អ្នកកំពុងមានបំណងចង់បានកូន តែនៅបរិភោគអាហារទាំងនេះ គ្មានថ្ងៃរកបានឡើយ
- 2020-05-18 04:10:00
- ចំនួនមតិ 0 | ចំនួនចែករំលែក 0
អ្នកកំពុងមានបំណងចង់បានកូន តែនៅបរិភោគអាហារទាំងនេះ គ្មានថ្ងៃរកបានឡើយ
ក្រៅពីទម្លាប់រស់នៅប្រចាំថ្ងៃ ប្រភេទអាហារមួយចំនួនក៏ធ្វើឲ្យប៉ះពាល់ដល់គុណភាពនៃមេជីវិតដូចគ្នា។ សម្រាប់គូស្វាមីទាំងអស់ដែលកំពុងមានបំណងយកបុត្រតែមិនបាន អាចពិនិត្យថាតើអ្នកមានទទួលទានប្រភេទអាហារនេះឬអត់។
**១. អាហារកំប៉ុង**
គ្រឿងអាហារកំប៉ុងអាចរក្សាបានយូរដោយមិនខ្លាចខូច ព្រោះវាផ្ទុកជាតិការពារអាហារច្រើន។ សារជាតិការពារអារហារកុំឲ្យខូចផ្អូមនេះគឺមានផលអវិជ្ជមានសម្រាប់មេជីវិត។ បន្ថែមពីនេះ អាហារទាំងអស់ដែលផ្ទុកក្នុងកំប៉ុងសុទ្ធតែមានផ្ទុក BPA ដែលជាធាតុប្រើសម្រាប់បង្កើតប្លាស្ទិក ដែលអាចធ្វើឲ្យគុណភាពនៃមេជីវិតធ្លាក់ចុះជាខ្លាំង។
២. គ្រឿងក្នុងសត្វ
គ្រឿងក្នុងរបស់សត្វមួយចំនួនដូចជាជ្រូក គោ ពពែ មានផ្ទុក Cadimium ច្រើនដែលជាសាធាតុម្យ៉ាងអាចសម្លាប់មេជីវិតបាន។ សម្រាប់អ្នកឧស្សាហ៍ទទួលទានគ្រឿងក្នុងសត្វទាំងអស់នេះ អាចប្រឈមមុខនឹងការអត់មេជីវិតដល់ទៅ ៦០%។
៣. គ្រឿងស្រវឹង
សុរាមិនត្រឹមតែបំផ្លាញថ្លើម និងក្រលៀននោះទេ វាក៏ជាមូលហេតុដែលធ្វើឲ្យបុរសគ្មានមេជីវិតដូចគ្នា។ យោងតាមការពិសោធន៍ ជាតិស្រវឹងនឹងកាត់បន្ថយអត្រា testosterone និងបង្កើនអត្រា oestrogen នៅក្នុងរាងកាយរបស់បុរសភេទ។ ការបន្តផឹកគ្រឿងស្រវឹងក្នុងរយៈពេលវែងនឹងធ្វើឲ្យមេជីវិតទៅជារាវ ឬខ្សោយ។
៤. គ្រឿងផ្អែម និងទឹកក្រូច
នំ ស្ករគ្រាប់ និងទឹកក្រូចដែលមានជាតិស្ករមិនត្រឹមតែបន្ថយចំនួនមេជីវិតនោះ វាក៏ធ្វើឲ្យមេជីវិតចុះខ្សោយផងដែរ។ មនុស្សដែលឧស្សាហ៍ទទួលទានគ្រឿងទាំងនេះ នឹងមានមេជីវិតតិចជាងអ្នកធម្មតាចំនួន ៣០%។
៥. សណ្ដែក
ម្ហូបអាហារធ្វើពីសណ្ដែកដូចជា ទឹកសណ្ដែង តៅហ៊ូ មានសារជាតិ oestrogen ជាច្រើន។ សាធាតុនេះនឹងធ្វើឲ្យជ្រួលច្របល់សកម្មភាពផ្លូវភេទរបស់បុរស។ ការពិសោធន៍បង្ហាញឲ្យឃើញថា អ្នកដែលទទួលទានសណ្ដែកពី ៣ខែ ទៅ៦ខែជាប់គ្នានឹងមានអត្រាមេជីវិតធ្លាក់ចុះចំនួន ៣២%៕
អានបន្ត៖ លែងបារម្ភធាត់ជ្រុលពេលកំពុងពពោះ ហើយទារកកើតមកនៅតែត្រូវតាមស្តង់ដា ដោយដំបូន្មាន៣យ៉ាងពីគ្រូពេទ្យ