួនឯងជាថ្មី។
បើអ្នកជ្រើសរើសប្រទាលទី ២
សម្រាប់អ្នកជ្រើសរើសរូបទី ២វិញ អ្នកមានបញ្ហាដោយសារការស្រឡាញ់អស់រយៈពេលយូរមកហើយ។ តើអ្នកមានដែលចំណាយពេលលើដទៃច្រើនពេកទេដោយចង់ដឹងថាគេស្រឡាញ់អ្នកវិញប៉ុនណា? តើអ្នកគិតចំពោះខ្លួនឯងច្រើនប៉ុនណាដែរ? ទំាងនេះហើយដែលអ្នកទុកនៅក្នុងខ្លួនឯងមិនមានពេលដោះស្រាយ។ ដូច្នោះអ្នកត្រូវដោះស្រាយបញ្ហានេះដោយធ្វើឲ្យខ្លួនឯងសប្បាយរីករាយ ថាជីវិតបែបណាដែលអ្នកគួរតែមាននិងស្រឡាញ់ខ្លួនឯងឲ្យបានច្រើនៗ។
បើអ្នកជ្រើសរើសប្រទាលទី ៣
ប្រសិនបើអ្នករើសយកប្រទាលទី ៣ វិញមានន័យថាអ្នកមានភាពច្របូកច្របល់ច្រើនអំពីរឿងអនាគត។ អ្នករស់នៅជាមួយភាពអន្ទះសារដោយគិតពីការវិវត្តនៅថ្ងៃខាងមុខពោរពេញដោយភាពច្របូកច្របល់និងមិនអាចចាប់កាន់ការងារអ្វីមួយនៅដៃហើយធ្វើឲ្យខ្លួនឯងមានសម្ពាធ។ ប៉ុន្តែការពិតនោះដរាបណាអ្នកចាប់ផ្តើមធ្វើរឿងគ្រប់យ៉ាងឲ្យល្អពីឥលូវនិងបំពេញនូវរឿងតូចតាចនោះនៅសុខៗអ្នកនឹងមើលឃើញផ្លូវទៅមុខជាបណ្តើរៗ។
បើអ្នកជ្រើសរើសប្រទាលទី ៤
បើអ្នករើសយកប្រទាលចុងក្រោយនេះមានន័យថា នាពេលបច្ចុប្បន្ននេះអ្នកត្រូវបានរំខានដោយរឿងខាងក្រៅ។ អ្នកមានរឿងមិនពេញចិត្តជាច្រើនចំពោះខ្លួនឯង។ អ្នកតែងគិតថា អ្នកដទៃល្អប្រសើរនិងស្រស់ស្អាតជាងខ្លួនអ្នកជានិច្ច។ អ្នកគិតថាខ្លួនឯងមានរូបរាងមិនស្រស់ស្អាតនិងការកែកុនបន្ថែមគឺស្រស់ស្អាតជាង។ តែធាតុពិត អ្នកមានភាពស្រស់ស្អាតរួចទៅហើយ។ ដូច្នោះ អ្នកត្រូវបង្ហាញភាពស្រស់ស្អាតបែបធម្មជាតិឲ្យអ្នកដទៃឃើញ។
តើអ្នកមានចំណុចណាដែលដូចទៅនឹងការរៀបរាប់ខាងលើដែរឬទេ? បើមានកុំភ្លេចចូលខមមិននៅខាងក្រោមអត្ថបទផងណា៎!
ចុចអានបន្ត៖
ហត់នឿយមកយូរហើយ ចង់ដឹងថ្ងៃខាងមុខអ្នកជួបក្តីសុខកម្រិតណា សាករើសកាបូបមួយ