អាហារ ៨ ប្រភេទ ជួយរក្សាស្បែកឲ្យនៅតែភ្លឺស្រស់ថ្លា ទោះគេងមិនបានគ្រប់ក៏ដោយ
- 2020-05-05 09:00:00
- ចំនួនមតិ 0 | ចំនួនចែករំលែក 0
អាហារ ៨ ប្រភេទ ជួយរក្សាស្បែកឲ្យនៅតែភ្លឺស្រស់ថ្លា ទោះគេងមិនបានគ្រប់ក៏ដោយ
រ៉ាឌីកាល់សេរីនៅក្នុងខ្លួនរបស់អ្នក បង្កមកពីទម្លាប់នៃការញ៉ាំអាហារមានជាតិខ្លាញ់និងជាតិស្ករខ្ពស់ ដែលអាចប៉ះពាល់ទាំងរាងកាយនិងស្បែក។ សម្រាប់អ្នកដែលធ្វើការហត់អស់កម្លាំង គេងមិនបានគ្រប់គ្រាន់ គួរញ៉ាំប្រភេទអាហារដែលមានសារធាតុប្រឆាំងអុកស៊ីតកម្មជាប្រចាំ ដើម្បីជំនួយដល់ស្បែកនិងរាងកាយឲ្យមានសុខភាពល្អ។ ប្រសិនបើអ្នកគេងពុំលក់ ឬគ្មានពេលគេងឲ្យបានគ្រប់ គួរបន្ថែមអាហារ ៨ ប្រភេទ នេះ ដើម្បីជួយការពារស្បែកឲ្យភ្លឺស្រស់ថ្លា មិនឆាប់យារធ្លាក់។
១. ប៉េងប៉ោះ
ប៉េងប៉ោះសម្បូរទៅដោយលីកូពីន មានសារធាតុប្រឆាំងអុកស៊ីតកម្មច្រើនជាងគេដល់ទៅ២០ដង មានវីតាមីន C ខ្ពស់ ដែលអាចជួយបណ្តេញជាតិពុល រំលាយជាតិខ្លាញ់នៅក្នុងរាយ និងធ្វើឲ្យស្បែកភ្លឺចែងចាំង។
២. ប៊្លូប៊េរី
ប៊្លូប៊េរីមិនត្រឹមតែអាចជួយការពារសុខភាពភ្នែកប៉ុណ្ណោះទេ វាថែមទាំងផ្ទុកនូវវីតាមីន C មានសារធាតុប្រឆាំងអុកស៊ីតកម្មធម្មជាតិ ដែលអាចប្រឆាំងនឹងរ៉ាឌីកាល់សេរី ជួយបន្តឹងស្បែក ការពារពីកាំរស្មីព្រះអាទិត្យ កាត់បន្ថយការឡើងស្នាមអុច ជួយឲ្យម៉ដ្ឋរលោង។
៣. ទំពាំងបាយជូរ
ទំពាំងបាយជូរសម្បូរសារធាតុម្យ៉ាងឈ្មោះថា Proanthocyanidin ដែលមានតួនាទីប្រឆាំងនឹងរ៉ាឌីកាល់សេរីនៅក្នុងរាងកាយ។ ទំពាំងបាយជូរមានពណ៌កាន់តែក្រមៅ វាកាន់តែមានប្រសិទ្ធភាពខ្ពស់។ ក្រោពីនេះ វាក៏អាចជួយសម្រួលដល់ដំណើរការនៃឈាម ការពារការកកស្ទះក្នុងសរសៃឈាម ជំងឺទឹកនោមផ្អែម និងធ្វើឲ្យស្បែកមានភាពរលាស់ ទន់រលោង ក្មេងជាងវ័យ។
៤. ម្ទេសប្លោក
ម្ទេសប្លោកផ្ទុកទៅដោយ បេតាការ៉ូទីន វីតាមីន C និងអាចការពារពីការឆ្លងបាក់តេរីផ្សេងៗ។ ជាពិសេសវាអាចជួយធ្វើឲ្យស្បែកភ្លឺថ្លា ពន្យារភាពចាស់ និងហានិភ័យពីការកើតជំងឺមហារីក។ លើសពីនេះទៅទៀត វាមានតួនាទីជួយឲ្យរាងកាយស្រស់ស្អាត ក្រចករឹងមាំ សក់ភ្លឺរលោង។ សម្រាប់ម្ទេសប្លោកពណ៌លឿង មានវីតាមីន C ច្រើនជាងពណ៌ដទៃ ដល់ទៅ៣ដង និងអាចរក្សាជាតិកូឡាជែន ធ្វើឲ្យស្បែកនៅក្មេងបានយូរ។
៥. តែបៃតង
តែបៃតងមានសារធាតុប្រឆាំងអុកស៊ីតកម្មច្រើនជាងតែធម្មតា។ Catechin ដែលមាននៅក្នុងតែបៃតង អាចជួយការពារការឈឺចុករោយ និងប្រឆាំងនឹងជំងឺមហារីក។ វាគឺជាធាតុផ្សំ ដែលគេនិយមយកប្រើប្រាស់ក្នុងផលិតផលថែរក្សាសម្ផស្សជាច្រើន ព្រោះតែបៃតង អាចជួយទប់ស្កាត់ភាពចាស់ និងធ្វើឲ្យស្បែកមានសុខភាពល្អ។
៦. គ្រាប់ធញ្ញជាតិ
គ្រាប់ធញ្ញជាតិ មានវីតាមីន E សេលេញ៉ូម អាស៊ីត n-3 អាចជួយទប់ស្កាត់នៃការកើតមហារីក និងស្ទះសរសៃឈាម។ វាគឺជាអាហារដ៏ល្អសម្រាប់កាត់បន្ថយភាពឃ្លាននៅពេលក្រពះទទេ ដោយពុំបាច់បារម្ភខ្លាចឡើងទម្ងន់ឬឈឺក្បាលនោះទេ។
៧. ខ្ទឹមបារាំង
ខ្ទឹមបារាំងសម្បូរ cystine និងអាចជួយពន្យារភាពចាស់បានយ៉ាងល្អ។
៨. ខ្ទឹមស
ខ្ទឹមសមានសារធាតុប្រឆាំងអុកស៊ីតោកម្ម អាលីស៊ីន (Allicin) ជួយបណ្តេញជាតិពុលចេញពីថ្លើម។ មិនតែប៉ុណ្ណោះ វាផ្ទុកទៅដោយសារធាតុសំខាន់ៗជាច្រើនទៀត ដែលអាចជួយប្រយុទ្ធនឹងកោសិកា ដែលនាំឲ្យអ្នកឆាប់ចាស់។ សម្រាប់អ្នកចូលគេងនៅយប់ជ្រៅពេក ឬគេងមិនបានគ្រប់គ្រាន់ គួរជ្រើសរើសបន្ថែមអាហារល្អៗដល់រាងកាយ ដើម្បីការពារទាំងសុខភាពនិងសម្រស់។ ទោះជាបែបនេះក្តី អ្នកក៏គួរព្យាយាមសម្រាកឲ្យបានគ្រប់គ្រាន់ មិនមែនពឹងផ្អែកលើការញ៉ាំតែមួយមុខឡើយ៕
ចុចអានបន្ត៖តិចនិកថែទាំក្រចកធ្វើឲ្យក្រចករឹង ដុះវែងក្រាស់ និងមិនងាយបាក់