តួរឿង កលល្បិចក្នុងរាជវាំងវគ្គ២ ចោលសិល្បៈទោះនៅល្បី និងជាប់ចិញ្ចឹមកូនម្នាក់ឯង
- 2020-04-21 08:00:00
- ចំនួនមតិ 0 | ចំនួនចែករំលែក 0
តួរឿង កលល្បិចក្នុងរាជវាំងវគ្គ២ ចោលសិល្បៈទោះនៅល្បី និងជាប់ចិញ្ចឹមកូនម្នាក់ឯង
តារាសម្ដែងស្រីល្បីឈ្មោះហុងកុង Annie Liu ប្រកាសនឹងចូលនិវត្តន៍ពីសិល្បៈនៅពេលខាងមុខ ទោះបីជាកេរ្តិ៍ឈ្មោះលើវិថីនេះរបស់នាងនៅមានភាពល្បីក៏ដោយ។ កាលពីថ្ងៃទី ២០ ខែមេសាកន្លងទៅនេះ បណ្ដាញព័ត៌មាន On បានចុះផ្សាយពីបទសម្ភាសន៍របស់ខ្លួនជាមួយតារាសម្ដែងស្រីល្បីឈ្មោះហុងកុង Annie Liu ដែលបានធ្វើឲ្យទស្សនិកជនជាច្រើនភ្ញាក់ផ្អើលនៅពេលស្រីស្អាតវ័យ៣៩ឆ្នាំ សម្រេចចិត្តថាខ្លួននឹងចាកចោលសិល្បៈហើយ។
ចែករំលែកពីមូលហេតុនៃការដើរចេញនេះ តួរឿង កលល្បិចក្នុងរាជវាំងវគ្គ២ ប្រាប់ថាដោយសារតែអាយុជ្រេហើយ ទើបតួដែលនាងទទួលបានក៏លែងច្រើនដូចមុនដែរ។ មិនត្រឹមតែប៉ុណ្ណោះ ទោះបីជាចូលសិល្បៈ១៥ដែរហើយ តែនាងមិនដែលទទួលបានរង្វាន់អ្វីធំនោះទេ។
“តាមការពិត បើខ្ញុំទទួលថតឈុតសិចស៊ី ម្ល៉េះឡើយពេលនេះខ្ញុំល្បីឈ្មោះហើយ។ តែខ្ញុំថតគម្រោងធំៗច្រើន តែចូលចិត្តថតតែឈុតខ្លួនចូលចិត្ត មិនតាមចិត្តអ្នកដឹក ទើបកេរ្តិ៍ឈ្មោះមិនឡើងដូចគេ”។
និយាយពីគម្រោងចូលនិវត្តន៍របស់ខ្លួន ស្រីស្អាតហុងកុងបានឲ្យដឹងថា ខ្លួននឹងទទួលចិញ្ចឹមកូនដោយខ្លួនឯង ត្បិតនៅពេលឃើញការបរាជ័យពីមង្គលការឪពុកម្ដាយខ្លួន នាងមិនចង់សាកនឹងមង្គលការឡើយ។ ក្រោយពេលលាឈប់ពីសិល្បៈ តារាស្រីរូបនេះគ្រោងនឹងបើកភោជនីយដ្ឋានដើម្បីប្រកបរបរចិញ្ចឹមជីវិត៕